Joshuwa 9:9 - Baibo Busansulushi Bwa Libuku Ili

⁹ Lyalo bakamukumbula ayi, “Swebo sobasebenshi banu twaswa kucishi cili kulaale abuumbi ceebo twakanyumfwa mpuwo ya Mwaami Lesa, Lesa wanu. Twakanyumfwa shoonse nshaakacita mucishi ca Ijipiti,

Joshuwa 9:9 ပူးပေါင်းရင်းမြစ်များ

1 Baami 8:41

“Na muswamashi uyo ukala kucishi cakulaale wanyumfwa impuwo yanu, ono wesa mukulambila muŊanda yanu

Neyemiya 9:5

Bene Lefi nkokwaamba ayi Jeshuwa, Kadimyelo, Bani, Ashabineiya, Shelebiya, Odiya, Shebaniya alimwi aPetayiya bakaambila bantu ayi, “Amunyamuke mulumbaishe Mwaami Lesa, Lesa wanu. Amumulumbaishe kwalyoonse alyoonse. Bantu boonse abalumbaishe liina lyakwe lyabulemu, nakubi kwaamba ayi muntu taakoonshi kulilumbaisha cakulishishaawo.”

Kulumbaisha 148:13

Shoonse isho ashilumbaishe liina lya Mwaami Lesa ceebo liina lyakwe ndyeliinda pameena oonse. Bulemu bwakwe buleenda bwa shintu sha mucishi ca panshi asha kwiculu.

Kulumbaisha 72:19

Alilumbaishikwe lyoonse alyoonse liina lyakwe lya bulemu. Bulemu bwakwe abumwaike akukwanabo cishi coonse. Ameni! Ameni!

Kulumbaisha 78:12

Wacita shaankamiko mumeenso a bamashali babo bakulukulu, mucishi ca Ijipiti mucituunta ca Sowani.

Kulumbaisha 83:18

Abeshibe ayi ndimwe nomucite liina lya Mwaami Lesa, ndimwe nweenka nobaLesa ba kwiculu Beendaawo mucishi coonse ca panshi.

Kulonga 15:14

Mishobo yoonse yakanyumfwa nshemwakacita, aboobo itootutuma abuumbi. Bene Filisiti boowa bwabacata cankusu.

Kulonga 9:16

Sombi kwaamba ayi muboneshe nkusu shangu alimwi ayi liina lyangu linyumfwike mucishi coonse ca panshi, ndamuleka ayi munoocili boomi.

Isaya 55:5

Ndushinisho mulaakwiita mishobo ya bantu mbomuteshiiwo napaceyi. Mishobo ya bantu abo batamwishiiwo balaakwisa kuli ndimwe cakufwambaana ceebo ca Mwaami Lesa, Lesa wanu Usalalite wa bene Isilaeli uyo wakamufwalika bulemu.”

Isaya 66:19

alimwi balaakwishiba kwaamba ayi ndime mbapa milandu. “Sombi bamwi ndaakubashiyaawo akubatuma kumishobo imwi akumisena yakulaale uko nkobatana kunyumfwaawo kale mpuwo yangu nabi kubonawo kale nkusu shangu shinene. Nkokwaamba ayi kuTashishi, kuLibya, Lidiya cishi ico cicite basankwa bacibwene kulwana amata, kuTubali alimwi akuGilisi.

Shakubelenga 14:15

Ono na bantu banu boonse mubacaaye, mishobo yoonse yakanyumfwa mpuwo yanu, ilaakwaamba ayi

Shakubelenga 20:14

Kuswawaawo Mose wakatuma bantu kuswa kuKadeshi akuya kumwaami wa kuEdomu akwaamba ayi, “Makani aya aswa kubamakwabanu, mikowa ya bene Isilaeli. Mwebo mulishi makatasho ngotwakalingaamo,

Milimo ya Batumwi 8:7

Wakakusha bashikaswa baanji mubantu, kabooloma pakubakusha alimwi bayuminite mibili abalema myeendo bakaba kabotu.

Dutolonomi 20:11

Ono na basumina akucalula minjililo, bantu boonse mundabala iyo balyeelete kuba basha banu akunoomusebensela.

Dutolonomi 20:15

Anu ubo mbomweelete kunoocita mandabala anene oonse ali kulaale acishi nceshi mukaye mukwikalaamo.

Joshuwa 9:10

asheesho shoonse nshaakacita kubamaami bobilo ba bene Amoli bali kwicwe lya Joodani, nkokwaamba ayi Sioni mwaami wa kuEshiboni alimwi aOgi mwaami wa kuBashani uyo wakalinga kwikala kuAshitaloti.

Joshuwa 9:16

Ingayi peende nshiku shotatwe kuswa bushiku bwakupanga cipangano ico abene Gibyoni, bene Isilaeli bakanyumfwa ayi bantu aba balekalabo pafwaafwi ambabo.

Joshuwa 9:17

Paceebo ceeci bene Isilaeli bakanyamuka akuya mukushika kumandabalaabo, nkokwaamba ayi Gibyoni, Kefila, Biloti alimwi aKilyati Jeyalimu. Bakashika pabushiku bwatatu.

Joshuwa 9:24

Mpeeke bakakumbula Joshuwa ayi, “Swebo sobasebenshi banu nkambo, twakanyumfwa cakutatonsha mbuli Mwaami Lesa, Lesa wanu mbwaakaambila Mose musebenshi wakwe ayi akamupe cishi coonse, alimwi ayi mukanooya cicaya baabo bekalaamo kunembo lyanu. Paceebo ceeci twakaloonda ayi inga mwaakutucaya. Anu nceceeco ncetwakacitila boobo.