Kulonga 12:14 - Baibo Busansulushi Bwa Libuku Ili

¹⁴ Mulyeelete kunoosekelela bushiku ubu kwaamba ayi mwiibaluke ncendacita nebo neMwaami Lesa. Mukanoosekelela amyaaka yoonse ili kunembo.”

Kulonga 12:14 ပူးပေါင်းရင်းမြစ်များ

2 Baami 23:21

Mwaami Josiya wakaambila bantu boonse ayi, “Amusekelele bushiku bwa Pasika bwakwiibaluka kusotokela mukulemeka Mwaami Lesa, Lesa wanu kweelana ambocilembetwe muLibuku lya Cipangano.”

Kulumbaisha 111:4

Wakalengesha ayi milimo yakwe ikankamika inokwiibalukwa. Ncakwiila Mwaami Lesa ngushiluse alimwi ngushinkumbu.

Kulumbaisha 135:13

NoBaami baLesa, liina lyanu ndyamuyayaya. Mulipukite kumashalane oonse.

Kulonga 12:17

Mulyeelete kusekelela pabushiku ubu mukwiinga mbobushiku ndindakakusha mikowa yanu mucishi ca Ijipiti. Paceebo ceeci mulyeelete kunoosekelela pabushiku ubu myaaka yoonse ili kunembo.

Kulonga 12:24

Mwebo abamulunyungu lwanu mulyeelete kukonkela milawo iyi lyoonsebo.

Kulonga 12:43

Mpomunyaawo Mwaami Lesa wakaambila Mose aAloni ayi, “Milawo ya pabushiku bwa Pasika bwakwiibaluka kusotokela njeeyi, Taaku muswamashi weelete kulya cakulya ca bushiku bwa Pasika.

Kulonga 12:6

Ono pabushiku bwalikumi ashone mumweenshi ngomunya uno macolesha, bene Isilaeli boonse balyeelete kucaya banyama abo.

Kulonga 23:15

Mumweenshi wa Abibu, uyo ngomwakaswitamo muIjipiti, mulyeelete kusekelela kulya Cimaande akucita kweelana ambondakamwaambila. Munshiku shili shosanwe ashobilo shakusekelela uku, tamweelete kulya shinkwa nabi kwisa mukunambila maansabo.

Kulonga 27:21

Aloni alimwi abana bakwe basankwa balyeelete kubika lilampi muTente ya Cipangano, pansengwe lwa cisani ico cili kunembo lya Libokoshi lya Cipangano. Nkokwaamba ayi lilampi ili lilyeelete kunyaka pameenso angu mpomunyaawo kuswa macolesha kushikila amacuunsa. Bene Isilaeli alimwi abamulunyungu lwabo balyeelete kunoolama mulawo uyu lyoonsebo.

Kulonga 5:1

Kuswawaawo Mose aAloni bakaya kuli Falawo mwaami wa kuIjipiti akumulwiita ayi, “Mwaami Lesa, Lesa wa bene Isilaeli waamba ayi, ‘Amubaleeke bantu bangu baye kwaamba ayi bakansekelele akundemeka muluyanga.’ ”

Esekelo 46:14

Pabushiku abushiku macuunsa, mulyeelete kupa makilogilamu ali 2 a fulaulo, kwiilikaawo alita yomwi ya mafuta a olifi akusenkanyaako. Kubenga mulambu wa mushobo uyo kuli ndime ulaakuba ngumulawo walyoonse alyoonse.

Bene Lefi 23:6

Ono pabushiku bwalikumi ashosanwe, kusekelela kwakulya cimaande akwalo kulatalika. Aboobo kwanshiku shosanwe ashobilo, tamweelete kulya shinkwa.

Sekaliya 6:14

Mushini uyo ulaakuba ncakwiibalushishaako muŊanda ya Mwaami Lesa mukulemeka Eludai, Tobija, Jedaya alimwi aJosiya.’

Shakubelenga 10:8

Bapailishi bana bakwe Aloni basankwa mbobeelete kulisha mapeenga ayo. “Ono mulawo uyu ulyeelete kunookonkelwa lyoonse mumashalane oonse acisa.

Shakubelenga 15:15

Milawo njemunya iyi ilaakunookumite kuli ndimwe alimwi abaswamashi bashiite pakati kanu mumashalane anu oonse atoosa. Mwebo ambabo mulyeelenebo pameenso angu nebo neMwaami Lesa.

Shakubelenga 16:40

kweelana aMwaami Lesa mbwaakamulwiita kwiinda muli Mose. Ici cakaba cicenjesho kubene Isilaeli boonse ayi taaku muntu uteshi wamulunyungu lwakwe Aloni weelete kwisa kucipaililo mukutentela Mwaami Lesa tununkila kabotu pakutenta. Na wacita boobo, inga wanyonyoolwa bweenka bwakanyonyooka Kola abaabo bakalinga kumukonkela.

Shakubelenga 18:8

Lyalo Mwaami Lesa wakaambila Aloni ayi, “Nebo nemwiine ndakupa shipo shoonse isho bene Isilaeli nshebampa. Ndapa ndiwe abana bako basankwa ayi ncecipansha canu ico nceshi mukanoopekwa lyoonse.

Mateyo 26:13

Ntoomulwiita calushinisho ayi, kuli koonse bantu nkweshi bakanooshimika Makani Abotu mucishi coonse ca panshi, balaakunokwaamba acikani ici cacita mwanakashi uyu mukumwiibaluka.”

Luka 22:19

Kuswawaawo wakabwesa cimaande, walumba Lesa, lyalo wacikomoona akupa bashikwiiya bakwe akwaamba ayi, “Uyu ngumubili wangu [uyo waabwa ceebo ca ndimwe. Kamucita ceeci mukunjibaluka.”

Dutolonomi 16:1

“Kamulemeka Mwaami Lesa, Lesa wanu kwiinda mukusekelela bushiku bwa Pasika bwakwiibaluka kusotokela mumweenshi wa Abibu. Mukwiinga mumweenshi uyu, ciindi ca mashiku, Mwaami Lesa wakamukusha mucishi ca Ijipiti.

Dutolonomi 16:11

Mwebo pantu pomwi abana banu, basebenshi banu, bene Lefi, baswamashi, bana banshiwa alimwi abamukalubinje banakashi abo bekala mumandabalaanu, mulyeelete kusangalala kunembo lya Mwaami Lesa, Lesa wanu kumusena womwi uyo wakulambililaako.

Dutolonomi 6:8

Amuyaange pamikono yanu alimwi mwiifwaale pankumo ayi nciibalusho.

Joshuwa 4:7

mukanoobalwiita ayi maanshi muMulonga wa Joodani akacileka kukunka Libokoshi lya Mwaami Lesa ndilyakalinga kusubushikwa. Mabwe aya lyoonse alaakunokwiibalusha bene Isilaeli isho shakacitika.”

1 Samwelo 30:25

Defedi wakaubika ayi ngumulawo kuswa bushiku ubo kushikila asunu mucishi ca Isilaeli.