Kulonga 10:3 - Baibo Busansulushi Bwa Libuku Ili

³ Aboobo Mose aAloni bakaya kumwaami Falawo mukumulwiita ayi, “Mwaami Lesa, Lesa wa bene Ebulu waamba ayi, ‘Nciindi cilaamfu buyani nceshi ukake kunyumfwila ndime? Leka bantu bangu baye bakanambile.

Kulonga 10:3 ပူးပေါင်းရင်းမြစ်များ

1 Baami 18:21

Elija wakaya kubantu akwaamba ayi, “Ino mutootola ciindi cilaamfu buyani kwaamba ayi musale ca maano? Na Mwaami Lesa ngoLesa walushinisho, kamumulambila, sombi na Baali ngoLesa kamumulambila!” Bantu boonse taakuuwo ncebakaamba.

1 Baami 21:29

“Sa wamubona Aabu mbwaalyungumika kuli ndime? Ono mbwaacita bobulya, teshi nkalete shinkunka isho kaacili muumi. Ndaakushileta ciindi mwanaakwe aakunoolela.”

2 Baami 22:19

Wasanduka kuswa kushibiibi shako akulibombya pameenso angu kwiinda mukukwamoona shakufwala shako akulila ndiwakanyumfwa mbondakalinga kupinga kupa mulandu kundabala ya Jelusalemu abantu bekalaamo. Ndaakucita boobo ilaakunooyoosha kwiilanga. Ncakwiila ilaakuba musena uyo bantu ngweshi bakanoosebensesha pakushingana. Sombi ndanyuumfwa kusenga kwako.

2 Makani 33:12

Mukupenga kwakwe wakaliceesha akusandukila kuMwaami Lesa, Lesa wakwe akumusenga ayi amucaafwe.

2 Makani 33:19

Mupailo wakwe akukumbula kwakwe Lesa, shibiibi nshaakacita kaatana kusanduka, nkokwaamba ayi bubi mbwaakacita, misena yakulambililaako ya patulundu, shikoshanyo shakwe Ashela lesa mwanakashi isho nshaakapanga alimwi ashibumbwabumbwa nshaakalinga kulambila, shoonse shililembetwe mulibuku lya balaluki.

2 Makani 34:27

Wasanduka kuswa kushibiibi shako akulibombya pameenso angu kwiinda mukukwamoona shakufwala shako akulila ndiwakanyumfwa mbondakalinga kupinga kupa mulandu kundabala ya Jelusalemu abantu bekalaamo. Ono ndanyuumfwa kusenga kwako.

2 Makani 7:14

ono na bantu bangu beetwa muliina lyangu balibombya, bapaila, banambila akusanduka kuswa kushibiibi shabo, lyalo nebo ndaakubanyumfwa kwiculu, kulekelela shibiibi shabo akulengesha cishi cabo kubila alimwi.

Jobo 42:6

Aboobo ndicite nsoni abuumbi pamakani ngondakaamba, Ndasanduka kuswa kushibiibi shangu akwalabangana mulusuko amumilota.”

Kulonga 10:4

Na utolelele kukaka, ndaakuleta nsoshi mucishi cako ciilo.

Kulonga 16:28

Lyalo Mwaami Lesa wakaambila Mose ayi, “Ino mwebo nobantu mutootola ciindi cilaamfu buyani kamukaka kukonkela milawo amilasho yangu?

Kulonga 4:23

Ndakakulwiita ayi uleke mwanaangu musankwa aye kwaamba ayi akanambile, sombi webo wakakaka. Ono bulya ntoocaya mwanaako musankwa wakwiiya.’ ”

Kulonga 5:1

Kuswawaawo Mose aAloni bakaya kuli Falawo mwaami wa kuIjipiti akumulwiita ayi, “Mwaami Lesa, Lesa wa bene Isilaeli waamba ayi, ‘Amubaleeke bantu bangu baye kwaamba ayi bakansekelele akundemeka muluyanga.’ ”

Kulonga 9:17

Nacibi boobo webo ucicitebo cimpamya alimwi ucikaka kuleka bantu bangu ayi baye.

Tushimpi 1:22

Butokwaamba ayi, “Ino mwebo nobaluya, anu mulaakucileka lili kwikala mubuluya bwanu? Anu mwebo nobeshikucelebula mulaakucileka lili kusangalalila mukucelebula kwanu? Anu nobaluya mulaakucileka lili kusuula lushibo?

Tushimpi 1:24

Ndindakamwiita mwakankakila. Taaku muntu nabi womwi wakanyumfwila ndindakamulabula.

Tushimpi 18:12

Muntu na kaatana kuwa ulalisumpula, sombi muntu ulapekwabo bulemu na waliceyesha.

Isaya 1:5

Ceebonshi ucisunibo kunokuumwa? Ino nceebonshi ncoocitolelelabo bwaashu? Bona kumutwi wako kuliswite kale shiloonda awalo moyo wako ulicisitwe kale.

Isaya 2:11

Kulinaamuna kwa bantu kulaakumana, ncakwiila kulisumpula kwabo kulaakunyonyoolwa. Pabushiku ubo Mwaami Lesa eenkabo ngweshi akasumpulwe.

Jelemiya 13:10

Bamucita shibi abo bakakaka kunyumfwila maswi angu. Bakakonkela bushicimpamya bwa myoyo yabo akuya mukusebensela akulambila balesa bamwi. Paceebo ceeco balaakuba bweenka mbuli laamba uyu utacite ncito napaceyuubo.

Jelemiya 13:18

Mwaami Lesa wakaŋambila ayi, “Ambila mwaami abanyina ayi, ‘Amuseluke pashuuna shanu sha bwaami ceebo mishini yanu yabulemu ilaakuloka kumitwi yanu.’

Jelemiya 50:29

“Amwiite beshimata ayi balwane Babiloni, ee, boonse abo bawaala mifwi. Mushinguluke ndabala iyo. Mutaleeki nabi womwi ayi aloboke. Amwiilambule pamicito ya njiyo. Amwiicitile bweenka mboyakacitila bamwi mukwiinga wateteesha ndime neMwaami Lesa, Usalalite wa bene Isilaeli.

Esekelo 5:6

Nakubi boobo ceebo cakubisha kwa bamundabala iyo bakaashukila milawo amilasho yangu kwiinda mishobo imwi ashishi isho shibashingulukite. Ncakwiila bakakaka milawo yangu alimwi tabakwe kukonkela milasho yangu.

Danyelo 5:22

“Sombi mwebo nobaBeloshasa nobana babo tamukwe kulibombyaawo nakubi kwaamba ayi mulishi cikani coonse ici.

Shakubelenga 14:27

“Ino bamucita shibi aba batootola ciindi cilaamfu buyani kabacitongooka? Matongooshi aya andemya kwaanyumfwa!

Bene Loma 2:4

Nabi sa utoonyansha Lesa ceebo ca kwaamba ayi ngushinkumbu abuumbi alimwi taatondeshi bukali bwakwe paciindi ceenka ico, sombi ulatolelela kulekelela? Ncakwiila ulishi kwaamba ayi Lesa ncaabetele shinkumbu nkweelesha kwaamba ayi usanduke kuswa kushibiibi shako.

Bene Ebulu 12:25

Paceebo ceeco, amucenjele kwaamba ayi mutakaki kunyumfwila wooyo utokwaamba amwebo. Boonse abo bakakaka kunyumfwila wooyo wakabacenjeshaako pacishi ca panshi pano kwiinda mumakani akwe Lesa, tabakwe kupuluka. Ono na twakaaka kunyumfwila wooyo utokwaamba kuswa kwiculu, ncakwiila aswebo teshi tukapulukeewo.

Jemusi 4:10

Amuliceeshe pameenso a Mwaami Lesa, lakwe ulaakumusumpula.

1 Pita 5:6

Aboobo amuliceeshe pameenso akwe Lesa shinkusu kwaamba ayi akamusumpule paciindi ceelete.