Kulonga 10:15 - Baibo Busansulushi Bwa Libuku Ili

¹⁵ Lyalo shakakumanabo panshi poonse, mpeeke panshi pakaboolabo mbi. Shakalya ashishango shoonse shakapuluka kumfula ya mabwe, kulita kumwi ashisepo shakalinga kushisamu. Taaku matewu akacaala kushisamu ashishango mucishi coonse ca Ijipiti.

Kulonga 10:15 ပူးပေါင်းရင်းမြစ်များ

Kulumbaisha 78:46

Lesa wakatuma nsoshi ayi shilye shishango shabo. Wakatuma cisoshi ayi cinyonyoole myuunda yabo.

Kulonga 10:12

Mpomunyaawo Mwaami Lesa wakaambila Mose ayi, “Tandabika lyaansa lyako pacishi ca Ijipiti kwaamba ayi nsoshi shise. Shitoosa mukulya shishango shoonse mumyuunda, shoonse isho shitakwe kunyonyooka kumfula ya mabwe.”

Kulonga 10:5

Kulaakuba shiinji abuumbi cakwaamba ayi shilaakukumana panshi poonse. Shilaakulya shoonse isho shitakwe kunyonyoolwa kumfula ya mabwe, kubikaawo ashisamu shoonse shakacaala.

Tushimpi 30:27

Cisoshi tacicite mwaami, sombi cileenda anga ndikoto lya bashilumamba.

Jowelo 1:4

Shishango shakacaala kucisoshi cimwi, nsoshi shinene shakesa mukushilya. Shishango shakacaala kunsoshi shinene, twana twa nsoshi twakesa mukushilya. Shishango shakacaala kutwana twa nsoshi, Nsoshi shimwibo shakesa mukushilya.

Jowelo 2:25

Mwaami Lesa waamba ayi, “Ndaakumulipila pashoonse shakalikwa kunsoshi. Nkokwaamba ayi shakalikwa kunsoshi shinene atwana twa nshisho, nsoshi shimwibo akucisoshi. Shoonse ishi shakalinga anga ndikoto lyangu lya bashilumamba ndyendakatuma.

Amosi 7:2

Muciloto cangu ndakabona cisoshi kacilya shishango shoonse pacishi ca panshi. Lyalo nebo ndakoolobesha ayi, “NoBaami baLesa Beshinkusu shoonse, amulekelele bantu banu! Ino inga bapuluka buyani? Ncakwiila mbaniini alimwi tabacite nkusu!”

Shakubelenga 22:5

wakatuma beshinkombe mukwiita Balaamu mwanaakwe Beyo, uyo wakalinga kuPeto kufwaafwi aMulonga wa Yufuletisi mucishi ca Amawu. Makani ngobakamuletela kuswa kuli Balaki ngakwaamba ayi, “Ntookushibisha ayi mushobo woonse wakaswa mucishi ca Ijipiti alimwi mbaanji abuumbi, ono besa mukwikala pafwaafwi akumisheesu.