Kulonga 10:7 - Baibo Busansulushi Bwa Libuku Ili

⁷ Mpomunyaawo bacinenenene bakwe Falawo bakamwaambila ayi, “Nciindi cilaamfu buyani muntu uyu nceshi atole kaatuletela mapensho? Amubaleeke bene Isilaeli baye, kwaamba ayi bakalambile Mwaami Lesa, Lesa wabo. Sa abobulya tamutoobona ayi cishi ca Ijipiti canyonyooka?”

Kulonga 10:7 ပူးပေါင်းရင်းမြစ်များ

Kulumbaisha 107:34

Cishi ca mboleshi cakaba cikula ceebo ca shibiibi sha bantu bakalingaamo.

Kulonga 12:33

Mpomunyaawo bene Ijipiti bakasengesha bene Isilaeli ayi baswe mucishi cabo, kabaamba ayi, “Soonse tutoomana kufwa na mubule kuya.”

Kulonga 23:33

Alimwi mutakasuminishi bantu abo kwikala mucishi canu. Na mukabasuminishe, balaakulengesha ayi mukambishishe. Kulambila balesa babo, kulaakuba koose keshi kakamuletele lufu.”

Kulonga 7:5

Lyalo bene Ijipiti balaakwishiba ayi nebo ndime Mwaami Lesa, ndaakutandabika lyaansa lyangu lyankusu pali mbabo alimwi akukusha bene Isilaeli mucishi cabo.”

Kulonga 8:19

Pesule beshimampelampela bakaambila mwaami Falawo ayi, “NguLesa wacita sheeshi!” Sombi mwaami Falawo wakacita cimpamya akukaka kunyumfwila Mose aAloni kweelana abwakaamba Mwaami Lesa.

Tushimpi 29:6

Mucita shibi ulacatwa mushibiibi shakwe mwiine, sombi ululeme uleembabo akusangalala.

Shikushimikila 7:26

Ndibwene cintu cibiibi kwiinda lufu. Cintu ico ngumwanakashi uyo uli anga nkoose. Ncakwiila mwanakashi uyo ucite moyo uli anga ncinsaala. Maansaakwe ali anga nincetani. Musankwa usangalasha Lesa ulakonsha kumuleya, sombi mucita shibi ulaakumucatisha mukoose kakwe.

Isaya 14:20

Teshi ukabikwe bubikwa bamaaminyoko mukwiinga wakanyonyoola cishi cako akucaya bantu bako. Bamulunyungu lwako webo omucita shibi teshi bakanyumfwikeewo tubili.

Isaya 51:9

NoBaami baLesa, amunyamuke, amunyamuke! Amunyamuke mutupulushe alyaansa lyanu. Amunyamuke bweenka mbomwakalinga kucita kunshiku shakeenda, ee, bweenka mbomwakalinga kucita kuciindi ca mashalane akulukulu. Sa te ndimwe mwakatimboola Laabu shinshimwe ulya mutupanshapansha?

Jelemiya 48:4

“Cishi ca Moabu cilaakupwayoolwa, abana ba ncico balaakulila.

Jelemiya 51:8

Babiloni ulaakuwa cakufwambaana akupwayooka. Amumulilile cakooloma! Amuyandoole musamu wakushilika shicisa shakwe, mpashi mukuba acoolwe inga washilikwa.”

Sefaniya 1:18

Silifa nabi golodi wabo teshi shikabafuneewo pabushiku ubo Mwaami Lesa ndyeshi akatondeshe bukali bwakwe. Mubukali bwakwe butenta anga ngumulilo cishi ca panshi cilaakunyonyoolwa coonse. Ulaakucinyonyoola cakufwambaana abantu boonse bekalaamo.

1 Bene Kolinto 7:35

Ndaamba boobo kwaamba ayi mucafweeko. Nshintoomukasha, sombi ndisuni kwaamba ayi mucite shiluleme sheelete, alimwi mulibeenge kumulimo wa Mwaami camoyo womwibo, kutaaku cimwi nceenga kamuyeeya.

Joshuwa 23:13

amukeshibe ayi Mwaami Lesa, Lesa wanu teshi akatandeewo mishobo iyo kunembo lyanu. Sombi balaakuba anga ntoose alimwi balaakunoocisa bweenka bucisa ciswepu mumusana nabi myuumfwa mumeenso, kushikila noonse mukaloobe mucishi cibotu cino cakamupa Mwaami Lesa, Lesa wanu.

1 Samwelo 18:21

Lyalo wakayeeya ayi, “Cabota ono Mikali ntoomweebeshabo kuli nguwe kwaamba ayi akabe koose kuli nguwe. Munshila iyo bene Filisiti bakamucaaye.” Mpomunyaawo Saulo wakaambila Defedi ayi, “Ndakupa ciindi cabili kwaamba ayi ube mukwe wangu.”

1 Samwelo 5:11

Mpeeke alimwi bakatuma bantu kwiita bamaami ba bene Filisiti boonse. Lyalo bakaamba ayi, “Amupilushe Libokoshi lya Cipangano lya bene Isilaeli kumusena wa ndilyo kwaamba ayi litacaayi abamumaandeesu.” Mwakalinga kunyonyongana mundabala ceebo Lesa wakalinga kubatondesha bukali cakubula nkumbu.