Jowelo 2:1 - Baibo Busansulushi Bwa Libuku Ili

¹ Amulishe mapeenga muSiyoni, Amucenjeshe bantu bangu pakalundu kangu kasalalite. Amututume noonse nobantu nomwikala mucishi ca Juda mukwiinga bushiku bwa Mwaami Lesa butoosa. Ncakwiila bulibo pafwaafwi kwisa.

Jowelo 2:1 ပူးပေါင်းရင်းမြစ်များ

1 Makani 15:28

Lyalo bene Isilaeli boonse bakaleta Libokoshi lya Cipangano ca Mwaami Lesa kuJelusalemu cakusangalala. Bakalinga kulisha meeca a mbelele shisankwa, mapeenga, tusenke alimwi atulumbu tunene atuniini.

Kulumbaisha 119:120

Mubili wangu ulatutuma ceebo cakuloonda ndimwe. Ndicite boowa ceebo ca koombolosha kwanu.

Kulumbaisha 87:1

Mwaami Lesa wakayaka ndabala yakwe inene pakalundu kasalalite,

Kulonga 10:14

Nsoshi isho shakesa mushipanshapansha, akwikala pacishi coonse. Shakalinga nsoshi shiinji abuumbi isho shitana kubonekawo kale, alimwi sheshi shikabule kubonekaawo.

Isaya 13:6

Amulile mibila ceebo bushiku bwa bukali bwa Mwaami Lesa buli pafwaafwi, bushiku ubo Mwaami Lesa Shinkusu shoonse mbweshi akalete kunyonyoolwa kuyoosha.

Isaya 13:9

Amubone bushiku bwa bukali bwa Mwaami Lesa butoosa, bushiku buyoosha alimwi bufundeene kubukali. Butoosa mukunyonyoola cishi coonse akunyonyoola bamucita shibi boonse baliimo.

Isaya 2:12

Mwaami Lesa Shinkusu shoonse wakabikila limwi bushiku bwa bukali bwakwe, ubo bantu boonse balisumpula abaabo balemekwa beshinkusu ndyeshi bakaceeshekwe.

Isaya 66:2

Sa teshi ndime ndakalenga shintu shoonse ishi? Ncakwiila ndime ndakalengesha ayi shibeeko.” Mwaami Lesa waamba. “Ono muntu unkonda ngooyu: muntu ulibombya, ulisenda na walubisha alimwi uloonda maswi angu.

Isaya 66:5

Ono amukutike maswi a Mwaami Lesa mwebo nomulemeka maswi akwe ayo. Waamba ayi, “Bamakwabanu abo bamupatite ceebo cakushomeka kuli ndime, baamba ayi, ‘Mwaami Lesa wabo aatondeshe nkusu shakwe kwaamba ayi tumuboone kamusangalala.’ Ono balo beenka abo balaakulenshekwa nsoni.

Jelemiya 16:10

“Bantu aba waakubaambila maswi aya oonse, abalo baakukwiipusha ayi, ‘Ino ceebonshi Mwaami Lesa waamba ayi swebo tupolelwe mapensho a mushobo wooyu? Ino swebo twakabishanshi? Anu ncibiibinshi ncetwakacitila Mwaami Lesa, Lesa wesu?’

Jelemiya 16:7

Teshi kukabeewo muntu shikupa shakulya bantu abo batoolila. Teshi kukabeewo shikuumusha nabi muntu wafwitwa baishi nabi banyina. Ncakwiila taaku weshi akabapewo shakunwa mukuboombulushaako.

Jelemiya 4:5

“Amwaambilishe muJuda akoolobesha muJelusalemu ayi, ‘Amulishe mapeenga mucishi coonse.’ Amoolobeshe kamwaamba ayi, ‘Amubungane pantu pomwi, tucicile kumandabala anene acite malinga.’

Jelemiya 5:22

“Sa nebo tamweelete kunoonda? Ceebonshi tamututumi pameenso angu? Nebo ndakabika museese ayi ngomanyinsa a lweenge. Ngamanyinsa a lyoonse alyoonse ayo lweenge ndwatakoonshi kwiindilila. Maaba inga anyamuka, sombi inga taasubukiiwo. Nabi awoote cili buyani, inga taakoonshi kwiindilila.

Esekelo 12:23

Ono baambile ayi nebo neMwaami Lesa Shinkusu shoonse ndaamba ayi, ‘Nebo ntooyanda kumanisha kashimpi aka. Ncakwiila teshi bakakaambewo tubili mucishi ca Isilaeli.’ Ubalwiite ayi, ‘Bulya ciindi cili pafwaafwi cakwaamba ayi shoonse shakaambwa ndyeshi shikacitike.’

Esekelo 21:12

Ono ulile cakooloma, webo omuntu, ceebo mupeeni uyo utoosita bantu bangu abamatanjilili boonse ba bene Isilaeli. Lyuume pacaamba ceebo ca buumba!

Esekelo 30:3

Bushiku bwashikila, ee, bushiku bwa Mwaami Lesa buli pafwaafwi, mbushiku bwa makumbi amapensho kumishobo yoonse.

Esekelo 33:3

Shikulindilila uyo na wabona balwani kabesa, ulalisha lupeenga kucenjesha bantu.

Esekelo 33:6

Ono na shikulindilila wabona balwani kabesa, sombi wabula kulisha lupeenga lwakucenjesha bantu, mpeeke balwani besa akucayaawo womwi, muntu uyo ulaakufwita shibiibi shakwe. Sombi anebo ndaakupa mulandu shikulindilila pabulowa bwakwe.’

Esekelo 7:10

Bushiku bwashikila! Ndushinisho ciindi cashikila! Mapensho akomena abuumbi, shalunkutwe shitooya cishimpa akulisumpula kwasapula buluba.

Esekelo 7:12

Ciindi cashikila, bushiku bwashika. Shikuula atasangalali, alakwe shikuulisha atoongumani ceebo bukali buli pabantu boonse.

Danyelo 6:26

“Ndapa mulawo mubwaami bwangu boonse ayi muntu womwi awomwi ulyeelete kuloonda akulemeka Lesa wakwe Danyelo. “Lakwe ngoLesa muumi weshi akabeeko kwalyoonse alyoonse. Bwaami bwakwe teshi bukanyonyoolweewo alimwi bulelo bwakwe teshi bukamaneewo.

Danyelo 9:16

NoBaami baLesa kweelana amicito yanu iluleme amukushe bukali bwanu buyoosha pandabala ya Jelusalemu, ndabala yanu inene, ee, pakalundu kanu kasalalite. Shibiibi shesu ashilubo sha bamashali besu bakulukulu shakalengesha ndabala ya Jelusalemu abantu banu kuba cintu ceelete kushibulukwa kubantu boonse batushingulukite.

Danyelo 9:20

Ndakatolelela kupaila, kaandyaambilila shibiibi shangu ashibiibi sha bene misheesu bene Isilaeli akukombelela Mwaami Lesa, Lesa wangu kwaamba ayi alengeshe Ŋanda yakwe kutalika kusebenseshekwa alimwi.

Osiya 5:8

“Amulishe lupeenga lwa nkondo muGibiya. Ee, amulishe lupeenga lwa lwiica muLama Amucenjeshe bene Beti Afeni bacite ciyobeyobe ca nkondo. Amutanjile kunembo nobene Benjameni, tuye kunkondo.

Osiya 8:1

Mwaami Lesa waamba ayi, “Amulishe mapeenga ankondo. Balwani besa mucishi cangu anga ngumumbankwashi ceebo bantu bangu bakapwaya cipangano alimwi baashukila milawo yangu.

Jowelo 1:15

Ncakwiila bushiku buyoosha butoosa. Ee, bushiku bwa Mwaami Lesa buli pafwaafwi. Ubo mbobushiku Mwaami Lesa Shinkusu shoonse bweshi akalete lunyonyooko.

Jowelo 2:11

Mwaami Lesa ngowatanjilila likoto lyakwe lya bashilumamba. Bashilumamba bakwe abo bacita ncaasuni, mbaanji abuumbi cakutabelengeka alimwi mbeshinkusu. Bushiku bwa Mwaami Lesa mbunene alimwi bulayoosha. Anu ngani weenga wacaala pabushiku ubo?

Jowelo 2:15

Amulishe lupeenga paKalundu ka Siyoni. Amwaambilishe ayi mbushiku bwakulikasha kulya akwiita bantu ayi babungane pantu pomwi.

Jowelo 2:31

Lisuba lilaakuboolabo mbi, awalo mweenshi ulaakusalalabo pyu anga mbulowa, kabutana kushikila bushiku bwangu nebo neMwaami Lesa, bushiku ubo bunene alimwi buyoosha.

Jowelo 3:14

Shuulu ashuulu sha bantu bali muCinyika ca Koombolosheshaamo. Bushiku bwa Mwaami Lesa bulaakufwambaana kwisa mucinyika ico.

Jowelo 3:17

Mwaami Lesa waamba ayi, “Ono nobene Isilaeli mulaakwishiba ayi ndimebo Mwaami Lesa, Lesa wanu. Ndekala paKalundu kasalalite ka Siyoni. Ndabala ya Jelusalemu ilaakuba ndabala isalalite. Baswamashi teshi bakeekomeewo, sobwe.

Amosi 3:6

Na mapeenga ankondo alila mundabala, sa bantu tabatutumi? Na kunyonyooka kwacitika mundabala inene, sa teshi Mwaami Lesa ulengesha boobo?

Amosi 5:18

Mapensho kuli ndimwe nomutookumbwa kubona bushiku bwa Mwaami Lesa. Ceebonshi mulakumbwa kubona bushiku ubo? Bushiku ubo bulaakuba bwa munshinshe, kuteshi bwa mumuni.

Amosi 8:2

Mwaami Lesa wakanjipusha ayi, “Amosi, wabonanshi?” Ndakakumbula ayi, “Ndabona mutaanga uswite shisepo shipite.” Mpeeke Mwaami Lesa wakandwiita ayi, “Ciindi cashikila cakwaamba ayi bantu bangu bene Isilaeli bakapekwe mulandu. Nebo teshi nkabooshemo moyo alimwi pashakubapa mulandu.

Obadiya 1:15

“Bushiku buli pafwaafwi ubo nebo neMwaami Lesa, mbweshi nkoomboloshe mishobo yoonse. Sheenka nshemwakacita kubamwi nobene Edomu, ntoomulwiita ayi shilaakucitika akuli ndimwe. Micito yanu ibiibi ilaakumuboolela.

Sefaniya 1:14

Bushiku bunene bwa Mwaami Lesa buli pafwaafwi, ncakwiila bulaakwisa coonoono. Kulila pabushiku bwa Mwaami Lesa kulaakubica. Abalo bashilumamba bacibwene kulwana balaakoolobesha ceebo ca buumba.

Sefaniya 1:16

bushiku bwa mapeenga a nkondo akulila kwa bashilumamba abo beshi bakalwane mandabala acite malinga alimwi amaanda alaamfu.

Sefaniya 1:7

Amuumune noonse kunembo lya Mwaami Lesa Shinkusu shoonse ceebo bushiku bwa Mwaami Lesa buli pafwaafwi. Mwaami Lesa wabamba bantu ayi babengwe anga ngumulambu, ncakwiila watamba kale abalwani babo ayi bababeenge.

Sefaniya 3:11

Pabushiku bweenka ubo mwebo nobene Jelusalemu teshi mukalenshekwe nsoni pashintu isho nshemwakambishisha. Nebo ndaakukusha beshikulisumpula boonse mundabala yanu. Teshi mukambukilewo tubili pakalundu kangu kasalalite.

Sekaliya 14:1

Bushiku bwa Mwaami Lesa butoosa ndabala ya Jelusalemu ndyeshi ikasaalwe. Lyalo buboni bweshi bukasaalwe bulaakubaanishikwa kamubweneeko.

Sekaliya 8:3

“Ndaakuboola kuSiyoni alimwi akwikala muJelusalemu. Lyalo ndabala ya Jelusalemu ulaakunokwiitwa ayi, ‘Ndabala ya Lushinisho,’ akalo kalundu kangu nebo neMwaami Lesa Shinkusu shoonse kalaakunokwiitwa ayi, ‘Kalundu Kasalalite.’ ”

Malaki 4:1

Mwaami Lesa Shinkusu shoonse utokwaamba ayi, “Ncakwiila bushiku bulaakushikila balisumpula abamucita shibi ndyeshi bakapye anga mbwiisu. Pabushiku ubo balaakulokota cakutacaalaako.

Shakubelenga 10:2

“Panga mapeenga obilo a silifa wakufula ayo akunoosebensesha pakubunganya bantu alimwi apakulonga.

Shakubelenga 10:3

Na mwanyumfwa mapeenga obilo oonse alila ciindi cilaamfu, bene Isilaeli boonse balyeelete kubungana kunembo lyako pamulyango wa Tente ya Cipangano.

1 Bene Kolinto 14:8

Alimwi na shikulisha lupeenga lwa nkondo wabula kunoolisha kabotu, ngani weenga walibambila kuya kunkondo?

Bene Filipi 2:12

Ono nomusunikwi, kweelana ambomwalinga kunyumfwila ndindalingaanu, mulyeelete kwaamba ayi mwiindilishe kunoonyumfwila ciindi ici nceentabeteeko uko. Amutolelele kusebensa caboowa akututuma kwaamba ayi mumanishe mulimo wa lupulusho lwanu.

1 Bene Tesalonika 5:2

Ceebo mwebo nobeene mulishi kale kabotu kwaamba ayi Bushiku bwakwisa kwa Mwaami Jesu, bulaakushikila cakutabwiingashila bweenka mwiipi mbweesa mashiku.

Jemusi 5:8

Mbweeke ubo amwebo amube beshimoyonteeka, muyume ceebo Mwaami wesu Jesu ulibo pafwaafwi kwisa.

1 Pita 4:7

Ono mamanino a shintu shoonse ali pafwaafwi. Paceebo ceeco, kamulitibuka alimwi mucenjele, kwaamba ayi mukonshe kupaila.

Ciyubululo 6:17

Mukwinga bushiku bwa bukali bwabo buloondesha bwashikila, ino ngani weenga wacaalaawo?”