Jowelo 3:13 - Baibo Busansulushi Bwa Libuku Ili

¹³ Ncakwiila bubi bwabo mbunene abuumbi Amubatimbule bweenka bucita cicekeshi pakutebula witi. Amubalyatoole bweenka butyanwa minyansa mucilindi cakutyaninaamo ciswite kushikila waini wasefukila panshibo.”

Jowelo 3:13 ပူးပေါင်းရင်းမြစ်များ

Matalikilo 13:13

umo mwakalinga bantu beshikubisha alimwi bakalinga kubisha abuumbi pameenso aMwaami Lesa.

Matalikilo 15:16

Palaakwiinda myaaka ili 400 kwaamba ayi bamulunyungu lwako bese mucishi cino, ceebo bene Amoli teshi nkabatandeemo kabatana kuba bamucita shibi beelete kutondeshekwa bukali.”

Matalikilo 18:20

Lyalo Mwaami Lesa wakaambila Abulaamu ayi, “Kuli milandu iyoosha pali Sodoma aGomola, alimwi kubisha kwabo nkunene abuumbi.

Isaya 17:5

Cishi ca Isilaeli cilaakucaalabo bweenka bucaala muunda wa maila waceswa, nabi muunda watebulwa muCinyika ca Lefaimu.

Isaya 63:3

“Ndakalyatoola mishobo imwi anga njiminyansa kwakubula awakancafwaako. Ndakabalyatoola paciindi ncendakalinga kukalalite. Ncakwiila ndakabalyatoola paciindi ndindakalinga kufundilite. Malowa abo akasamfookila kushakufwala shangu, alimwi ndakasombesha shakufwala shangu shoonse.

Jelemiya 51:33

Babiloni waba anga ndubansa lwakulupwitaawo ciindi ndyelulyatoolwa pakulupula shili anga ngamaila. Ndushinisho ciindi cakwe cakumutebula cilaakushikila cakufwambaana. Nebo neMwaami Lesa Shinkusu shoonse, Lesa wa bene Isilaeli ndaamba.”

Malilo 1:15

“Mwaami Lesa wakaseka bashilumamba bangu boonse bacibwene kulwana. Wakanjitila likoto lya bashilumamba ayi bese bandwaane akupwayoola bacikula bwangu bangu. Wakalyatooka bantu bangu bweenka butyanwa minyansa mucilindi.

Osiya 6:11

Ono amwebo nobene Juda, ndamubambila ciindi ndyeshi mukapekwe mulandu pasheesho nshemutoocita.

Mateyo 13:39

Ono mulwani wakashanga misonde nguMubiibi. Sombi ciindi ca kutebula ngamamanino a cishi ca panshi alimwi beshikutebula mbaanjelo.

Maako 4:29

Na shapya, muntu uyo ulatalika kucesa mukwiinga ciindi cakutebula cashikila.”

Dutolonomi 16:9

“Kuswa ciindi nceshi mukatalike kutebula shili anga ngamaila, mukabelenge nsondo shosanwe ashobilo.

Ciyubululo 14:14

Mpomunyaawo ndakalangilisha akubona likumbi lituba, kapashiite wakalinga kuboneka anga nguMwanaaMuntu. Kumutwi wakalinga kufwete mushini wa golodi, kaacite acicekeshi cikolete kulyaansa.

Ciyubululo 19:15

Mukanwa mwakaswa mupeeni ukolete wakukomeshako mishobo yoonse. Mishobo iyo ulaakuyeendelesha ankooli ya nshimbi alimwi ulaakulyatoola mwakutyanina minyansa ya bukali bwakwe Lesa Shinkusu shoonse.