Jowelo 2:26 - Baibo Busansulushi Bwa Libuku Ili

²⁶ Mulaakulya shiinji akukuta. Ncakwiila mulaakunumbaisha nebo neMwaami Lesa, Lesa wanu uyo wakamucitila shintu shikankamika. Mwebo nobantu bangu teshi mukasebaanishikweewo tubili.

Jowelo 2:26 ပူးပေါင်းရင်းမြစ်များ

Matalikilo 33:11

Ndaseenga mutambule cipo ncendamuletela. Lesa wakalinga kunyumfwila luse, aboobo wakampa shoonse nsheensuni mubuumi.” Jakobo wakatolelela kumusenga kushikila wakasumina.

Neyemiya 9:25

Bantu banu bakakoma mandabala acite malinga acishi cicite bulongo bubotu. Bakabwesa maanda ayo akalinga kuswite buboni, mikalo yakakabilwa limwi, shisamu sha maolifi, shisamu shicata shisepo shimwi amyuunda ya minyansa. Bakalinga kulya cili coonse ncebasuni akwiina abuumbi. Bakasangalala abuumbi mushintu shibotu nshemwakabapa.

Kulumbaisha 103:5

Ngoompa shintu shibotu ayi nkute kwaamba ayi noocilinyumfwa anga ngumuumbankwashi.

Kulumbaisha 116:7

Omoyo wangu kala panshi akootobala, ceebo Mwaami Lesa ulancitila shibotu.

Kulumbaisha 13:6

Ndaakumwiimbila noBaami baLesa ceebo mwalinga kumpa shoolwe shiinji.

Kulumbaisha 22:26

Bakandu balaakulya akukuta. Abo balambila Mwaami Lesa balaakumulumbaisha. Ncakwiila kabeendela buumi lyoonse.

Kulumbaisha 37:19

Teshi bakapengeewo nabibo muciindi cibiibi. Muciindi ca nsala balo balaakunoocite shakulya shiinji.

Kulumbaisha 67:5

Bantu boonse abamulumbaishe nobaLesa, ee, bantu boonse abamulumbaishe!

Kulumbaisha 72:18

Aalumbaishikwe Mwaami Lesa, Lesa wa bene Isilaeli! Lakwe eenka ngwaacita shintu ishi shikankamika.

Tushimpi 13:25

Baluleme balalya mbuli mbobasuni, sombi bamucita shibi baleendabo ansala.

Lwiimbo lwakwe Solomoni 5:1

Omweensuma, onabwiinga wangu, ndenjila mumuunda wangu. Ndayobolola mule atununkila kabotu tumwi mubuyani. Ndalya mpuma shangu sha buuci. Ndanwa waini amukupa wangu. Amulye nobeensuma, musangalale alimwi munwe kushikila mukolwe kulusuno!

Isaya 25:1

NoBaami baLesa, ndimwe baLesa bangu. Ndanoosumpula akulumbaisha liina lyanu. Mwakacita shintu shikankamika abuumbi kwiinda mukushomeka kwanu kutacite kampenda, ee, shintu isho nshemwakabambabo kale kale.

Isaya 29:22

Paceebo ceeco makani ngaaya Mwaami Lesa, uyo wakapulusha Abulaamu, ngwaatokwaambila bamulunyungu lwakwe Jakobo. Utokwaamba ayi, “Bamulunyungu lwakwe Jakobo teshi bakanyumfwewo nsoni tubili. Teshi bakanokweendaawo ashiwa shilokete.

Isaya 45:17

Sombi bene Isilaeli balo Mwaami Lesa ulaakubapulusha. Kupulushikwa kwabo kulaakuba kwamuyayaya. Ee, bene Isilaeli teshi bakasebaanishikweewo.’ ”

Isaya 49:23

Bamaami basankwa balaakuba anga mbobameeshiwanu. Abalo bamaami banakashi balaakuba anga mbobamanyinawanu. Ncakwiila balaakunoofukama kunembo lyanu cakushisha shiwa panshi. Balaakunoomyanguta alusuko kushimpanta shanu. Lyalo mulaakwishiba ayi nebo ncakwiila ndi Mwaami Lesa. Abo balangila lucafwo kuswa kuli ndime teshi bakalensekwewo nsoni.”

Isaya 54:4

“Utaloondi napaceyi, teshi ukalenshekwewo nsoni. Teshi ukasebaanishikwewo tubili. Ulaakuluba shintu shakakulengawo nsoni koocilibo cikula bwangu. Musebaanyo wa bumukalubinje uyo uli pali ndiwe ulaakumana.

Isaya 55:2

Ceebonshi mulasebensesha maali pashintu shiteshi cakulya? Ceebonshi mulasebensela cintu ceenga tacimukutishiiwo? Amukutike, ee, amukutike kuli ndime mulye shibotu. Ncakwiila amukutike mulisangalashe ashakulya shibotu.

Bene Lefi 25:19

Mucishi mulaakuswa shakulya. Mpeeke mulaakuba ashakulya shoonse nshemusuni alimwi akwikala kabotu uko.

Bene Lefi 26:26

Ashalo shakulya shanu ndaakushiceesha cakwaamba ayi banakashi likumi balaakunoopangila shinkwa woonse ngobeelete mwakupangila momwi. Balaakwaabana shinkwa uyo, ono pakumanisha kuulya woonse, teshi mukakuteewo.

Bene Lefi 26:5

Shakulya shanu shilaakufula cakwaamba ayi paciindi cakuyapa minyansa, mwebo mulaakunoocitebula shili anga ngamaila, apalo paciindi cakushanga shakulya, mulaakunoocilongelabo minyansa. Mulaakuba ashakulya shoonse nshemusuni alimwi mulaakunokala kabotu mucishi canu ico.

Mika 6:14

Mulaakulya, sombi teshi mukakute. Ncakwiila mafumo anu alaakunoolibo bwaashi. Mulaakubika kubutala, sombi teshi shikashikeeko mukwiinga shoonse ndaakushinyonyoola kunkondo.

Sefaniya 3:11

Pabushiku bweenka ubo mwebo nobene Jelusalemu teshi mukalenshekwe nsoni pashintu isho nshemwakambishisha. Nebo ndaakukusha beshikulisumpula boonse mundabala yanu. Teshi mukambukilewo tubili pakalundu kangu kasalalite.

Sekaliya 9:15

Mwaami Lesa Shinkusu shoonse ulaakubatabilila bantu bakwe. Ncakwiila abalo balaakunyonyoola balwani babo. Munkondo balaakunokoolobeshabo anga bakolwa. Balaakutila bulowa bwa balwani babo cakwaamba ayi bulaakukunkabo anga mbwa mulambu bulya butilwa pacipaililo kuswa mumbale ifongomene.

Sekaliya 9:17

Cabota cishi nceeci mwebo! Basankwa bacikula bwangu balaakushimpa kushili anga ngamaila abalo bamyooye balaakunooboneka kabotu kuwaini upya.

Bene Loma 10:11

Malembo akwe Lesa alaamba ayi, “Uyo woonse ushoma, teshi akalenshekwe nsoni.”

Bene Loma 5:5

Akwalo kulangila uku takutulenshi nsoni ceebo Lesa ulitusuni abuumbi kwiinda muMushimu Usalashi uyo ngwaakatupa.

Bene Loma 9:33

Bweenka bwaamba Malembo akwe Lesa ayi, “Amunyumfwishishe, ndabiika libwe muSiyoni ndibalisuntulaako bantu. Ncakwiila ndabiika mwaandami ngweshi bakanoolisuntulaako. Sombi uyo woonse ushoma muli nguwe teshi akanyumfwe nsoni.”

Dutolonomi 11:15

alimwi abwiisu bwa shifubwa shanu. Mulaakuba ashakulya shoonse nshemusuni.

Dutolonomi 12:12

Mukanoosangalala pameenso a Mwaami Lesa, pantu pomwi abana banu, basebenshi banu alimwi abene Lefi bekala mumandabalaanu. Sombi mulyeelete kwishiba ayi bene Lefi teshi bakabe acishi cinebo beene, sobwe.

Dutolonomi 12:18

Mwebo abana banu pantu pomwi abasebenshi banu alimwi abene Lefi bekala mumandabalaanu mulyeelete kulita shipo isho pameenso a Mwaami Lesa, Lesa wanu mumusena womwi uyo wakulambililaamo uyo mwiine ngwaakasala. Mulyeelete kusangalala pashintu shoonse nsheshi mukanoosebensela.

Dutolonomi 12:7

Lyalo mwebo abamumaandaanu, mulaakunoolya akusangalala mushintu shibotu isho nsheshi mukanoosebensela pameenso a Mwaami Lesa, Lesa wanu mukwiinga wamupa coolwe.

Dutolonomi 8:10

Mulaakuba ashintu shoonse nshemusuni kulya alimwi mulaakulumba Mwaami Lesa ceebo cakumupa cishi cicite bulongo bubotu ico.

1 Timoti 6:17

Waambile bantu abo babile mushintu sha cishi ca panshi cino ayi batanoolisumpula akulangila mububile ubo bumana. Sombi balyeelete kulangila muli Lesa uyo utupa camaansa obilo shintu shoonse shitusangalasha.

1 Joni 2:28

Ee, nobana bangu, amukalilile muli nguwe, kwaamba ayi pabushiku ndyeshi akese, tukabule kunyumfwa boowa ansooni.