Jowelo 2:14 - Baibo Busansulushi Bwa Libuku Ili

¹⁴ Ngani ushi, mpashi inga wamufwita nkumbu. Lyalo ulaakumupa coolwe mukumupa shishango shiinji. Mpeeke mulaakunootola shipo sha fulaulo asha cakunwa kuMwaami Lesa, Lesa wanu.

Jowelo 2:14 ပူးပေါင်းရင်းမြစ်များ

2 Samwelo 12:22

Mpomunyaawo Defedi wakabakumbula ayi, “Mwaana kaacili muumi ndakalikasha kulya akulila buumpute, mukwiinga ndakalinga kuyeeya ayi mpashi Mwaami Lesa inga waba aluse pali ndime, akulengesha mwanaangu ayi atafwi.

2 Samwelo 16:12

Mpashi Mwaami Lesa inga wanyumfwila nkumbu akuncitila shibotu ceebo cakucobolwa uku kwa sunu.”

2 Baami 19:4

Mwaami wa bene Asilya watuma mutanjilili wa bashilumamba bakwe kwisa mukucobola Lesa muumi. Mwaami Lesa, Lesa wako aanyumfwe mucobwe uyo akupa mulandu abo boonse bacobola. Aboobo amupaile kuli Lesa pabantu besu abo bacaalaawo.’ ”

Kulonga 32:30

Pabushiku bwakaboolaawo, Mose wakaambila bantu ayi, “Mwacita cibiibi ciyoosha. Sombi bulya ntooya pakalundu alimwi kuMwaami Lesa, mpashi inga wanyumfwila akumulekelela cibiibi canu.”

Isaya 65:8

Mwaami Lesa wakaamba ayi, “Kulilabo maanshi kaaciliimo muminyansa bantu balaamba ayi, ‘Muteenyonyooli, mise moicili.’ Mbweeke ubo anebo mbweshi nkacite ceebo ca basebenshi bangu. Ncakwiila teshi nkanyonyoole bantu bangu boonse.

Jelemiya 18:8

sombi pesule mushobo uyo ngondakacenjesha wasanduka kuswa kushibiibi sha nguwo, teshi nkacite shintu shibiibi nshendakaamba kucita kuli nguwo.

Jelemiya 26:13

Ono amusandule nshila shanu amicito yanu akunyumfwila Mwaami Lesa, Lesa wanu. Lyalo Mwaami Lesa ndyeshi abule kumuletela mapensho ayo ngwaakaamba ayi ulaakumuletela.

Jelemiya 26:3

Mpashi inga banyumfwa basanduka kuswa kunshila shabo shibiibi. Na bacita boobo, inga ndasandula miyeeyo yangu akutabaletela mapensho ayo ngondalinga kuyeeyela kubacita ceebo ca micito yabo ibiibi.”

Jowelo 1:13

Amufwale masaka akutalika kulila, mwebo nobapailishi nomusebensela kushipaililo! Amuceshe kulila kamufwete masaka mwebo nomusebensela pameenso a Mwaami Lesa wangu ceebo shipo shafulaulo asha cakunwa teshi shinoobonekawo muŊanda yakwe.

Jowelo 1:16

Amubone shakulya shanyonyoolwa kutulangilisha ameenso esu. Kusangalala akukondwa shamana muŊanda yakwe Lesa?

Jowelo 1:9

Shipo sha fulaulo asha cakunwa teshi shinoobonekawo muŊanda yakwe Lesa. Bapailishi boonse batoolila ncakwiila batoolila boonse basebensela pameenso a Mwaami Lesa.

Amosi 5:15

Amupate bubi akusuna shintu shibotu. Kamoombolosha cakutanyengelela munkuta. Mpashi Mwaami Lesa Shinkusu shoonse ulaakunyumfwa nkumbu pabene Isilaeli bakacaala.

Jona 1:6

Mpomunyaawo munene wa beshikweensha bwaato wakamucana umo akumwaambila ayi, “Ulilete webo? Buka usenge lucafwo kuli lesa wako! Mpashi inga watunyumfwila nkumbu ayi tutafwi.”

Jona 3:9

Mpashi Lesa inga wapilula miyeeyo abukali bwakwe kwaamba ayi tukabule kufwa!”

Sefaniya 2:3

Amuyandoole Mwaami Lesa noonse mwebo nobantu babombu ba mucishi, mwebo nomukonkela milawo yakwe. Amuyandoole bululami alimwi mulibombye. Mpashi mulaakutabililwa pabushiku Mwaami Lesa ndyeshi akatondeshe bukali bwakwe.

Agayi 2:19

Nakubi kwaamba ayi taaku shili anga ngamaila shacaalaako alimwi minyansa, nkuyu, mapomegilaneti amaolifi isho shitana kucata, kuswa kubushiku bwa sunu, nebo ndanoomupa coolwe.”

2 Timoti 2:25

muntu ulibombya pakulwiita beshikumupikisha, mukwishiba kwaamba ayi mpashi Lesa inga wabapa ciindi cakusanduka kuswa kushibiibi shabo akwishiba shalushinisho.

Joshuwa 14:12

Anu amumpe cishi ca tulundu ici Mwaami Lesa ncaakanshomesha pabushiku bulya. Mwebo nobeene mwakanyumfwa ayi nkokuli basankwa bapolomene beetwa ayi bene Anaki, alimwi mandabalaabo anene ali mumalinga anene. Sombi munkusu sha Mwaami Lesa mwiine, ndaakubatandaamo kweelana ambwaakaamba.”

1 Samwelo 6:5

Mulyeelete kupanga shili anga nshuute sha golodi ashili anga mbakoswe isho shitoonyonyoola cishi canu. Alimwi mulyeelete akulemeka Lesa wa bene Isilaeli. Mpashi inga wacileka kutondesha bukali kuli ndimwe, balesa banu alimwi acishi canu.