Jowelo 2:12 - Baibo Busansulushi Bwa Libuku Ili

¹² Mwaami Lesa waamba ayi, “Nabi pacecino ciindi amusanduke kuswa kushibiibi shanu mwise kuli ndime amyoyo yanu yoonse, mukulikasha kulya, mukulila amukuungumana.”

Jowelo 2:12 ပူးပေါင်းရင်းမြစ်များ

2 Samwelo 24:10

Pesule bantu ndibakamana kubelengwa, Defedi wakapenshekwa mumoyo abuumbi. Lyalo wakapaila kuMwaami Lesa ayi, “Ndabiisha abuumbi kucita cintu ici. Ono noBaami baLesa ndaseenga kwaamba ayi mulekelele cibiibi cangu nebo nemusebenshi wanu, mukwiinga ndaciita cintu cabuluya.”

2 Makani 30:6

Beshinkombe bakanyamuka kweelana ambobakatumwa amwaami alimwi abacinenenene bakwe kuya mucishi coonse ca bene Isilaeli aca bene Juda ankoombe yakwaamba ayi, “Nobene Isilaeli, mwebo nomwakapuluka kuswa mumaansa a bene Silya, amuboole kuMwaami Lesa, Lesa wakwe Abulaamu, Isaki alimwi wakwe Jakobo, alakwe utoobola kuli ndimwe.

2 Makani 6:27

amubakutike uko kwiculu. Amulekelele shibiibi sha mwaami asha bantu banu bene Isilaeli. Amubaiishe kucita shiluleme. Lyalo, noBaami baLesa amutume mfula mucishi canu ico ncemwakapa bantu banu ayi ncabo kwalyoonse alyoonse.

Esita 4:16

“Kamuya mukabunganye baJuda boonse bali muSusa, mulikaashe kulya akumpaililaako. Mutakali nabi kunwa cintu cili coonse kwanshiku shili shotatwe. Nebo alimwi abasebenshi bangu banakashi tulaakunoocita bweenka ubo. Kuswawaawo ndaakuya kumwaami nabi mulawo ulakasha. Na cilaamba kufwa, ankafwebo!”

Kulonga 33:5

Ceebo Mwaami Lesa wakaambila Mose ayi, “Ulwiite bene Isilaeli maswi angu ayi, ‘Muli bantu beshicimpamya. Na ndayaanu kwaciindi ciniinibo, inga ndamunyonyoola cakumaninina. Ono amufuule shakulibotesha shanu, nebo ntooshiba cakucita pali ndimwe.’ ”

Isaya 22:12

Mwaami Lesa, ee, Mwaami Lesa Shinkusu shoonse wakamwiita pabushiku ubo ayi mulile cakooloma amibila. Wakamwiita ayi mukulule misusu yanu akufwala masaka kutondesha buumba.

Isaya 58:4

Peculu lya waawo, kulikasha kulya kwanu kuleela mukwaambana. Muloomana makoofi mukusebensesha maansaanu ayo atasalalite. Mulalyatilila bantu bamusebensela. Ono sa mutooyeeya ayi kulikasha kulya kwanu kwa mushobo uyu inga kwalengesha ayi nebo nyumfwe kusenga kwanu kwiculu?

Jelemiya 3:22

“Amupiluke mwebo nobantu batashomeki, nebo ndaakumushilika ayi mukanooshomeka.” Mpeeke balo bakakumbula ayi, “Ee, tutoosa kuli ndimwe, ceebo mwebo ndimwe Baami baLesa, baLesa besu.

Jelemiya 36:7

Mpashi inga bapaila kuMwaami Lesa akusanduka kuswa kunshila shabo shibiibi mukwiinga Mwaami Lesa wakaloondesha bantu aba kubukali bwakwe buyoosha abuumbi.”

Jelemiya 4:1

Mwaami Lesa utookwaamba ayi, “Nobene Isilaeli, na muli lwakupiluka kuli ndime, amupiluke. Na mukushe shibumbwabumbwa shanu shilensha bunya pameenso angu akutapambuka tubili munshila yangu,

Jelemiya 4:2

na kamulumbila cakushomeka, cabululami ee, cakubula kampenda ayi, ‘Bweenka mbocibete lushinisho ayi Mwaami Lesa ngumuumi,’ mishobo yoonse ilaakupekwa coolwe kuswa kuli ndime neMwaami Lesa. Ncakwiila boonse balaakunoosangalalila muli ndime.”

Esekelo 33:11

Balwiite kwaamba ayi, ‘Ndushinisho kweelana ambocibete lushinisho ayi nebo neMwaami Lesa ndi muumi, nebo nshisangalali kubona mucita shibi kaafwa? Sombi ndasangalala kumubona kaasanduka kuswa kunshila shakwe shibiibi akuba abuumi. Amusanduke! Amusanduke kuswa kunshila shanu shibiibi! Ceebonshi mutooyanda kufwa mwebo nobene Isilaeli?’

Danyelo 9:3

Mpeeke ndakapaila kuMwaami Lesa cakulyaaba, kumukombelela kwiinda mukulikasha kulya, kufwala masaka akwikala mumilota.

Osiya 12:6

Paceebo ceeco nobamulunyungu lwakwe Jakobo mulyeelete kuboolela kuli Lesa wanu. Amube bantu bashomeka kuli nguwe, baluleme alimwi mulindile lucafwo kuswa kuli Lesa wanu cakukalika myoyo lyoonsebo.

Osiya 12:7

Mwaami Lesa waamba ayi, “Bene Isilaeli tabashomeki bweenka mbuli bene Kenani. Balisunishi kunyengelela bamwi mukusebensesha shakupimisha shabubeshi.

Osiya 14:1

Nobene Isilaeli, amusandukile kuMwaami Lesa, Lesa wanu. Shibiibi shanu nsheshamulengesha kuwa.

Osiya 6:1

Bantu batokwaamba ayi, “Atuboolele kuMwaami Lesa, watukwamoona mutupanshapansha, sombi ulaakutushilika alimwi. Ncakwiila watucisa, sombi ulaakwaanga nsalu pashilonda shesu alimwi.

Jowelo 1:13

Amufwale masaka akutalika kulila, mwebo nobapailishi nomusebensela kushipaililo! Amuceshe kulila kamufwete masaka mwebo nomusebensela pameenso a Mwaami Lesa wangu ceebo shipo shafulaulo asha cakunwa teshi shinoobonekawo muŊanda yakwe.

Sekaliya 7:3

akwiipusha kubapailishi abalaluki. Bakeepusha ayi, “Sa inga twatolelela kulila mukwiinga wa kunyonyoolwa kwa Ŋanda yakwe Lesa mukulikasha kulya mumweenshi wasanu bweenka mbotwakalinga kucita myaaka iinji yeenda?”

Sekaliya 7:5

Lakwe wakaamba ayi, “Lwiita bantu ba mucishi abapailishi ayi ndibakalinga kulikasha kulya akulila mumweenshi wasanu alimwi awasanu ayobilo mumyaaka ili 70 yeenda, tebakalinga kundemeka nebo, sobwe.

Malaki 1:9

“Ono nobapailishi mwebo, mulasenga kuli ndime neLesa ayi mupe coolwe. Na kamubenga milambu yambuli yeeyi, sa inga ndakumbula mupailo wanu?

Milimo ya Batumwi 26:20

Ndakataanguna kushimikila muDamasikasi, muJelusalemu amucishi coonse ca Judeya alimwi akubaswamashi bakunsengwe. Ndakabashimikila ayi balyeelete kusanduka kuswa kushibiibi shabo akushoma muli Lesa alimwi akucita shintu shibonesha ayi bakasanduka cancinencine.

Boomboloshi 2:4

Mpeeke munjelo uyo ndyaakamana kwaamba maswi ayo kubene Isilaeli, bantu boonse bakalila cakoolobesha.

Boomboloshi 20:26

Mpomunyaawo bene Isilaeli boonse, nkokwaamba ayi bashilumamba boonse bakaboolela kuBetelo alimwi kuya mukulilila Mwaami Lesa. Bushiku ubo bakalikasha kulya kushikila macolesha. Bakabenga milambu yakutenta aya bwanabwankashi.

1 Samwelo 7:3

Mpeeke Samwelo wakaambila bantu ayi, “Na musandukile kuMwaami Lesa amyoyo yoonse, mutoosowa balesa beensu ashikoshanyo shakwe Ashitaloti lesa mwanakashi. Amulyaabe cakumaninina kuMwaami Lesa akulambilabo nguwe eenka. Lyalo ulaakumufuna kuswa munkusu sha bene Filisiti.”

1 Samwelo 7:6

Aboobo boonse bakabungana kuMisipa. Bakateka maanshi akwaabenga ayi ncipo kuMwaami Lesa mukwaatila. Lyalo bakalikasha kulya bushiku boonse ubo akusumina ayi, “Twakabishisha Mwaami Lesa.” KuMisipa Samwelo nkwaakatalikila koombolosha pakati ka bene Isilaeli.