Jowelo 2:18 - Baibo Busansulushi Bwa Libuku Ili

¹⁸ Ono Mwaami Lesa ulaakubika maano kucishi cakwe. Ncakwiila ulaakunyumfwila nkumbu bantu bakwe.

Jowelo 2:18 ပူးပေါင်းရင်းမြစ်များ

2 Baami 19:31

Ceebo muJelusalemu mulaakuba bantu beshi bakacaaleewo. Ncakwiila kuKalundu ka Siyoni kulaakuswa likoto lya beshi bakapuluke. Nkusu sha Mwaami Lesa Shinkusu shoonse nsheshi shikashiciite.

Kulumbaisha 103:13

Bweenka mbuli mushali musankwa mbwaanyumfwila nkumbu kubana bakwe, mbweeke ubo Mwaami Lesa mbwaanyumfwila nkumbu abo bamulemeka.

Kulumbaisha 103:17

Sombi lusuno lwa Mwaami Lesa ndwamuyayaya kubaabo bamulemeka. Ulatondesha bululami bwakwe akubamulunyungu lwabo boonse.

Isaya 37:32

Ceebo muJelusalemu mulaakuba bantu beshi bakacaaleewo. Ncakwiila kuKalundu ka Siyoni kulaakuswa likoto lya beshi bakapuluke. Nkusu sha Mwaami Lesa Shinkusu shoonse nsheshi shikashiciite.

Isaya 42:13

Mwaami Lesa ulaya kunkondo mbuli muntu ucibwene kulwana. Ulalikalasha akulibambila kulwana bweenka bucita shilumamba mwiine mwiine. Ulaakoolobesha kutondesha ayi nkondo yatalika, ndushinisho ulaakukoma balwani bakwe.

Isaya 60:10

Baswamashi mbweshi bakayakulule imumbu shako, ncakwiila bamaami babo balaakutalika kukusebensela. Nabi ndakakuuma ceebo ca bukali sombi mukusangalala ndaakukunyumfwila nkumbu.

Isaya 63:15

NoBaami baLesa, amutulangilishe kwiculu uko, ee, kumusena wanu usalalite alimwi kwabulemu uko. Ino ono kulama kwanu pali ndiswe kuli kuli? Ashalo nkusu shanu shili kuli? Lusuno lwanu ankuumbu mwashitalamusha kuswa kuli ndiswe.

Isaya 63:9

Mapensho abo oonse alakwe wakapengaako. Ono munjelo uswa kuli nguwe nguwakabapulusha. Wakabapulusha ceebo ca lusuno lwakwe lutamaani. Wakabanyamuna akubayumuna mwiine kwa nshiku shoonse shikulukulu.

Jelemiya 31:20

Sa Efuleemu teshi mwanaangu musankwa ngoonsuni abuumbi? Sa teshi ngomwaana unsangalasha? Nakubi kwaamba ayi ndamukalookila, sombi ndamuyeeya. Aboobo moyo wangu ulakumbwa kumubona. Ee, ndamwiibaluka akumufwita nkumbu abuumbi. Nebo neMwaami Lesa ndaamba.

Malilo 3:22

Ceebo ca lusuno lwa Mwaami Lesa lutamaani, teshi tukalobeewo mukwiinga lakwe lusuno lwakwe ndwamuyayaya.

Sekaliya 1:14

Mpomunyaawo munjelo wakandwiita ayi, “Ambilisha maswi akaamba Mwaami Lesa Shinkusu shoonse ayi, ‘Jelusalemu ndabala yangu inene isalalite ndiisuni alimwi ndeebikaako maano.

Sekaliya 8:2

“Maswi angu nebo neMwaami Lesa ngaaya. Ndabala ya Siyoni ndiisuni abuumbi. Busuba bwangu pandabala iyo butoofutilabo muli ndime anga ngumulilo mukubililisha balwani ba njiyo.

Luka 15:20

Mpomunyaawo wakanyamuka akuboolela kuli baishi. Kaacilibo palaale baishi bakamubona, mpeeke bakamunyumfwila nkumbu akumucicilila bamukumbata akumufyonta.

Dutolonomi 32:16

Bakakalasha Mwaami Lesa ceebo cakulambila balesa bamwi, wakabakalalila ceebo ca shibumbwabumbwa shabo shimulensha bunya.

Dutolonomi 32:36

Mwaami Lesa ulaakufuna bantu bakwe, na akabone ayi nkusu shabo shamana. Ulaakubanyumfwila nkumbu basebenshi bakwe, na akabone ayi tabacite wakubacafwa.

Dutolonomi 32:43

“Mwebo nomishobo yoonse, kamulumbaisha bantu ba Mwaami Lesa. Ulaakupa mulandu abo babacaya akuboosha cishole kubalwani, sombi ulalekelela bantu bakwe.”

Jemusi 5:11

Tulaamba ayi balicite coolwe ceebo tabakwe kuboola pesule mulushomo. Mwakanyumfwa shakutaboola pesule kwakwe Jobo asheesho Mwaami Lesa nshaakamucitila kumeelelesho ceebo Mwaami uyo ngushinkumbu shiinji abuumbi.

Boomboloshi 10:16

Kuswawaawo bakacileka kukonkela balesa bamwi akutalika kusebensela Mwaami Lesa alimwi. Aboobo wakabafwita nkumbu kumapensho ngobakalinga kucite.