Jowelo 2:24 - Baibo Busansulushi Bwa Libuku Ili

²⁴ Mansa shakulupwitaawo shilaakusula shili anga ngamaila, Ashalo shilindi shakutyaninaamo shilaakusula waini upya amafuta a olifi.

Jowelo 2:24 ပူးပေါင်းရင်းမြစ်များ

Esekelo 36:8

“ ‘Sombi pali ndimwe notulundu twa Isilaeli, shisamu shilaakuba amisampi akucatila shisepo bantu bangu bene Isilaeli. Bene Isilaeli bali pafwaafwi kuboola kumishaabo.

Jowelo 3:13

Ncakwiila bubi bwabo mbunene abuumbi Amubatimbule bweenka bucita cicekeshi pakutebula witi. Amubalyatoole bweenka butyanwa minyansa mucilindi cakutyaninaamo ciswite kushikila waini wasefukila panshibo.”

Jowelo 3:18

Paciindi ico tulundu tulaakuba amyuunda ya minyansa. Ŋombe shilaakwisula mutulundu tuniini toonse. Tulonga toonse twa muJuda tulaakunokunka maanshi. Kalonga kalaakunookunka kuswa kuŊanda yakwe Lesa akutola maanshi muCinyika ca Shitimu.

Bene Lefi 25:19

Mucishi mulaakuswa shakulya. Mpeeke mulaakuba ashakulya shoonse nshemusuni alimwi akwikala kabotu uko.

Bene Lefi 26:10

Mulaakutebula shakulya shiinji abuumbi isho nsheshi shikamane mwaaka. Nacibi boobo mulaakunoosowa shakulya shamatumba ayi mubikemo sha mwaaka upya.

Amosi 9:13

Mwaami Lesa wakaamba alimwi ayi, “Nshiku shilaakushika, shikutebula ndyeshi akacanikwe kushikulima, alakwe shikushanga ndyeshi akacanikwe kushikutyana minyansa. Waini upya ulaakunoolokeela kuswa mutulundu akukunka kuswa mutulundu.

Malaki 3:10

Amulete myeelo ikwene ya shalikumi muŊanda yangu kwaamba ayi mube shakulya. Amunjeleshe, mubone na inga nshimucalwiti mbwelyo sha kwiculu akumupuumwita shoolwe shiinji cakwaamba ayi mukabule apakushibika.