Jowelo 2:19 - Baibo Busansulushi Bwa Libuku Ili

¹⁹ Mwaami Lesa ulaakubakumbula ayi, “Ono bulya ndaakumupa shili anga ngamaila, waini amafuta a olifi. Lyalo mwebo mulaakukuta. Ncakwiila mishobo imwi teshi ikamusebaanyeewo.

Jowelo 2:19 ပူးပေါင်းရင်းမြစ်များ

Jelemiya 31:12

Balaakwisa akoolobesha cakusangalala peculu lya tulundu twa Siyoni. Balaakukondwa ceebo ca coolwe ncaakabapa Mwaami Lesa, nkokwaamba ayi shili anga ngamaila, waini, mafuta a olifi, bana ba mbelele alimwi aba ŋombe. Balaakubabo anga ngumuunda utililwa kabotu alimwi teshi bakabewo tubili mubuumba.

Esekelo 34:29

Ndaakubapa cishi cicite bulongo bubotu. Teshi bakakolwewo tubili nsala mucishi nabi kushibulukwaawo kumishobo imwi.

Esekelo 36:15

Teshi nkamulekelesheewo tubili ayi musekwe kumishobo imwi nabi musebaanishikwe kubantu. Teshi mukacayewo baana ba mumushobo wanu. Nebo neMwaami Lesa Shinkusu shoonse ndaamba.’ ”

Esekelo 36:29

Ndaakumupulusha kusheesho shoonse shakalinga kumubisha. Ndaakulengesha shili anga ngamaila kufula cakutakolwawo tubili nsala.

Esekelo 36:30

Ndaakulengesha shisamu shanu kucata shisepo shiinji akulengesha shishango shimwi kucata abuumbi kwaamba ayi mutakanyumfwi nsoni pakati ka mishobo ceebo ca nsala.

Esekelo 39:29

Teshi nkabafutatilewo tubili ceebo ndaakutila Mushimu wangu pabene Isilaeli. Nebo neMwaami Lesa Shinkusu shoonse ndaamba.”

Osiya 2:15

Lyalo uko ndaakubabooshesha myuunda yabo ya minyansa alimwi ndaakulengesha Cinyika ca Ako kuba mulyango wakulangila. Muluyanga umo balaakutalika kunkonkela bweenka mbobakalinga kucita kale kale, ee, ndibakaswabo mucishi ca Ijipiti.

Osiya 2:21

“Pabushiku ubo ndaakukumbula kupaila kwako. Ndaakulengesha mfula kuloka pacishi ca panshi.

Osiya 2:22

Cishi ca panshi cilaakukusha shili anga ngamaila, waini upya alimwi amafuta a olifi. Shintu shoonse ishi shilaakuboneka muJesiliilu.

Jowelo 1:10

Myuunda yacaalabo tuu. Bulongo butoolila myuunda ceebo shili anga ngamaila shanyonyooka. Shisamu sha minyansa asha nkuyu shafwa. Ashalo shisamu sha maolifi shoonse shayuma.

Jowelo 2:24

Mansa shakulupwitaawo shilaakusula shili anga ngamaila, Ashalo shilindi shakutyaninaamo shilaakusula waini upya amafuta a olifi.

Bene Lefi 26:5

Shakulya shanu shilaakufula cakwaamba ayi paciindi cakuyapa minyansa, mwebo mulaakunoocitebula shili anga ngamaila, apalo paciindi cakushanga shakulya, mulaakunoocilongelabo minyansa. Mulaakuba ashakulya shoonse nshemusuni alimwi mulaakunokala kabotu mucishi canu ico.

Sekaliya 8:12

“Bantu abo balaakunooshanga shakulya muluumuno. Minyansa yabo ilaakucata shisepo, cishi cilaakukusha shishango alyalo liculu lilaakulosha mfula. Ncakwiila ndaakupa shoolwe shoonse ishi kubamumushobo uyu beshi bakacaaleewo.

Mateyo 6:33

Aboobo mwebo citaanshi muyandoole Bweene bwakwe Lesa akucita shiluleme, lyalo Lesa ulaakumupa shintu shoonse ishi.

Dutolonomi 11:14

Na mukacite boobo, ulaakunoolosha mfula mucishi canu paciindi ceelete, lyalo mulaakuba ashili anga ngamaila, waini, mafuta a olifi

Lute 1:6

Kunembo liya Naomi wakanyumfwa ayi bantu bene mishaabo, Lesa wakabapa coolwe kwiinda mukubapa shakulya shiinji. Mpomunyaawo wakalibambila kuboolela pantu pomwi abamalokashi bakwe.