Jowelo 2:23 - Baibo Busansulushi Bwa Libuku Ili

²³ Nobene Siyoni, amukondwe Amusangalalile muMwaami Lesa, Lesa wanu mukwiinga wamupa mfula ya mainsa mubululami bwakwe. Wamupa amfuula inene yakutalikila ayakumeelelesho mbuli kataanshi.

Jowelo 2:23 ပူးပေါင်းရင်းမြစ်များ

1 Baami 8:36

amubakutike uko kwiculu. Amulekelele shibiibi sha mwaami asha bantu banu bene Isilaeli. Amubaiishe kucita shiluleme. Lyalo, noBaami baLesa amutume mfula mucishi canu ico ncemwakapa bantu banu ayi ncabo kwalyoonse alyoonse.

Jobo 33:23

“Cimwi ciindi kulamupolela munjelo kwisa mukumucafwaako, ee, munjelo kuswa pamakoto amakoto a baanjelo bakwe Lesa, kwisa mukumwiibalushako shintu shiluleme nshaaelete kucita.

Jobo 37:13

Lesa ulatuma mfula mukupa bantu mulandu nabi kutondesha nkumbu kuli mbabo.

Kulumbaisha 104:34

Miyeeyo yangu yoonse aimusangalashe mukwiinga kukondwa kwangu kulaswa kuMwaami Lesa.

Kulumbaisha 147:8

Lakwe ngoofwekelesha liculu amakumbi, ngoolosha mfula pacishi ca panshi, akumenesha bwiisu patulundu.

Kulumbaisha 149:2

Bene Isilaeli abasangalale muMulengi wabo. Bene Siyoni abakondwe muMwaami wabo.

Kulumbaisha 28:7

Mwaami Lesa ngoompa nkusu akumfuna, ndushinisho ndicinkite manungo muli nguwe. Aboobo ulancafwa alimwi ndamulumbaisha cakukondwa, alimwi ndamulumba kwiinda mulwiimbo lwangu.

Kulumbaisha 32:11

Amusangalale mwebo nomululeme, ceebo ca shintu shamucitila Mwaami Lesa. Amwiimbishe cakusangalala mwebo nomucita shiluleme.

Kulumbaisha 84:6

Pakwiinda mucinyika ciyumu ca Baka balo balalengesha ayi cishi ico cibe atuntupu. Ncakwiila mfuula ya miyoba ilesusha tushiba toonse.

Tushimpi 16:15

Na mwaami wasekaseka cilaamba buumi, nkumbu shakwe shili anga nimfula ya kumatalikilo a meensa.

Isaya 30:21

Na kwaba kupambuka munshila akulanga kulubasu lwa kucipiko nabi kululyo, mulaakunyumfwa liswi lyakwe kuswa kwisule lyakumulwiita ayi, “Nshila iluleme njeeyi. Amukonkele njiyo.”

Isaya 30:23

Kulilabo na mwashanga mbuto shanu Mwaami Lesa ulaakumuloshesha mfula kwaamba ayi shikule kabotu akucata bunene. Ashalo shifubwa shanu shilaakuba amweemfu uunji.

Isaya 41:16

Lusuko ulo mulaakulutukwita mwiculu mumuuwo awalo muuwo ulaakulutola. Ncakwiila cipuupu cinene cilaakulupalanganya. Aboobo mwebo mulaakusangalala muli ndime neMwaami Lesa ee, mulaakunumbaisha nebo neUsalalite wa bene Isilaeli.

Isaya 61:10

Ndasangalala cankusu muMwaami Lesa. Moyo wangu ulisangalete abuumbi muli Lesa. Ceebo wamfwalika lupulusho anga ncakufwala ca peculu akumfwalika bululami anga ngumungaanjo. Wamfwalikabo bweenka shibwiinga nabi mupailishi mbwaalibotesha kumutwi, nabibo shibwiinga mbwaalibotesha ashakulibotesha sha makwebo.

Jelemiya 3:3

Paceebo ceeco mfula ya tepetepe yakacatwa, ee, imfula yakupisha shishango teekwe kulokaawo. Nakubi boobo mwebo mulibo nta mubufuule, ncakwiila cakutanyumfwaawo ansooni napaceyi.

Jelemiya 5:24

Mwebo tamulyaambooshiiwo mumyoyo yanu ayi, ‘Atuloonde Mwaami Lesa, Lesa wesu uyo utupa mfula ya mumupewo aya mainsa muciindi ceelete akutubambila ciindi cakutebwitaamo.’

Malilo 4:2

Amubone basankwa bacikula bwangu bene Siyoni abo bakalinga kusunikwi anga ngugolodi kuli ndiswe kalekale bulya bababo anga ninongo, ee, mulimo wa maansa a mubumbi.

Esekelo 34:26

“ ‘Ndaakubapa coolwe akubaleka ayi bekale mumisena ishingulukite kalundu kangu kasalalite. Ndaakunootuma mfula yatepetepe muciindi ceelete. Ncakwiila ilaakuba mfula yatepetepe ya coolwe.

Osiya 6:3

Ncakwiila atwishibe Mwaami Lesa. Atweeleshe cankusu kumwishiba. Ulaakuboneka kuli ndiswe bweenka buswa lisuba macuunsa. Ee, ulaakwisa kuli ndiswe akutupa coolwe bweenka bwisa mfula meensa, ncakwiila bweenka mbuli mfula itontosha inshi.”

Bene Lefi 26:4

ndaakumupa mfula paciindi ceelete kwaamba ayi mumyuunda mukaswe shakulya alimwi ashisamu shikacate shisepo.

Amosi 4:7

Ndakamucatila amfuula kakucili myeenshi yotatwe ayi kutebula kushikile. Ndime ndakalengesha mfula kuloka mundabala yomwi, sombi kuteshi mundabala imwi. Ndakeelengesha kuloka mumuunda womwi, sombi kuteshi mumuunda umwi, aboobo mwakayumabo nta!

Sekaliya 10:1

Anu amusenge mfula kuMwaami Lesa kumatalikilo amainsa. NguMwaami Lesa uleta makumbi alosha mfula. Ncakwiila ngoolengesha mfula yatepetepe kuloka akulengesha shishango sha muntu woonse kushiya.

Sekaliya 10:7

Bene Isilaeli balaakuba ankusu anga mbashilumamba. Balaakukondwabo anga ngumuntu walinga kunwa waini. Bamulunyungu balaakwiibaluka kukoma uko akusangalala ceebo ca sheesho Mwaami Lesa nshaakacita.

Sekaliya 9:13

Ndaakusebensesha bene Juda anga mbuta bwa shilumamba akusebensesha bene Isilaeli anga njemifwi. Balo bene Siyoni mbweshi nkasebenseshe anga ngumupeeni pakulwana bashilumamba bene Gilisi.”

Sekaliya 9:9

Amusangalale, amusangalale mwebo nobene Siyoni! Amoolobeshe cakusangalala mwebo nobene Jelusalemu! Amubone mwaami wanu utoosa kuli ndimwe cakulibombya, ee, ulitantite pambongolo, ncakwiila pamwanaambongolo.

Milimo ya Batumwi 14:17

Sombi lyoonse ulalicitila bukamboni kwiinda mushintu shibotu nshaacita. Ulamuloshesha mfula kuswa kwiculu akulengesha ayi shishango shicate paciindi ceelete. Ulamupa shakulya, lyalo mulasangalala abuumbi mumyoyo.”

Dutolonomi 11:14

Na mukacite boobo, ulaakunoolosha mfula mucishi canu paciindi ceelete, lyalo mulaakuba ashili anga ngamaila, waini, mafuta a olifi

Dutolonomi 28:12

Mwaami Lesa ulaakunoomuloshesha mfula kuswa moomo mwaisunga mwiculu paciindi ceelete, akumupa coolwe mumilimo yoonse. Mpeeke mulaakukweletesha mishobo iinji, sombi mwebo taaku nkweshi mukakweleteewo.

Dutolonomi 32:2

Kwiisha kwangu kube anga nimfula, amaswi angu aloke anga ngumume, anga nimfula pamweemfu, nabi mfula inene pamimeno.

Bene Filipi 3:1

Ono cakweelaako nobamakwesu, kamusangalala muMwaami Jesu. Nshileemi kulemba shintu nshendakamulembelaawo kale mukwiinga maswi aya alaakumucafwa.

Bene Filipi 3:3

Swebo ndiswe twakapalulwa cancinencine sotutanjililwa aMushimu Usalashi mukulambila Lesa akusangalala muli Klistu Jesu. Aboobo tatushomi shapacishi ca panshi, sobwe.

Bene Filipi 4:4

Amusangalale muMwaami lyoonse alimwi ndaamba ayi, amusangalale!