Joshuwa 3:15 - Baibo Busansulushi Bwa Libuku Ili

¹⁵ Mulonga wa Joodani ulesula abuumbi ciindi cakutebula coonse. Nacibi boobo, bapailishi bakalinga kuyumwite Libokoshi lya Cipangano ndibakalyatabo maanshi,

Joshuwa 3:15 ပူးပေါင်းရင်းမြစ်များ

2 Baami 2:6

Lyalo Elija wakaambila Elisha ayi “Ono kala pano, Mwaami Lesa wandwiita ayi nebo nje kuMulonga wa Joodani.” Sombi Elisha wakakumbula alimwi ayi, “Bweenka mbocibete lushinisho ayi Mwaami Lesa ngumuumi, amwebo mbomuli boomi, mbweeke ubo anebo teshi mpansaaneewo amwebo.” Aboobo bakatolelela palweendo ulo boonse.

1 Makani 12:15

Bashilumamba aba mbobakasubuka Mulonga wa Joodani mumweenshi utaanshi mumwaaka, mulonga uyo ndyeusula. Bakaya mukupalanganya bantu bakalinga kwikala mushinyika shoonse kwicwe akumbo.

1 Makani 12:16

Bene Benjameni bamwi pantu pomwi abene Juda bamwi bakaya kuli Defedi mulilinga lyakwe lya mabwe.

Isaya 26:6

Ono myeendo yeenka ya baabo mbobakalinga kulyatilila, njeitokwiindaawo, ncakwiila myeendo ya bakandu njeitoolyatoolaawo.

Jelemiya 12:5

Lyalo Mwaami Lesa wakakumbula ayi, “Jelemiya na wakacica abantu beshimyeendo, bamana bakushiya, ino inga wacica buyani amaaki? Na wakalisuntula patubabo tu, ino inga wacikonsha buyani kweenda mumasaka a kuJoodani?

Jelemiya 49:19

“Bweenka mbuli nkalamu itooswa mumasaka a kuJoodani akuya kumafulo abotu, mbweshi nkatandaanye abene Edomu kuswa kucishi cabo cakufwambaana. Lyalo mutanjilili uyo ngweshi nkasaale, ulaakweendelesha mushobo uyo. Ino ngani weelene andime uyo ukonsha kumpikisha? Anu ngumweembeshinshi uyo ukonsha kwiimikana kunembo lyangu?

Naamu 1:4

Ulakalalila lweenge alwalo lulayuma, ee, ulalengesha milonga yoonse kuyuma. Myuunda ya kuBashani aya kuKamelo ilayuma aalo maluba a kuLebanoni alanyana.

Joshuwa 3:13

Na bapailishi beshikunyamuna Libokoshi lya Cipangano ca Mwaami Lesa wa cishi ca panshi coonse balyate muMulonga wa Joodani, maanshi atoocileka kukunka. Mpeeke atoosa bukunka atoolundanabo lubasu lomwi.”

Joshuwa 4:18

Ingayi bapailishi bashikebo petala kabayumwite Libokoshi lya Cipangano ca Mwaami Lesa, maanshi akatalika kukunka muMulonga wa Joodani akwisula bweenka mbuli kataanshi.