Jowelo 2:7 - Baibo Busansulushi Bwa Libuku Ili

⁷ Cilafuumuka anga mbashilumamba akutanta malinga anga mbeshinkondo. Cileenda akunooyabo kunembo mumindando cakutapambukaamo.

Jowelo 2:7 ပူးပေါင်းရင်းမြစ်များ

2 Samwelo 1:23

“Saulo aJonasani balinga bantu bakondelesha alimwi basunikwi, mubuumi bobilo akubulongo bobilo, basankwa bacabeene anga ngumumbankwashi, bacite nkusu shiinda nkusu sha nkalamu.

2 Samwelo 5:8

Pabushiku ubo Defedi wakaamba ayi, “Uyo woonse usuni kukoma bene Jebusi, ulyeelete kwiinda mwiinda maanshi kwaamba ayi akonshe kushika pabete balwani bangu abo balema alimwi aboofu.” Nceceeco bantu ncebaambila ayi, “Boofu abalema teshi bakenjileemo muŋanda ya bwaami.”

1 Makani 12:36

Bene Asha bakalinga 40,000 bacibwene kulwana.

Jobo 16:14

Ucicitekobo kuncisa cakutacilekaawo bweenka bucita shilumamba weendilisha kukalala.

Kulumbaisha 19:5

liswa anga ngushibwiinga utooswa muŋanda yakwe nabi anga ngushishisekano ulibambite kucica.

Tushimpi 30:27

Cisoshi tacicite mwaami, sombi cileenda anga ndikoto lya bashilumamba.

Jelemiya 5:10

“Kamuya mumyuunda ya minyansa yabo mwiiteme, sombi muteemaniimo, sobwe. Muponsoole misampi ya njiyo ceebo bantu aba teshi bangu nebo neMwaami Lesa.

Jowelo 2:8

Pakati ka ncico takubi kupunkanapunkana. Nsoshi yomwi ayomwi ilalulamabo kuya kunembo. Cilapwaya malinga oonse, sombi cakutaswawo mumindando ya ncico.

Jowelo 2:9

Cilacica kuya pandabala inene, akucicila palubumbu lwa njiyo. Cilatanta kumaanda akwinjilila pambwelyo bweenka bucita beepi.