Jowelo 3:4 - Baibo Busansulushi Bwa Libuku Ili

⁴ “Ono mwebo nobene Taya, bene Sidoni amwebo nobamushishi shoonse sha bene Filisiti mutooyanda kuncitila buyani? Sa mulisuni kumbooshesha cishole ceebo ca cintu cimwi ncendakamucitila? Na mbomutooyanda kucita ubo, ndaakuboosha cishole pali ndimwe cakufwambaana!

Jowelo 3:4 ပူးပေါင်းရင်းမြစ်များ

2 Makani 21:16

Mpeeke Lesa wakalengesha bene Filisiti abene Alabu abo bakalinga pafwaafwi abene Kushi kunyamuka kuya mukulwana Jeolamu.

Isaya 14:29

Mutasangalali mwebo nobene Filisiti kwaamba ayi Asilya, iyo nkoli ya bweendeleshi yalinga kumuuma yatyoka. Ceebo kuswa kumushobo wa nsoka ilya, kulaakuswa mpili. Mumpili mulaakuswa cifukufuku ucite busoka bucaya.

Isaya 34:8

Ndushinisho Mwaami Lesa ulicite bushiku mbwaatooyanda kuboosha cishole, bushiku bwakulambula bubi mukufuna ndabala ya Siyoni kubalwani ba njiyo.

Isaya 59:18

Ono balwani bakwe abo ulaakubalambula kweelana asheesho nshebakacita. Ulaakunyumfwisha balwani abo cilemeneshi ca bukali bwakwe, ee, ulaakubooshela cishole abo bamupatite. Ulaakupa bantu beenka abo bekala kulaale, isho nshebeelete.

Jelemiya 47:1

Mwaami Lesa wakaŋambila nebo neJelemiya maswi aya pabene Filisiti, Falawo kaatana kulwana bene Gasa.

Jelemiya 47:4

Ee, bushiku bwashikila bwa kunyonyoola bene Filisiti boonse akucaya boonse bakacaalaawo abo beenga bacafwa Taya aSidoni. Nebo neMwaami Lesa ndaakunyonyoola bene Filisiti abo boonse bakaswa kuloombe lwa lweenge lwa kuKileti.

Jelemiya 51:6

“Amucice kuswa kuBabiloni! Mucice kufuna buumi bwanu! Mutanyonyooki ceebo ca shibiibi sha bene Babiloni. Cashikila ciindi cakwaamba ayi nebo neMwaami Lesa mbooshe cishole kundabala iyo. Ndaakwiipa mulandu kweelana amicito ya njiyo.

Jowelo 2:10

Cishi cilatenkaana ndiceenda. Liculu alyalo lilatutuma. Lisuba amweenshi shilaboolabo mbi ashalo nyenyeenshi shilacileka kubala.

Jowelo 2:2

Bushiku ubo mbwa munshinshe alimwi mbwa buumba, bushiku bushiya mbi alimwi bwa makumbi alemu. Bweenka makumbi mbwaafwekelesha cishi kuswa kwicwe, mbweeke ubo cisoshi cinene citoosa pacishi. Cisoshi ico tacikwe kubonekaawo kale kuswabo kukalekale alimwi teshi cikabonekeewo tubili munshiku shitoosa.

Mateyo 11:21

Wakabaambila ayi, “Mapensho kuli ndimwe nomandabala a Kolasini aBetisaida, mukwiinga shaankamiko isho shakacitilwa muli ndimwe, neshakacitilwa muTaya aSidoni, mandabala anene a bantu bakunsengwe, naakwiinga bakasanduka kale kuswa kushibiibi akufwala masaka alimwi akulinanika milota, kutondesha ayi balyuungumene ceebo cakubisha.

Mateyo 11:22

Ntoomwaambila calushinisho ayi pabushiku bwakoomboloshekwa Lesa ulaakumupa mulandu unene kwiinda Taya aSidoni!

Luka 10:13

“Mapensho kuli ndimwe nomandabala a Kolasini aBetisaida mukwiinga shaankamiko isho shakacitilwa muli ndimwe, neshakacitilwa muTaya aSidoni, mandabala anene a bantu bakunsengwe, naakwiinga bakasanduka kale kuswa kushibiibi akufwala masaka alimwi akulinanika milota, kutondesha ayi balyuungumene ceebo cakubisha.

Luka 10:14

Ntoomwaambila calushinisho ayi pabushiku bwakoomboloshekwa Lesa ulaakumupa mulandu unene kwiinda Taya aSidoni!

Luka 18:7

Ono sa Lesa teshi akabacitile shiluleme bantu bakwe basalitwe abo bamusenga malumwi amashiku? Sa ulaakucelwa kubacafwa?

Milimo ya Batumwi 9:4

Mpeeke wakawita panshi akunyumfwa liswi lyakwaamba ayi, “Saulo, Saulo! Ino utoompensheshanshi?”

Dutolonomi 32:35

Mwaami Lesa ulaakuboosha cishole mukubapa mulandu. Paciindi ceelete balaakuwa boonse. Bushiku bwa mapensho abo buli pafwaafwi. Balaakunyonyoolwabo onoono.

2 Bene Tesalonika 1:6

Lesa ulaakucita ncaaelete kucita mukwiinga ulaakulengesha kupenga abo bamupensha

Boomboloshi 11:12

Mpomunyaawo Jefuta wakatumya nkombe kumwaami wa bene Amoni ayi, “Ino ncibiibinshi ncetwamucitila, ico calengesha ayi mwise mukutulwana mucishi cesu?”