Joshuwa 6:24 - Baibo Busansulushi Bwa Libuku Ili

²⁴ Lyalo bakatenta ndabala inene iyo yoonse alimwi ashintu shoonse shakalingaamo, kukushakobo shintu sha silifa, golodi, bulonse alimwi asha nshimbi isho nshebakabika munkomwe ya buboni bwa Mwaami Lesa.

Joshuwa 6:24 ပူးပေါင်းရင်းမြစ်များ

2 Samwelo 10:5

Basankwa abo bakalinga kuloonda kuboola kumishaabo mukwiinga bakalinga kufwite nsoni abuumbi. Defedi ndyaakanyumfwa, wakatuma beshinkombe ayi baye babakumanye akubalwiita ayi bekale muJeliko kushikila ndesu shikakule.

2 Baami 25:9

Mpeeke wakatenta Ŋanda yakwe Lesa, ŋanda ya bwaami alimwi amaanda oonse a bacinenenene muJelusalemu.

1 Makani 18:11

Shintu isho Defedi wakashibika palubasu ayi nshakusebensesha pakulambila, pantu pomwi asilifa alimwi agolodi ngwaakabwesa kuswa kumishobo imwi iyo njaakakoma. Nkokwaamba ayi ngooyo wakaswa kubene Edomu, bene Moabu, bene Amoni, bene Filisiti alimwi abene Amaleki.

Shakubelenga 31:10

Bakatenta mandabalaabo oonse alimwi amisumba.

Dutolonomi 13:16

Kuswawaawo mukabunjike shintu sha bantu ba mundabala umo pamusena ucanika bantu baanji. Lyalo ndabala mukeeteente alimwi ashintu shoonse shiliimo ayi ncipo kuMwaami Lesa. Ndabala iyo ilyeelete kunyonyookelabo limwi, tayeelete kuyakululwa alimwi, sobwe.

Dutolonomi 13:17

Ono mutakeeleshi kubwesa cintu nabi comwi pasheesho shakaambwa ayi shilyeelete kunyonyoolwa. Lyalo Mwaami Lesa ndyeshi akamulekelele akumunyumfwila nkumbu. Ulaakumunyumfwila nkumbu akumulengesha ayi mukafuule abuumbi, kweelana ambwaakalasha bamashali banu bakulukulu,

Dutolonomi 20:16

“Sombi mumandabala oonse a mishobo iyo ili mucishi ico Mwaami Lesa, Lesa wanu ncaatoomupa, mukanyonyoole bantu boonse.

Joshuwa 11:11

Bantu boonse bakalinga kwikala mundabala inene iyo bakacaikwa kumipeeni. Taaku muntu nabi womwi wakapuluka. Ndabala ayalo bakeetenta.

Joshuwa 6:19

Anu shintu shoonse sha silifa, golodi, bulonse nabi sha nshimbi shabikwa palubasu ayi nsha Mwaami Lesa. Aboobo shilyeelete kubikwa kunkomwe ya buboni bwa Mwaami Lesa.”

Joshuwa 6:25

Sombi Joshuwa wakapulusha mwanakashi mufuule Laabu alimwi abamakwabo boonse, ceebo wakashisa beshikusensa abo mbwaakalinga watuma kuJeliko. Bamulunyungu lwakwe Laabu, bacili mucishi ca Isilaeli abobulya.

Joshuwa 8:28

Ncakwiila Joshuwa wakatenta ndabala ya Ai akwiilobya, kweelana ambuli mbweebete asunu.

Ciyubululo 17:16

Meeca ali likumi ngowalinga wabona alimwi amunyama uyo balaakupata mwanakashi mufuule uyo. Balaakubwesa shoonse nshaacite akumufuula akacaalebo matakosha alimwi balaakulyako mubili wakwe akumutenta mumulilo.

Ciyubululo 18:8

Paceebo ceeco, mubushiku bomwibo, ulaakupolelwa myaalu iyi, malwashi, buumba alimwi ansala. Ulaakutentwa mumulilo mukwiinga Mwaami Lesa umoombolosha ulicite nkusu shiinji.”