Joshuwa 6:18 - Baibo Busansulushi Bwa Libuku Ili

¹⁸ Sombi tamweelete kubwesa cintu nabi comwi ico ceelete kunyonyoolwa. Na mucite boobo, ingayi mwaleta mapensho alimwi abunyonyooshi mumisumba yanu nobene Isilaeli.

Joshuwa 6:18 ပူးပေါင်းရင်းမြစ်များ

2 Samwelo 21:1

Muciindi ca bwaami bwakwe Defedi kwakaba nsala iyo yakatola myaaka yotatwe. Mpeeke Defedi wakeepusha Mwaami Lesa pacikani ico. Mwaami Lesa wakaamba ayi, “Nceebo cakwe Saulo alimwi abamuŋanda yakwe bacite mulandu wakutila bulowa. Saulo wakacaya bene Gibyoni.”

Shikushimikila 9:18

Busongo mbubotu kwiinda shakulwanisha sombi mucita shibi womwi ulanyonyoola shintu shibotu shiinji.

Jona 1:12

Mpeeke Jona wakabakumbula ayi, “Amumbweese mungwaale mulweenge, lyalo kutooboolabo tontolo. Ndishi ayi ndime ndalengesha ayi mapensho aya amucitikile.”

Bene Loma 12:9

Mulyeelete kuba alusuno lwalushinisho. Amupate bubi akusunisha kucita shintu shibotu.

2 Bene Kolinto 6:17

Aboobo Lesa wakaamba ayi, “Amuswe pakati ka bakunsengwe, mwikale amwebo nweenka. Mutacati cintu citasalalite, lyalo ndaakumutambula.

Bene Efeso 5:11

Mutabiko lubasu kushintu shitacite ncito sha mumunshinshe isho shicita bantu bamwi. Sombi mwebo mulyeelete kushileta kumumuni.

Dutolonomi 13:17

Ono mutakeeleshi kubwesa cintu nabi comwi pasheesho shakaambwa ayi shilyeelete kunyonyoolwa. Lyalo Mwaami Lesa ndyeshi akamulekelele akumunyumfwila nkumbu. Ulaakumunyumfwila nkumbu akumulengesha ayi mukafuule abuumbi, kweelana ambwaakalasha bamashali banu bakulukulu,

Dutolonomi 23:10

Na muntu walilengesha kutanoosalalite ceebo walota kukumana amwanakashi, ono waliwaalila, ulyeelete kuswa pansengwe lya misumba akunooshiite kweenka uko.

Dutolonomi 7:26

Kutaleta cibumbwabumbwa nabi comwi muŋanda yanu mukwiinga lishingo lyeenka lili pali nshisho inga lyaba apali ndimwe. Mulyeelete kushipata akushisebaanya mukwiinga Mwaami Lesa wakashishingana.

Jemusi 1:27

Kupaila kwiine kwiine kutacite kampenda pameenso akwe Lesa Ishiwesu, nkwakulama bana banshiwa abamukalubinje banakashi mumapensho abo. Peculu lya waawo, nkuloonda shibiibi sha mucishi ca panshi ayi inga shamubisha.

Joshuwa 7:1

Nacibi boobo bene Isilaeli tabakwe kunyumfwila Mwaami Lesa ndyaakabaambila ayi tabeelete kubwesa cintu nabi comwi mundabala inene ya Jeliko ico ceelete kunyonyoolwa. Akani mwanaakwe Kami, mwishikulu wakwe Sabudi, mucipani cakwe Sela mumukowa wakwe Juda, wakabwesa shintu shimwi. Aboobo Mwaami Lesa wakakalalila bene Isilaeli.

Joshuwa 7:13

“Nyamuka, koya ubasalashe bantu. Ubalwiite ayi bakalibambile kwisa kunembo lyangu ciilo. Nebo neMwaami Lesa, Lesa wa bene Isilaeli ndisuni kubalwiita ayi, ‘Nobene Isilaeli pakati kanu pali shintu sheelete kunyonyoolwa. Aboobo inga tamulwaniiwo akukoma balwani banu na mubule kushikusha pakati kanu.

Joshuwa 7:15

Lakwe uyo weshi akacatilwe shintu sheelete kunyonyoolwa, ulaakutentwa pantu pomwi abamuŋanda yakwe alimwi ashintu shakwe shoonse. Muntu uyo wakapwaya cipangano cangu neMwaami Lesa akucita cintu cilensha nsoni pakati ka bene Isilaeli.’ ”

Joshuwa 7:25

Joshuwa wakaamba ayi, “Nciinshi ncewaletela mapensho aya pali ndiswe? Mwaami Lesa bulya utooleta mapensho pali ndiwe!” Mpomunyaawo bene Isilaeli boonse bakacaya Akani kumabwe. Lyalo ndibakamana kucaya bamuŋanda yakwe boonse kumabwe, bakabatentela pantu pomwi ashintu shakwe shoonse.

1 Joni 5:21

Nobana bangu, amulilame kabotu, mutanoolambila shibumbwabumbwa!

1 Samwelo 15:9

Ono Saulo abashilumamba bakwe tabakwe kucaya Agagi, nabi mbelele aŋombe shibotu, boombe abana ba mbelele beenite. Nkokwaamba ayi shintu shoonse shakalinga shibotu tabakwe kushinyonyoola. Sombi shoonse shatakalinga kuboneka kabotu, bakashinyonyoola.