Joshuwa 7:26 - Baibo Busansulushi Bwa Libuku Ili

²⁶ Ingayi pali Akani, bakalundikawo mabwe aanji abuumbi, ayo aciliiwo abobulya. Nceceeco musena uyu ncewiitilwa ayi Cinyika ca Akoli nkokwaamba ayi Cinyika ca Mapensho. Kuswawaawo bukali bwa Mwaami Lesa bwakamana.

Joshuwa 7:26 ပူးပေါင်းရင်းမြစ်များ

2 Samwelo 18:17

Kuswawaawo bakabwesa Abusalomu akumukulukisha mucilindi cilaamfu mumusaansa umo akupanga mulwi unene abuumbi wa mabwe pali nguwe. Paciindi ico bashilumamba bakwe Abusalomu bakacica akuya kumaandaabo.

2 Samwelo 21:14

Mpeeke bakabika mafuwa akwe Saulo aJonasani mwanaakwe mucuumbwe cakwe Kishi ishi Saulo mundabala ya Sela mucishi ca bene Benjameni. Bakacita shoonse mwaami nshaakaamba, lyalo Mwaami Lesa wakakumbula mipailo njebakalinga kupailila cishi cabo.

2 Makani 29:10

“Ono bulya ndayeeya kupanga cipangano aMwaami Lesa, Lesa wa bene Isilaeli kwaamba ayi bukali bwakwe buyoosha bumane pali ndiswe.

Esila 10:14

Bacinenenene besu abatwiimikanineeko. Kuswawaawo muntu uli woonse ukala mundabala yesu uyo weebete muswamashi akese paciindi cibambitwe, pantu pomwi abamaloba alimwi aboomboloshi ba mundabala yomwi ayomwi, tibili bukali buyoosha bwa Lesa wesu pacikani ici bukamane.”

Kulumbaisha 85:4

NobaLesa Bapulushi besu, amutubooshele bwikaalo bwesu butaanshi. Bukali bwanu pali ndiswe abumane.

Kulonga 32:12

Ceebonshi mulisuni bene Ijipiti baambe ayi, ‘Wakakusha bantu bakwe kuswa mucishi ca Ijipiti kwaamba ayi abacailebo limwi mutulundu akubanyonyoola cakumaninina.’ Mutakalali, amupilule miyeeyo yanu, mutaleti makatasho pabantu banu.

Isaya 40:2

Amuyumyeyumye bantu bangu. Mubaambile ayi bapenga paboneka. Ono shibiibi shabo shalekelelwa. Ncakwiila ndakabapa mulandu kweelana ashibiibi shabo shoonse.”

Isaya 65:10

Cinyika ca Shaloni cilaakuba mafulo a mbelele, acalo cinyika ca Akoli cilaakuba mulela wa ŋombe, ee, kuba misena ya shifubwa sha bantu bangu abo banambila.

Malilo 3:53

Bantu aba bakangwaala mucilindi kaanciyoya akungwaala mabwe ayi mfwite mumo.

Osiya 2:15

Lyalo uko ndaakubabooshesha myuunda yabo ya minyansa alimwi ndaakulengesha Cinyika ca Ako kuba mulyango wakulangila. Muluyanga umo balaakutalika kunkonkela bweenka mbobakalinga kucita kale kale, ee, ndibakaswabo mucishi ca Ijipiti.

Osiya 2:17

Ndaakukusha liina lya Baali mumilomo yabo. Teshi bakasebenseshewo tubili meena abo pakupaila.

Jowelo 2:13

Amukwamoone myoyo yanu kutondesha buumba kuteshi kukwamoona shakufwala shanu. Amuboole kuMwaami Lesa, Lesa wanu. Lakwe ngushiluse alimwi ngushinkumbu. Taakalali bwaangu alimwi ngushilusuno. Ulisunishi kulekelela kwiinda kupa mulandu.

Jowelo 2:18

Ono Mwaami Lesa ulaakubika maano kucishi cakwe. Ncakwiila ulaakunyumfwila nkumbu bantu bakwe.

Jona 1:15

Lyalo bakabwesa Jona akumuwaala mulweenge, Kuswawaawo kwakaboolabo tontolo.

Sekaliya 6:8

Mpomunyaawo munjelo uyo wakoolobesha kuli ndime ayi, “Maaki ayo akaya kumatwa kuBabiloni aya mukutontosha bukali bwa Mwaami Lesa.”

Shakubelenga 25:8

akukonkela musankwa amwanakashi mumusumba alimwi akubayasa lisumo boonse bobilo. Munshila iyi mwaalu woonse wakalinga pabene Isilaeli wakamana.

Dutolonomi 13:17

Ono mutakeeleshi kubwesa cintu nabi comwi pasheesho shakaambwa ayi shilyeelete kunyonyoolwa. Lyalo Mwaami Lesa ndyeshi akamulekelele akumunyumfwila nkumbu. Ulaakumunyumfwila nkumbu akumulengesha ayi mukafuule abuumbi, kweelana ambwaakalasha bamashali banu bakulukulu,

Dutolonomi 13:18

kulilabo na mukanookonkela milawo yakwe yoonse iyo njendamulwiita sunu alimwi akucita nshaasuni.

Joshuwa 10:27

Lyalo macolesha Joshuwa wakaambila bantu ayi bakushe mituntu iyo kushisamu akwiiwaala mucimfwengo ceenka ncebakalinga bayubaamo. Pamulyango wa ncico, bakabikawo mabwe anene anene ayo aciliiwo asunu.

Joshuwa 7:24

Lyalo Joshuwa alimwi abene Isilaeli boonse bakacata Akani mwanaakwe Sela, akubwesa silifa, cakufwala ca peculu, cipimpita ca golodi, bana bakwe basankwa abanakashi, ŋombe shakwe, mbongolo, mbelele, tente yakwe alimwi ashintu shimwi shoonse nshaakalinga kucite. Mpeeke bakatola Akani abamuŋanda yakwe alimwi ashintu isho shoonse kuCinyika ca Akoli.

Joshuwa 8:29

Kuswawaawo Joshuwa wakaanjika mwaami wa Ai pacisamu akumulekelaawo kushikila macolesha. Mpeeke ndilyakepila, wakaambila bamwi ayi baye bookusheewo mutuntu akuuwaala pamwinjililo wa ndabala inene iyo. Mpeeke bakoolundika mulwi wa mabwe. Mulwi uyo mpoocili asunu.