Joshuwa 9:21 - Baibo Busansulushi Bwa Libuku Ili

²¹ Tutabacaayi, sombi ababebo beshikututepela nkuni alimwi abeshikututekela maanshi.” Anu bamatanjilili mbobakanyumfwana ubo.

Joshuwa 9:21 ပူးပေါင်းရင်းမြစ်များ

Jelemiya 46:22

Lyalo Ijipiti ulaakulilabo anga ngulukonkola utoocica, bashilumamba ba balwani babo baakunoobasena pafwaafwi. Balaakumulwana atweembe anga mbantu beshikutema shisamu.

Dutolonomi 29:10

“Pabushiku bwasunu noonse muliimfwi pameenso a Mwaami Lesa, Lesa wanu. Nkokwaamba ayi mwebo nobamatanjilili, abamaloba, bacinenenene, basankwa bamwi boonse,

Dutolonomi 29:11

banakashi, baana alimwi abaswamashi mbomwikalaabo abo bamutepela nkuni akumutekela maanshi.

Joshuwa 10:1

Mpomunyaawo Adonisedeki mwaami wa kuJelusalemu wakanyumfwa ayi Joshuwa wakabwesa ndabala inene ya Ai akwiinyonyoola abuumbi, akucita ndabala iyo alimwi amwaami wa njiyo bweenka mbwaakacita ndabala inene ya Jeliko alimwi amwaami wa njiyo. Wakanyumfwa alimwi ayi bene Gibyoni bakapanga cipangano ca luumuno abene Isilaeli alimwi ayi balekala pafwaafwi ambabo.

Joshuwa 9:15

Lyalo Joshuwa wakapanga cipangano caluumuno ambabo, nkokwaamba ayi batakacaikwi. Bamatanjilili ba bene Isilaeli abalo bakayumya cipangano kwiinda mukushomesha cakulumbila ayi balaakunoocilama.

Joshuwa 9:20

Ono mbweshi tucite kuli mbabo mbulya. Teshi tubacaaye kwaamba ayi bukali bwakwe Lesa butakabi pali ndiswe ceebo cakutacita kweelana ambotwakashomesha cakulumbila.

Joshuwa 9:23

Ono Lesa wamushingana ceebo cakucita boobo. Munanoolibo beshikutepa nkuni alimwi abeshikuteka maanshi kuŋanda isalalite ya Lesa wangu.”

Joshuwa 9:27

Bushiku ubo wakabalengesha kuba beshikutepa nkuni alimwi akutekela maanshi bene Isilaeli boonse akusebensa kucipaililo ca Mwaami Lesa. Kushikila asunu bene Gibyoni ngomulimo ngobacita kumusena uli woonse Mwaami Lesa ngweenga wasala.