Jowelo 1:12 - Baibo Busansulushi Bwa Libuku Ili

¹² Ncakwiila shisamu sha minyansa asha nkuyu shamana kuyuma, kubikaawo ashisamu sha mapomegilaneti, tupukupuku ashisamu sha maapo, nkokwaamba ayi shisamu shoonse sha myuunda shamana kufwa. Ee, kusangalala kwa bantu kwalobelela.

Jowelo 1:12 ပူးပေါင်းရင်းမြစ်များ

Kulumbaisha 4:7

Sombi nebo mwasangalasha moyo wangu, kwiinda mbabo ndibaba ashili anga ngamaila shiinji awaini uunji.

Kulumbaisha 92:12

Ono baluleme balaswitilila bweenka tupukupuku mbotucata shisepo shiinji, balakula cakoololoka anga nshisamu sha sida sha kuLebanoni.

Lwiimbo lwakwe Solomoni 2:3

Pakati ka basankwa bamwi, usunikwi wangu uli anga ncisamu ca maapo cili mumusaansa. Ndanyumfwa kabotu kwikala mucimfule ca ncico, ashalo shisepo sha ncico shilambotela abuumbi.

Lwiimbo lwakwe Solomoni 4:13

Shishango shako nshisepo sha mapomegilaneti ashisepo shimwi shiindaawo kubota. Mulacanika aena, nadi,

Isaya 16:10

Kusangalala uko kwalinga kunyumfwika mumyuunda ya shisepo kwakushikwaamo. Bulya taaku utokwiimba nabi kooloma mumyuunda ya minyansa. Taaku utootyana minyansa kushilindi shakutyaninaamo, ee, mukwiinga Lesa wacalila kooloma mumyuunda ya minyansa.

Isaya 24:11

Bantu batokooloma mumikwakwa ceebo cakubula waini. Ncakwiila kusangalala koonse kwamana, ee, kwamana mucishi coonse ca panshi.

Isaya 24:7

Minyansa yayuma, aboobo waini taaku. Ncakwiila boonse beshikulisangalasha batootongela.

Isaya 9:3

NoBaami baLesa, mushobo wa bantu banu mwaufusha, Kusangalala kwa bantu banu mwakufusha. Balasangalala pameenso anu bweenka bantu mbobasangalala pakutebula. Ee, bweenka mbobasangalala basankwa pakubaana shakasaalwa.

Jelemiya 48:3

Amunyumfwe kulila kutooswa kuOlonaimu, kulila kwa mapensho aanji akunyonyoolwa.

Jelemiya 48:33

Kusangalala akukondwa kwakushikwaamo mucishi cicite bulongo bubotu ca Moabu. Ndakakasha waini kuswa mushilindi shakutyaninamo minyansa. Taaku nabi womwi ushikutyana minyansa woolobesha cakusangalala. Nakubi kwaamba ayi kuli koolobesha, teshi koolobesha kwakusangalala, sobwe.

Jowelo 1:10

Myuunda yacaalabo tuu. Bulongo butoolila myuunda ceebo shili anga ngamaila shanyonyooka. Shisamu sha minyansa asha nkuyu shafwa. Ashalo shisamu sha maolifi shoonse shayuma.

Jowelo 1:16

Amubone shakulya shanyonyoolwa kutulangilisha ameenso esu. Kusangalala akukondwa shamana muŊanda yakwe Lesa?

Jona 4:7

Sombi macuunsacuunsa bushiku bwakaboolaawo, Lesa wakatuma shiluŋongwa uyo wakatalika kulya cisamu akulengesha ayi ciyume.

Agayi 2:19

Nakubi kwaamba ayi taaku shili anga ngamaila shacaalaako alimwi minyansa, nkuyu, mapomegilaneti amaolifi isho shitana kucata, kuswa kubushiku bwa sunu, nebo ndanoomupa coolwe.”

Malaki 3:11

Teshi nkasuminishe shilongolo kulya shishango shanu alimwi minyansa teshi ikapukumuke kushisamu sha njiyo.

Shakubelenga 13:23

Kuswawaawo bakashika kucinyika ca Eshikolu, nkomunya uko bakatimbula musampi wakalinga kucite cisankata ca minyansa. Cisankata ico cakalinga cilemu cakwaamba ayi bantu bobilo mbobakacikonsha kukulika. Bakabwesa amapomegilaneti ankuyu.