Kulonga 11:4 - Baibo Busansulushi Bwa Libuku Ili

⁴ Mpeeke Mose wakaambila mwaami Falawo ayi, “Mwaami Lesa waamba ayi, ‘Pakati ka mashiku, ntokweendaana mucishi ca Ijipiti.

Kulonga 11:4 ပူးပေါင်းရင်းမြစ်များ

2 Samwelo 5:24

Na munyumfwebo coongo cakweenda kwa bashilumamba mwiculu lya shisamu isho, mweendeshe mukwiinga ingayi nebo neMwaami Lesa ndatanjila kunembo lyanu kwaamba ayi nkome likoto lya bashilumamba bene Filisiti.”

Jobo 34:20

Bantu balapulumukilwabo lufu nabi pakati ka mashiku nkufwa. Balatenkaanishikwabo, lyalo balashimingana. Lesa ulakushawo beshinkusu cakutamuyuminaawo.

Kulumbaisha 60:10

Taaku abamwi sobwe, ndimwe nweenka nomwatukaka, ee, mwebo nweenka nobaLesa nomwacileka kuya abashilumamba besu kunkondo.

Kulumbaisha 81:5

Wakapa mulasho uyu kubene Isilaeli ciindi ico ndyaakalwana bene Ijipiti. Ndakanyumfwa liswi litashibikitwe ayi,

Kulonga 12:12

“Pabushiku ubo mbomunya mashiku, ndaakwiinda mucishi coonse ca Ijipiti kuya cicaya baana basankwa boonse bakwiiya ba bantu alimwi aba shifubwa. Ndaakupa mulandu balesa boonse ba bene Ijipiti. Nebo ndime Mwaami Lesa.

Kulonga 12:23

Ono Mwaami Lesa pakuya cicaya bene Ijipiti mucishi cabo, ulaakubona bulowa ubo peculu lya milyango alimwi apashisamu sha kumilyango. Mpeeke ulaakukasha shikunyonyoola kwinjila mumaandaanu ayi amucaaye.

Kulonga 12:29

Ono pakati kamashiku, Mwaami Lesa wakacaya baana basankwa bakwiiya boonse mucishi ca Ijipiti, kutalikila kumwanaamwaami musankwa, wakalinga njempyani ya bwaami kushikila akumwanaakaili musankwa wakalinga muntolongo. Wakacaya abaana basankwa bakwiiya ba banyama boonse.

Isaya 42:13

Mwaami Lesa ulaya kunkondo mbuli muntu ucibwene kulwana. Ulalikalasha akulibambila kulwana bweenka bucita shilumamba mwiine mwiine. Ulaakoolobesha kutondesha ayi nkondo yatalika, ndushinisho ulaakukoma balwani bakwe.

Amosi 4:10

“Ndakatuma myaalu pakati kanu bweenka mbondakatumina bene Ijipiti. Ndakacaya bacikula bwangu banu basankwa kunkondo pantu pomwi amaaki ayo ngomwakasaala. Ndakalengesha keema kabiibi ka mituntu mumisumba yanu. Sombi mwebo tamukwe kusandukilawo kuli ndime. Nebo neMwaami Lesa ndaamba.

Amosi 5:17

Mumyuunda ya minyansa moonse mulaakuba kulila mukwiinga ndaakwisa mukumupa mulandu. Nebo neMwaami Lesa ndaamba.”

Mika 2:13

Lesa ngweshi akabacalwite nshila akubatanjilila kuswa mubusha. Balaakupasula mwinjililo akuswaamo umo. Mwaami wabo ulaakutaanguna kupula. Ee, Mwaami Lesa ngweshi akabe kunembo lyabo.

Mateyo 25:6

“Ono pakati ka mashiku kwakanyumfwika maswi abantu bakalinga kuyobela ayi, ‘Ngooyo shibwiinga waashika! Amwise mukamutambule!’