Joshuwa 6:26 - Baibo Busansulushi Bwa Libuku Ili

²⁶ Paciindi ico Joshuwa wakabakonkomesha akubacenjesha ayi, “Uyo woonse eshi akeeleshe kuyaka ndabala inene ya Jeliko alimwi, Mwaami Lesa ulaakumushingana. Uyo woonse eshi akakabe lwiimbi, ulaakufwitwa mwaana wakwiiya musankwa. Uyo woonse eshi akayake minjililo, ulaakufwitwa shikeela musankwa.”

Joshuwa 6:26 ပူးပေါင်းရင်းမြစ်များ

1 Baami 16:34

Muciindi ico ndyaakalinga kulela, Iyelo uyo wakaswa kuBetelo wakayakulula ndabala ya Jeliko. Ono kweelana abwakaamba Mwaami Lesa kwiinda muli Joshuwa mwanaakwe Nani, Iyelo ndyaakayaka lwiimbi lwa Jeliko, Abilamu mwanaakwe musankwa wakwiiya wakacaikwa, apalo pakumanishabo kuyaka minjililo, Segubu mwanaakwe musankwa shikeela wakacaikwa.

1 Baami 22:16

Sombi Aabu wakaamba ayi, “Na utoondwiita cikani muliina lya Mwaami Lesa, amba calushinisho! Ulisuni nkaambe mankanda ongaye pacikani ici?”

2 Baami 2:4

Lyalo Elija wakaambila Elisha ayi, “Ono kala pano, Mwaami Lesa wandwiita ayi nebo nje kuJeliko.” Sombi Elisha wakakumbula ayi, “Bweenka mbocibete lushinisho ayi Mwaami Lesa ngumuumi, amwebo mbomuli boomi, mbweeke ubo anebo teshi mpansaaneewo amwebo.” Aboobo bakaya boonse kuJeliko.

Malaki 1:4

Ono bamulunyungu lwakwe Esau, bene Edomu, inga baamba ayi, “Nacibi kwaamba ayi mandabala esu anyonyoolwa, tulaakwaayaka alimwi.” Sombi Mwaami Lesa Shinkusu shoonse ulaakwaamba ayi, “Nabi bakayake, nebo ndaakwaanyonyoola. Cishi cabo cilaakunokwiitwa ayi, ‘Cishi cabubi’, alimwi balaakuba ‘mushobo uyo Lesa ngweshi akape mulandu wamuyayaya.’ ”

Mateyo 26:63

Sombi Jesu wakoomunabo tontolo. Mupailishi munene wakeepusha Jesu alimwi ayi, “Ntookwaambila muliina lyakwe Lesa muumi ayi, ulumbile na ndiwe Usalitwe wakwe Lesa ulya, Mwanaakwe Lesa.”

Milimo ya Batumwi 19:13

Ono baJuda bamwi bakalinga kweendeenda kabaya bukusha bashikaswa, abalo bakeelesha kusebensesha liina lya Mwaami Jesu pakucita mulimo wabo. Bakalinga kwaamba ayi, “Ndamwaambila muliina lyakwe Jesu uyo ngwaashimikila Paulo ayi muswe!”

Joshuwa 16:7

Lyalo kuswa kuJanowa, yakakunkulukila kuAtaloti alimwi akuNaala akuya mukucinka muJeliko akweela muMulonga wa Joodani.