Jowelo 1:18 - Baibo Busansulushi Bwa Libuku Ili

¹⁸ Ŋombe shitoolila kunsala ceebo mumafulo a nshisho taamu bwiisu. Ashalo mbelele shapenga abuumbi.

Jowelo 1:18 ပူးပေါင်းရင်းမြစ်များ

1 Baami 18:5

Obadiya ndyaakashika, Aabu wakamwaambila ayi, “Tiya tukabone mutuntupu amuya mulonga moonse kwaamba ayi tubone na inga twakacanaawo bwiisu buunji bwakwaamba ayi maaki ashifubwa shili anga nimbongolo shitafwi kunsala. Mpashi teshi tukacaye shifubwa shesu nabi comwi.”

1 Baami 8:5

Mwaami Solomoni abene Isilaeli boonse bakabungana kunembo lya Libokoshi lya Cipangano akubenga mbelele aŋombe shiinji shitabelengeki.

Jelemiya 12:4

Citooba ciindi cilaamfu buyani cishi ndyeshi cinooshiite kaciyumite abwiisu kabunyanite mumyuunda yoonse? Ceebo ca bubi bwa bantu abo baliimo banyama abayuni bakamana kuloba. Nakubi boobo, bantu aba balaamba ayi, “Lesa taashiboniiwo isho nshetucita.”

Osiya 4:3

Ceebo ca shintu isho cishi citoobula maanshi. Shintu shoonse shikalaamo shilaakumana kufwa. Nkokwaamba ayi banyama boonse, bayuni alimwi answi shoonse shilaakumana kufwa.”

Jowelo 1:20

Ncakwiila abanyama bamuluundu batoomulilila mukwiinga tulonga toonse twamana kuyuma. Aalo mafulo amana kupya kulumwi.

Amosi 1:2

Amosi wakaamba ayi, “Mwaami Lesa utoobuluma kuKalundu ka Siyoni akululuma kundabala inene ya Jelusalemu. Mafulo amana kuyuma. Bwiisu bwa peculu paKalundu ka Kamelo bwayuma.”

Abakuku 3:17

Nakubi kwaamba ayi mikuyu teecite maluba, nabi myuunda ya minyansa teekwe kucata shisepo, nabi shisamu sha maolifi tashikwe kucata, nabi myuunda yoonse teekwe kukusha shilyo nabi taamu mbelele mushimpati alimwi aŋombe mushimpati sha nshisho

Agayi 1:10

Nceececo liculu talitoolosha mfula abwalo bulongo tabutoomupa shakulya.

Bene Loma 8:22

Mukwiinga tulishi kwaamba ayi kushikila acecino ciindi, shilengwa shoonse shilapenga kusheesho shicisa bweenka mbuli walutundu mbwaapenga pakutumbuka.