Joshuwa 8:33 - Baibo Busansulushi Bwa Libuku Ili

³³ Mpomunyaawo bene Isilaeli boonse pantu pomwi abamaloba babo, bamatanjilili, boomboloshi kubikaawo abaswamashi mbobakalinga kwikalaabo, bakeemikana mumbasu shobilo sha Libokoshi lya Cipangano lya Mwaami Lesa, kabalangite kubapailishi bene Lefi abo bakalinga kuliyumwite. Musa umwi wa bantu wakeemikana kunembo lya Kalundu ka Gelisimu awalo umwi wakeemikana kunembo lya Kalundu ka Ebo. Bakacita boobo kweelana abwakabalwiita Mose musebenshi wa Mwaami Lesa ayi banoocita na ciindi cakupekwa coolwe cashikila.

Joshuwa 8:33 ပူးပေါင်းရင်းမြစ်များ

Kulonga 12:49

Milawo njemunya iyi njeyeelete kukonkelwa kumwine Isilaeli alimwi amuswamashi woonse ukala pakati kanu.”

Bene Lefi 24:22

Mulawo uyu ulikumite kuli ndimwe noonse, kubene Isilaeli alimwi abaswamashi abo bekala pakati kanu, mukwiinga nebo ndime Mwaami Lesa, Lesa wanu.”

Shakubelenga 15:15

Milawo njemunya iyi ilaakunookumite kuli ndimwe alimwi abaswamashi bashiite pakati kanu mumashalane anu oonse atoosa. Mwebo ambabo mulyeelenebo pameenso angu nebo neMwaami Lesa.

Shakubelenga 15:16

Aboobo mwebo alimwi ambabo mulyeelete kukonkela milawo amilasho yeenka iyi.”

Shakubelenga 15:29

Anu mulawo weenka uyu ulaakunookumite kumuntu uli woonse wabisha cakuteshiba, mwine Isilaeli nabi muswamashi ushiite pakati kabo.

Joni 4:20

Bamashali besu bakalinga kulambila Lesa pakalundu aka, sombi mwebo nobaJuda mulaamba ayi nkotweelete kulambilila nkuJelusalemu kweenka.”

Dutolonomi 11:29

Mwaami Lesa aakumwinjisha mucishi ico ncemutooya mukwikalaamo, mukaambilishe coolwe paKalundu ka Gelisimu alyalo lishingo kuKalundu ka Ebali

Dutolonomi 31:12

Mukabunganye bantu boonse, nkokwaamba ayi basankwa, banakashi, baana alimwi abaswamashi mbomwikalaabo mumandabalaanu, ayi banyumfwe akwiiya kulemeka Mwaami Lesa, Lesa wanu alimwi akukonkela kabotu maswi oonse ali mumilawo iyi.

Dutolonomi 31:25

wakaambila bene Lefi bapailishi abo bakalinga kulanga paLibokoshi lya Cipangano ayi,

Dutolonomi 31:9

Mpeeke Mose wakalemba Milawo yakwe Lesa akupa bene Lefi bapailishi abo bakalinga kulanga paLibokoshi lya Cipangano ca Mwaami Lesa, alimwi akupa bamatanjilili boonse ba bene Isilaeli.

Joshuwa 23:2

wakeeta bene Isilaeli boonse, bamaloba babo, boomboloshi alimwi abacinenenene. Mpeeke wakabaambila ayi, “Nebo ndacembela, ee, shafula.

Joshuwa 24:1

Mpeeke Joshuwa wakabunganya mikowa yoonse ya bene Isilaeli kuShekemu. Wakeeta bamaloba, bamatanjilili, boomboloshi alimwi abacinenenene ba muIsilaeli. Lyalo bakesa beemikana kunembo lyakwe Lesa.

Joshuwa 3:14

Ono bantu ndibakapalangana pamisumba ayi basubuke Mulonga wa Joodani, bapailishi bakalinga kuyumwite Libokoshi lya Cipangano bakatanjila kunembo lyabo.

Joshuwa 3:3

kabaambila bantu ayi, “Na mubone bapailishi bene Lefi kabayumwite Libokoshi lya Cipangano lya Mwaami Lesa, Lesa wanu, amwebo munyamuke akubakonkela.

Joshuwa 3:6

Lyalo Joshuwa wakalwiita bapailishi ayi, “Amunyamune Libokoshi lya Cipangano mutanjile kunembo lya bantu.” Abalo bakalinyamuna akutanjila kweelana ambwaakabaambila.

Joshuwa 4:10

Bapailishi balo bakalinga kwiimfwibo pakati ka Mulonga wa Joodani kushikila shintu shoonse ndishakacitwa bweenka mbuli Mwaami Lesa mbwaakalwiita Joshuwa. Shakacitwa bweenka bwakaamba Mose kuli Joshuwa. Anu bantu bakafwambaana kusubuka.

Joshuwa 4:18

Ingayi bapailishi bashikebo petala kabayumwite Libokoshi lya Cipangano ca Mwaami Lesa, maanshi akatalika kukunka muMulonga wa Joodani akwisula bweenka mbuli kataanshi.

Joshuwa 6:6

Mpomunyaawo Joshuwa mwanaakwe Nani wakeeta bapailishi akubaambila ayi, “Amunyamune Libokoshi lya Cipangano, ono bamwi bali bosanwe abobilo baye kunembo lya ndilyo womwi awomwi kaacite lupeenga.”