Kulonga 12:11 - Baibo Busansulushi Bwa Libuku Ili

¹¹ Ono mbulya mbomweelete kwiilya. Mulyeelete kufwalila limwi mbuli shilweendo, nkwabilo kumyeendo alimwi ankooli mumaansaanu. Amukeelye mulubilo, mukwiinga nkusekelela kwa Pasika kwakwiibaluka kusotokela mukulemeka ndime neMwaami Lesa.

Kulonga 12:11 ပူးပေါင်းရင်းမြစ်များ

2 Baami 23:21

Mwaami Josiya wakaambila bantu boonse ayi, “Amusekelele bushiku bwa Pasika bwakwiibaluka kusotokela mukulemeka Mwaami Lesa, Lesa wanu kweelana ambocilembetwe muLibuku lya Cipangano.”

Kulonga 12:13

Bulowa ubo mbweshi bukananikwe kushisamu sha kumilyango ya maandaanu, bulaakuba ncecitondesho ayi ngamaandaanu. Na ndaboona bulowa ubo, ndaakumusotokela, nkokwaamba ayi mwebo teshi nkamuletelewo mwaalu unyonyoola pakunoopa mulandu bene Ijipiti.

Kulonga 12:21

Mpomunyaawo Mose wakeeta bamatanjilili boonse bene Isilaeli akubaambila ayi, “Noonse womwi awomwi mulyeelete kusala mwanaambelele akumucaya, kwaamba ayi bamumaandaanu basekelele bushiku bwa Pasika bwa kwiibaluka kusotokela.

Kulonga 12:27

Mwebo mukabakumbule ayi, ‘Njimilambu ya pabushiku bwa Pasika bwakwiibaluka kusotokela mukulemeka Mwaami Lesa, ceebo mbobushiku mbwaakasotokela maandeesu mucishi ca Ijipiti. Wakacaya bene Ijipiti, sombi swebo sobwe.’ ” Mpeeke bene Isilaeli bakafukama, balambila.

Kulonga 12:43

Mpomunyaawo Mwaami Lesa wakaambila Mose aAloni ayi, “Milawo ya pabushiku bwa Pasika bwakwiibaluka kusotokela njeeyi, Taaku muswamashi weelete kulya cakulya ca bushiku bwa Pasika.

Isaya 52:12

Sombi teshi mukasweemo cakwiingana nabi cakunoonyumfwite boowa ceebo Mwaami Lesa ngweshi akanooli kunembo lyanu. Mwaami Lesa eenka ngweshi akanoomutabilila kwisule.

Esekelo 45:21

“Lyalo pabushiku bwalikumi ashone mumweenshi wakutaanguna, mulaakutalika kusekelela bushiku bwa Pasika bwakwiibaluka kusotokela. Kwanshiku shosanwe ashobilo muntu uli woonse ulaakunoolyabo cimaande.

Bene Lefi 23:5

“Kusekelela kwa bushiku bwa Pasika bwakwiibaluka kusotokela, uko kucitika mukulemeka Mwaami Lesa, kulatalika macolesha pabushiku bwalikumi ashone mumweenshi wakutaanguna.

Shakubelenga 28:16

“Ono kusekelela kwa bushiku bwa Pasika bwakwiibaluka kusotokela mukundemeka neMwaami Lesa kulyeelete kucitwa pabushiku bwalikumi ashone bwa mweenshi wakutaanguna.

Shakubelenga 9:1

Mumweenshi wakutaanguna, mumwaaka wabili kuswa bene Isilaeli ndibakaswa mucishi ca Ijipiti, Mwaami Lesa wakaambila Mose muluyanga lwa Sinayi ayi,

Luka 12:35

“Kamulibambite kusebensa alimwi malampi anu kaanyaka lyoonse.

Luka 15:22

Sombi baishi bakaambila basebenshi babo ayi, ‘Amufwambaane! Amulete cakufwala cibotu afwale. Mumufwalike ninga kumunwe ansapato.

Luka 2:41

Bashali bakwe Jesu bakalinga kuya kuJelusalemu lyoonse pamwaaka pabushiku bwa Pasika bwakwiibaluka kusotokela.

Luka 7:38

Wakashika weemikana kwisule lyakwe Jesu pafwaafwi ashimpanta kaalilabo buumpute. Wakatontosha shimpanta shakwe Jesu aminsonshi yakwe akutalika kwiipukuta amisusu yakwe. Mpeeke wakafyonta shimpanta akushitila mafuta ayo.

1 Bene Kolinto 5:7

Mulyeelete kukusha cimena ca kale kale ca shibiibi kwaamba ayi mube bantu basalalite cakumaninina. Lyalo mutooba anga ngumulwi upya utacite cimena alimwi mboonshi kwaamba ayi mbomubete ubo. Ceebo Klistu mwanaambelele wesu wa Pasika, wa bushiku bwakwiibaluka kusotokela, wakacaikwa kale.

Bene Efeso 6:15

Kulibambila kwanu kwa kushimikila Makani Abotu a luumuno kube anga ninsapato nshemufwala.

Dutolonomi 16:1

“Kamulemeka Mwaami Lesa, Lesa wanu kwiinda mukusekelela bushiku bwa Pasika bwakwiibaluka kusotokela mumweenshi wa Abibu. Mukwiinga mumweenshi uyu, ciindi ca mashiku, Mwaami Lesa wakamukusha mucishi ca Ijipiti.

Joshuwa 5:10

Ingayi macolesha pabushiku bwalikumi ashone mumweenshi uyo kabacili mumisumba kuGilugala kushinyika sha ndabala ya Jeliko, bakasekelela bushiku bwa Pasika bwakwiibaluka kusotokela.

1 Pita 1:13

Aboobo amulibambile mumiyeeyo yanu alimwi mulicaate mushoonse. Kulangila kwanu koonse akubebo paluse ndweshi mukatambule pabushiku Jesu Klistu ndyeshi akayubululwe.