Joshuwa 6:19 - Baibo Busansulushi Bwa Libuku Ili

¹⁹ Anu shintu shoonse sha silifa, golodi, bulonse nabi sha nshimbi shabikwa palubasu ayi nsha Mwaami Lesa. Aboobo shilyeelete kubikwa kunkomwe ya buboni bwa Mwaami Lesa.”

Joshuwa 6:19 ပူးပေါင်းရင်းမြစ်များ

2 Samwelo 8:11

Shintu isho Defedi wakashibika palubasu ayi nshakusebensesha pakulambila, pantu pomwi asilifa alimwi agolodi ngwaakabwesa kuswa kumishobo imwi iyo njaakakoma.

1 Baami 14:26

Wakabwesa shintu shamakwebo shoonse sha muŊanda yakwe Lesa alimwi amuŋanda ya mwaami, pantu pomwi amayawo a golodi ayo Solomoni ngaakapanga.

1 Baami 7:51

Mpeeke mwaami Solomoni ndyaakamanisha ncito yakuyaka Ŋanda yakwe Lesa yoonse, wakaleta shintu shoonse isho Defedi ishi nshaakabenga kuli Lesa. Wakashibika mucipinda cakusungilaamo shintu. Pakalinga golodi, silifa ashimwi shiinji.

2 Baami 24:13

Nebukadinesa wakabwesa abuboni boonse bwa muŊanda yakwe Lesa kubikaawo abwa muŋanda ya bwaami akubutola kuBabiloni. Nebukadinesa wakapwaya shisebensesho sha golodi sha muŊanda yakwe Lesa isho mwaami Solomoni nshaakapanga, bweenka bwakaamba Mwaami Lesa.

1 Makani 18:11

Shintu isho Defedi wakashibika palubasu ayi nshakusebensesha pakulambila, pantu pomwi asilifa alimwi agolodi ngwaakabwesa kuswa kumishobo imwi iyo njaakakoma. Nkokwaamba ayi ngooyo wakaswa kubene Edomu, bene Moabu, bene Amoni, bene Filisiti alimwi abene Amaleki.

1 Makani 26:20

Bene Lefinyinaabo bamwi bakalinga kulama ŋanda yakusungilamo buboni muŊanda yakwe Lesa akulama maanda akusungilamo shintu shimwi isho shakalinga kubengwa kuli Lesa.

1 Makani 26:26

Shelomiti abeshikamukowa wakwe boonse bakalinga kulama maanda akusungilamo shintu shoonse shakabengwa kuli Lesa. Shintu isho shakabengwa amwaami Defedi, bamatanjilili ba bamumaanda abo bakalinga bamatanjilili ba bantu bali cuulu aba bali mwaanda alimwi abamatanjilili bamwi ba bashilumamba.

1 Makani 26:27

Bakabwesa shintu nshebakasaala munkondo akushibenga kuli Lesa ayi shikasebenseshekwe muŊanda yakwe Lesa.

1 Makani 26:28

Lakwe Shelomiti abamulunyungu lwakwe bakalinga kulama shintu shoonse isho shakabengwa kubikwaawo ashipo isho shakaleta mulaluki Samwelo, mwaami Saulo mwanaakwe Kishi, Abina mwanaakwe Neli alimwi aJoabu mwanaakwe Seluiya.

1 Makani 28:12

Wakamupa amiyeeyo yoonse njaakalinga kucite bwakupanga mansa sha Ŋanda yakwe Lesa alimwi aya maanda ashingulukite imansa isho, ŋanda yakusungilamo shisebensesho sha muŊanda yakwe Lesa ayakusungilamo shipo shakabengwa kuMwaami Lesa.

2 Makani 15:18

Wakabika shintu shoonse baishi nshebakabenga kuli Lesa ayi shilisalalite muŊanda yakwe Lesa. Wakabikaamo ashintu sha golodi asilifa isho nshaakabenga lakwe mwiine kuli Lesa.

2 Makani 31:12

Bakalinga kuleta shipo shabo, shalikumi ashipo shakabengwa kuMwaami Lesa. Konaniya mwine Lefi ngowakalinga kweendelesha mulimo wakulama shintu isho, mukwabo Shimeyi ngowakalinga wabili kuli nguwe pancito iyo.

Neyemiya 10:38

Alakwe mupailishi wa mulunyungu lwakwe Aloni ulyeelete kushindikila bene Lefi ciindi banoopekwa shalikumi. Abalo bene Lefi balyeelete kuleta calikumi ca shalikumi kuŊanda yakwe Lesa akucibika muŋanda yakusungilamo shintu.

Jelemiya 38:11

Aboobo Ebedimeleki wakanyamuna bantu abo akuyaabo kucipinda cakalinga kunshi lya ŋanda yakusungilamo buboni kuŋanda ya bwaami. Lyalo wakabwesa shisani shikulukulu shifwitefwite akushiwaala kuli ndime mumukalo kashaangitwe kuntambo.

Bene Lefi 19:24

Mumwaaka wane, shisepo shoonse shilaakupekwa ayi ncipo cakulumbaisha ndime neMwaami Lesa.

Mika 4:13

Mwaami Lesa waamba ayi, “Nobene Siyoni, amunyamuke akutalika kunyonyoola balwani banu! Ndaakumulengesha kuba ankusu anga ngumucende ucite meeca anshimbi ashoondo sha bulonse. Mulaakupwayoola mishobo ya bantu iinji. Bubile boonse mbobakasaala munkondo, mulaakububenga mumaansaangu, ee, mumaansaangu nebo neMwaami Lesa wa cishi ca panshi coonse.”

Shakubelenga 31:11

Bakabwesa ashintu shoonse nshebakasaala, kubikaawo abantu mbobakacata alimwi ashifubwa,

Shakubelenga 31:12

akutola kuli Mose aEliyasa mupailishi alimwi abene Isilaeli boonse abo bakalinga kumisumba, mucinyika ca Moabu kwitala lya Joodani na kamuli muJeliko.

Shakubelenga 31:22

Golodi, silifa, bulonse, nshimbi, ceela, muntomfwe

Mateyo 27:6

Sombi bamatanjilili ba bapailishi bakabwesa maali alya akwaamba ayi, “Mulawo wesu ulakasha kwaabika motubika maali muno muŊanda yakwe Lesa ceebo ngamaali a bulowa.”

Maako 12:41

Jesu ndyaakekala pafwaafwi amoomo bantu mobabika shipo muŊanda yakwe Lesa, wakalinga kulangilishabo bantu mbobakalinga kubika maali mucakubikaamo ca mumo. Bantu baanji babile bakalinga kubikamo maali aanji.

Joshuwa 7:11

Bene Isilaeli bakabisha. Bapwaya cipangano ncendakapanga ambabo akubalwiita ayi bacilaame. Bakabwesa shintu shimwi shakalinga kweelete kunyonyoolwa. Aboobo bakeepa, bakabeca, alimwi bakashisa shintu isho pashintu shabo.