Joshuwa 6:7 - Baibo Busansulushi Bwa Libuku Ili

⁷ Kuswawaawo Joshuwa wakaambila bantu ayi, “Amutalike kushinguluka ndabala inene iyi. Ono bashilumamba bamwi batanjile kunembo lya Libokoshi lya Cipangano ca Mwaami Lesa.”

Joshuwa 6:7 ပူးပေါင်းရင်းမြစ်များ

Joshuwa 1:14

Ono bamakaanu abana banu mbweshi bakacaale pantu pomwi ashifubwa shanu, mucishi ico kwicwe lya Joodani nkwaakamupa Mose. Sombi bashilumamba banu balyeelete kunoolibambite kulwana. Balyeelete kutanjila akusubuka ayi bacafwe bene Isilaelinyinaabo,

Joshuwa 4:13

Bantu bali mpashi 40,000 bakasubuka mulonga pameenso a Mwaami Lesa kabalibambite kulwana akuya kushinyika sha ndabala ya Jeliko.

Joshuwa 6:3

Ono webo alimwi abashilumamba bako mulyeelete kushinguluka ndabala inene iyi linkanda lyomwi pabushiku, kwanshiku shosanwe abomwi.

Joshuwa 6:6

Mpomunyaawo Joshuwa mwanaakwe Nani wakeeta bapailishi akubaambila ayi, “Amunyamune Libokoshi lya Cipangano, ono bamwi bali bosanwe abobilo baye kunembo lya ndilyo womwi awomwi kaacite lupeenga.”

Joshuwa 6:8

Lyalo Joshuwa ndyaakamana kwaambila bantu, bapailishi bosanwe abobilo bakalinga kucite mapeenga ali osanwe aobilo kunembo lya Mwaami Lesa, bakatanjila kabaya caalisha kunembo lya Libokoshi lya Cipangano ca Mwaami Lesa.