Jowelo 1:6 - Baibo Busansulushi Bwa Libuku Ili

⁶ Cisoshi calwana cishi cesu anga ndikoto lya bashilumamba. Ncakwiila anga mbashilumamba bacite nkusu alimwi baanji cakutabelengeka. Meeno a ncico alikoletebo anga nga nkalamu.

Jowelo 1:6 ပူးပေါင်းရင်းမြစ်များ

Kulumbaisha 107:34

Cishi ca mboleshi cakaba cikula ceebo ca shibiibi sha bantu bakalingaamo.

Tushimpi 30:14

Kuli bantu bacite meeno ali anga njimipeeni, ee, balicite micendwa ili anga nshibeshi kwaamba ayi balye akumana bakandu pacishi ca panshi, ncakwiila kwaamba ayi balobye bapenshi boonse pakati ka bantu.

Isaya 32:13

Amulyuume pashaamba akuungumana ceebo ca cishi ca bantu bangu umo mutooya cimenabo myuumfwa ashisonsoonya. Ncakwiila amulile ceebo ca maanda abeshikusekelela aceebo ca ndabala iyi muli kusangalala.

Isaya 8:8

Balaakupyanga cishi ca Juda anga ngamaanshi aanji asefuka cakushika munshingo akufwekelesha shintu shoonse.” Imanuweli! Nkokwaamba ayi Lesa uli aswebo! Mapapaminwa akwe afungulukite alaakutabilila cishi coonse.

Osiya 9:3

Mwebo nobene Isilaeli teshi mukanoocishiite mucishi ca Mwaami Lesa. Mwebo nobene Efuleemu mulaakuboolela kucishi ca Ijipiti mubusha. Mulaakuya mukunoolya shakulya shitasalalite kweelana aMilawo kuAsilya.

Jowelo 2:25

Mwaami Lesa waamba ayi, “Ndaakumulipila pashoonse shakalikwa kunsoshi. Nkokwaamba ayi shakalikwa kunsoshi shinene atwana twa nshisho, nsoshi shimwibo akucisoshi. Shoonse ishi shakalinga anga ndikoto lyangu lya bashilumamba ndyendakatuma.