Joshuwa 9:14 - Baibo Busansulushi Bwa Libuku Ili

¹⁴ Mpomunyaawo basankwa bene Isilaeli bakanyumfwaako shakulya shabo, sombi tabakwe kwiipusha Mwaami Lesa bwakucita.

Joshuwa 9:14 ပူးပေါင်းရင်းမြစ်များ

2 Samwelo 2:1

Kuswawaawo Defedi wakeepusha Mwaami Lesa ayi, “Sa nje ono kundabala yomwi ya muJuda?” Mwaami Lesa wakakumbula ayi, “Ee, koya.” Mpomunyaawo wakeepusha alimwi ayi, “Nje kundabalanshi?” Mwaami Lesa wakakumbula ayi, “Koya kuEbuloni.”

2 Samwelo 5:19

Mpeeke Defedi wakeepusha Mwaami Lesa ayi, “Sa bene Filisiti nje nkabalwaane? Sa mutoobaaba mumaansaangu ayi mbakoome?” Mwaami Lesa wakakumbula ayi, “Koya, mukwiinga bene Filisiti ndushinisho ntoobaaba mumaansaako ayi ubakoome.”

Esila 8:21

Ono kulya kuMulonga wa Aafa ndakapa mulawo wakwaamba ayi soonse tulikaashe kulya alimwi akuliceesha pameenso a Lesa wesu, kumusenga kututanjilila mulweendo lwesu alimwi akutufuna swebo abana besu pantu pomwi ashintu shesu shoonse.

Kulonga 28:30

Mucakufwala ca pacaamba ico, ukabikeko Ulimu alimwi aTumimu, kwaamba ayi Aloni akanooshinyamuna pakwisa pameenso angu. Mushiindi sha mbuli sheeshi, lyoonse ulyeelete kufwala cakufwala ico, kwaamba ayi akanooshiba kuyanda kwangu pabene Isilaeli.

Shakubelenga 27:21

Lakwe ulaakunoocinkite manungo muli Eliyasa mupailishi, uyo ngweshi akeeye kuyanda kwangu kwiinda mukusebensesha Ulimu aTumimu. Munshila iyi Eliyasa ulaakutanjilila Joshuwa alimwi abene Isilaeli boonse mushintu shoonse nshebeelete kucita.”

Jemusi 1:5

Sombi na umwi pakati kanu taacite busongo, asenge kuli Lesa uyo upa bantu boonse camaansa obilo akutatongooka, ncakwiila ulaakupekwa.

Joshuwa 9:13

Nkomwe sha shipaya shakubikamo waini ishi ashalo shakalinga shipya nditwakalongelaamo, sombi amubone ono mboshakwamooka. Shakufwala shesu alimwi ankwabilo shafwa ceebo ca mushinso ulaamfu.”

Boomboloshi 1:1

Ono Joshuwa ndyaakafwa, bene Isilaeli bakeepusha Mwaami Lesa ayi, “Ino mbaani pakati kesu beshi bataangune kuya mukulwana abene Kenani?”

Boomboloshi 20:18

Mpomunyaawo bene Isilaeli bakanyamuka baya kuBetelo mukwiipusha Lesa ayi, “Ino mbaani pakati kesu beshi bataanguneko kulwana bene Benjameni?” Ono Mwaami Lesa wakabakumbula ayi, “Bene Juda mbweshi bataangune kuya.”

1 Samwelo 22:10

Aimeleki wakamwiipushishaako kuMwaami Lesa akumupa shakulya alimwi amupeeni wakalinga wakwe Golyati mwine Filisiti.”