Joshuwa 8:31 - Baibo Busansulushi Bwa Libuku Ili

³¹ Wakaciyaka kweelana amilasho iyo Mose musebenshi wa Mwaami Lesa njaakapa bene Isilaeli. Nkokwaamba ayi bweenka mbomulembetwe mulibuku lya Milawo lyakalemba Mose ayi, “Cipaililo cakayakwa amabwe atakwe kubeswa kushisebensesho sha ceela.” Pali ncico, bakabengelawo milambu yakutenta mukulemeka Mwaami Lesa, pantu pomwi amilambu ya bwanabwankashi.

Joshuwa 8:31 ပူးပေါင်းရင်းမြစ်များ

2 Baami 14:6

Nakubi boobo bana babo taakwe kubacaya mukukonkela bwaamba Milawo yakwe Mose ayi, “Bamashali teshi bakacaikwe ceebo ca shibiibi sha bana babo, abalo bana babo teshi bakacaikwe ceebo ca shibiibi sha bamashali babo. Muntu womwi awomwi ulaakucaikwa ceebo cakubisha kwakwe mwiine.”

2 Baami 22:8

Mpeeke Ilikiya mupailishi munene wakalwiita Shafani mulembi ayi, “Ndacana Libuku lya Milawo muŊanda yakwe Lesa.” Mpomunyaawo Ilikiya wakapa Shafani libuku ilyo, lyalo shafani wakalibelenga.

2 Makani 25:4

Nakubi boobo bana babo taakwe kubacaya mukukonkela bwaamba Milawo yakwe Mose ayi, “Bamashali teshi bakacaikwe ceebo ca shibiibi sha bana babo, abalo bana babo teshi bakacaikwe ceebo ca shibiibi sha bamashali babo. Muntu womwi awomwi ulaakucaikwa ceebo cakubisha kwakwe mwiine.”

2 Makani 35:12

Lyalo bakabaanya shifubwa sha milambu yakutenta kubantu kweelana abamumaandaabo kwaamba ayi bashibeenge kweelana amilasho amilawo yakwe Mose.

Esila 6:18

Bakabika bapailishi abene Lefi mushipansha shabo kwaamba ayi bakanoosebensela Lesa muŊanda yakwe kuJelusalemu kweelana ambocilembetwe mulibuku lyakwe Mose.

Neyemiya 13:1

Pabushiku ubo Milawo yakwe Mose ndiyakalinga kubelengwa kubantu cakoolobesha, bakashika pamakani akalembwa ayi taaku mwine Amoni nabi mwine Moabu weshi akasuminishikwe kwinjila mulikoto lya bantu bakwe Lesa.

Kulonga 18:12

Lyalo Jetulo wakaleta mulambu wakutenta amilambubo imwi akubenga kuli Lesa. Mpomunyaawo Aloni alimwi abamatanjilili boonse bene Isilaeli bakayaakwe mukulya nyama iyo yakapekwa kuli Lesa ayi bamulambile.

Kulonga 24:5

Kuswawaawo Mose wakatuma basankwa bacikula bwangu ayi babengele Mwaami Lesa milambu yakutenta, alimwi akubenga bacende ayi babe milambu ya bwanabwankashi.

Mateyo 12:26

Ono na Satana wakusha Satananyina, nkokwaamba ayi Satana walibukila, ino buleelo bwakwe inga bwayuma buyani?

Dutolonomi 27:2

Na mukasubuke Mulonga wa Joodani akushika mucishi ico Mwaami Lesa, Lesa wanu ncaatoomupa, mukeemike mabwe aneneanene akwaamata.

Dutolonomi 27:8

Pamabwe ayo eenka ngweshi mukeemike, mukalembewo maswi a milawo yoonse yakwe Lesa cakwaamba ayi akanoobonekesha.”

Joshuwa 1:8

Utakalubiiko kunoobelenga Libuku lya Milawo lyoonse pakunoolambila. Ukanokwiiyaamo malumwi amashiku akulabilila kukonkela shoonse shilembetweemo. Na ukacite boobo, ulaakuba acoolwe alimwi ulaakuswitilila.