Jowelo 2:13 - Baibo Busansulushi Bwa Libuku Ili

¹³ Amukwamoone myoyo yanu kutondesha buumba kuteshi kukwamoona shakufwala shanu. Amuboole kuMwaami Lesa, Lesa wanu. Lakwe ngushiluse alimwi ngushinkumbu. Taakalali bwaangu alimwi ngushilusuno. Ulisunishi kulekelela kwiinda kupa mulandu.

Jowelo 2:13 ပူးပေါင်းရင်းမြစ်များ

Matalikilo 37:29

Lubeni ndyaakaboola pamukalo uyo akucana Josefu taamo, wakakwamoona shakufwala shakwe mubuumba.

Matalikilo 37:34

Jakobo wakakwamoona shakufwala mubuumba akufwala masaka. Wakamulila mwanaakwe kwa ciindi cilaamfu.

2 Samwelo 1:11

Mpomunyaawo Defedi abashilumamba bakwe boonse bakakwamoona shakufwala shabo kubuumba.

1 Baami 21:27

Ono Elija ndyaakamana kwaamba, Aabu wakakwamoona shakufwala shakwe akufwala masaka. Wakalikasha kulya akutalika koonabo mumasaka alimwi kaaenda kaaungumene alimwi cabuumba.

2 Baami 22:11

Mpomunyaawo mwaami ndyaakanyumfwa maswi a muLibuku lya Milawo ilyo, wakakwamoona shakufwala shakwe mubuumba.

2 Baami 22:19

Wasanduka kuswa kushibiibi shako akulibombya pameenso angu kwiinda mukukwamoona shakufwala shako akulila ndiwakanyumfwa mbondakalinga kupinga kupa mulandu kundabala ya Jelusalemu abantu bekalaamo. Ndaakucita boobo ilaakunooyoosha kwiilanga. Ncakwiila ilaakuba musena uyo bantu ngweshi bakanoosebensesha pakushingana. Sombi ndanyuumfwa kusenga kwako.

2 Baami 5:7

Ono mwaami wa bene Isilaeli ndyaakabelenga nkalata iyo, wakakwamoona shakufwala shakwe akoolobesha ayi, “Sa nebo ndime Lesa? Sa inga ndacaya akubusha kuswa kubafu? Ceebonshi mwaami wa bene Silya ncaatumina muntu uyu ayi nshilike bulwashi bwakwe bwa manata? Ono mwalibonena ayi ulisunibo pakunsumwita!”

2 Baami 6:30

Mwaami ndyaakanyumfwa makani ayo, wakakwamoona mungaanjo wakwe. Bantu bakalinga pafwaafwi alubumbu bakabona ayi mwaami wakalinga kufwete masaka mukati ka mungaanjo wakwe.

2 Makani 6:27

amubakutike uko kwiculu. Amulekelele shibiibi sha mwaami asha bantu banu bene Isilaeli. Amubaiishe kucita shiluleme. Lyalo, noBaami baLesa amutume mfula mucishi canu ico ncemwakapa bantu banu ayi ncabo kwalyoonse alyoonse.

Neyemiya 9:17

Bakakaka kunyumfwila alimwi bakaluba shintu shoonse nshemwakacita. Bakaluba shaankamiko isho nshemwakabacitila. Mukulisumpula kwabo bakasala mutanjilili kwaamba ayi ababooshe mubusha mucishi ca Ijipiti. Sombi mwebo muli baLesa balekelela shibiibi, bacite luse alusuno alimwi batafwambaani kukalala. Nkuumbu shanu shilakankamika, aboobo tamukwe kubafutatilaawo, sobwe.

Jobo 1:20

Mpomunyaawo Jobo wakanyamuka akukwamoona shakufwala shakwe ceebo ca buumba. Mpeeke wakalikulula misusu, waliwaala panshi mukulambila akupaila ayi,

Kulumbaisha 103:8

Mwaami Lesa ngushinkumbu alimwi ngushiluse. Lakwe taakalali bwaangu alimwi lusuno lwakwe talumaani.

Kulumbaisha 106:45

Mukubacafwa wakeebaluka cipangano cakwe, alimwi ceebo ca lusuno lwakwe lutamaani wakabooshaamo moyo.

Kulumbaisha 34:18

Ncakwiila Mwaami Lesa ulibo muliimfwa kubaabo batyongola alimwi ulafuna baabo batacite cakulangila.

Kulumbaisha 51:17

Sombi mulambu umusangalasha nobaLesa, nkuba amoyo wakulibombya. Mwebo tamukaki moyo wakulibombya, wasanduka kuswa kushibiibi.

Kulumbaisha 86:15

Sombi mwebo nobaLesa, muliswite nkumbu aluse, tamukalali bwaangu, mulicite lusuno lutamaani alimwi mulashomeka.

Kulumbaisha 86:5

NoBaami baLesa, mulicite nkumbu alimwi mulatulekelela. Lusuno lwanu ndunene kubantu abo bapaila kuli ndimwe.

Isaya 57:15

Usumpukite Lesa wakwiculu uyo, Lesa walyoonse alyoonse ucite liina lisalalite waamba ayi, “Nebo ndekala kwiculu kumusena usalalite, sombi ndekala abaabo balibombya alimwi basanduka kuswa kushibiibi shabo kwaamba ayi mbabooshelemo lushomo lwabo akulangila.

Isaya 58:5

Sa uku nkokulikasha kulya nkondakasuminisha? Sa muntu ulyeelete kuliceyeshabo ca bushiku bomwi? Sa nkwakucita kukontyamika mitwi anga nditete lityokete akoona pamasaka ayalitwe pamilota? Sa anu kucita boobo nkomwaamba ayi mwalikasha kulya uko kweenga kwasangalasha neMwaami Lesa?

Isaya 66:2

Sa teshi ndime ndakalenga shintu shoonse ishi? Ncakwiila ndime ndakalengesha ayi shibeeko.” Mwaami Lesa waamba. “Ono muntu unkonda ngooyu: muntu ulibombya, ulisenda na walubisha alimwi uloonda maswi angu.

Jelemiya 36:7

Mpashi inga bapaila kuMwaami Lesa akusanduka kuswa kunshila shabo shibiibi mukwiinga Mwaami Lesa wakaloondesha bantu aba kubukali bwakwe buyoosha abuumbi.”

Jelemiya 41:5

kwakesa bantu makumi osanwe aotatwe bakalinga kukulwite ndesu, kukwamwite shakufwala shabo alimwi bakalinga kulinengweete abo bakaswa kuShekemu, Shilo akuSamaliya. Bantu bakaleta shipo sha fulaulo atununkila kabotu kuŊanda ya Mwaami Lesa.

Jelemiya 42:10

‘Na mukekaale mucishi cino, Ndaakumuyaka, teshi nkamumwaaye, ndaakumushanga, teshi nkamutumune, sobwe. Ndoongumana abuumbi ceebo ca mapensho ngondakamuletela.

Esekelo 9:4

akumwaambila ayi, “Koya mundabala ya Jelusalemu yoonse ukabike cishibilo pankumo sha baabo boonse batoolila akupenshekwa mumyoyo ceebo ca shintu shilensha bunya shitoocitwa muli njiyo.”

Osiya 14:1

Nobene Isilaeli, amusandukile kuMwaami Lesa, Lesa wanu. Shibiibi shanu nsheshamulengesha kuwa.

Jona 3:9

Mpashi Lesa inga wapilula miyeeyo abukali bwakwe kwaamba ayi tukabule kufwa!”

Jona 4:2

Mpeeke wakapaila ayi, “Sa te nceceeci ncendakaamba kaantana kuswa kumisheesu ayi cilaakucitika? Anu ncendakafwambaanina kulobokela kuTashishi. Ndakalinga kwishi ayi uli Lesa walusuno alimwi shinkumbu, utafwambaani kukalala, Lesa shiluse luteeli alimwi upilula miyeeyo akucileka kunyonyoola.

Mika 7:18

Ino ngani lesa weelene amwebo, lesa uyo ushiminganya shibiibi akulekelela milandu ya bantu banu bakacaala? Mwebo tamukalali kwa lyoonse alyoonse, sombi mulasangalala mukutondesha lusuno lutamaani.

Naamu 1:3

Mwaami Lesa taakalali bwaangu alimwi ngushinkusu shiinji. Taalangibo muntu wabisha kutamupa mulandu. Uleendela mukapupuulwa amucipuupu. Makumbi alaba ndolusuko lwa myeendo yakwe.

Shakubelenga 14:18

‘Nebo neMwaami Lesa nshifwambaani kukalala, ndabonesha lusuno lunene alimwi ndalekelela shibiibi abwaashu bwa bantu. Nacibi boobo, teshi nkaalilwe kupa mulandu baana kushikila akulishalane lyatatu alyane ceebo ca shibiibi sha bamashali babo bakulukulu.’

Bene Loma 2:4

Nabi sa utoonyansha Lesa ceebo ca kwaamba ayi ngushinkumbu abuumbi alimwi taatondeshi bukali bwakwe paciindi ceenka ico, sombi ulatolelela kulekelela? Ncakwiila ulishi kwaamba ayi Lesa ncaabetele shinkumbu nkweelesha kwaamba ayi usanduke kuswa kushibiibi shako.

Bene Efeso 2:4

Sombi Lesa wakatusuna abuumbi ceebo ca nkumbu shakwe shiteelekwi.

1 Timoti 4:8

Kwiisha mubili kuyuma kulacafwa paniini, sombi kwiisha kwikala kweelana akuyanda kwakwe Lesa kulacafwa munshila shoonse, ceebo kulalengesha kuba abuumi bubotu bulya alimwi aciindi citoosa.