Joshuwa 3:11 - Baibo Busansulushi Bwa Libuku Ili

¹¹ Amubone Libokoshi lya Cipangano lya Mwaami Lesa wa cishi ca panshi coonse litootaanguna kwinjila muMulonga wa Joodani.

Joshuwa 3:11 ပူးပေါင်းရင်းမြစ်များ

1 Makani 29:11

Nkusu, bulemu, bwaami abubotu, nshanu noBaami baLesa mukwiinga shintu shoonse shili kwiculu apacishi ca panshi nshanu. Ncakwiila bwaami mbwanu alimwi ndimwe mweendelesha shintu shoonse.

Jobo 41:11

Ngani ngondakabwesela cintu utoonsesa ayi mupilushishe? Shintu shoonse shili pacishi ca panshi nshaangu.

Kulumbaisha 24:1

Cishi ca panshi ashoonse shiliimo nsha Mwaami Lesa. Nkokwaamba ayi cishi pantu pomwi abantu boonse bekaalaamo mbaakwe.

Kulumbaisha 97:5

Tulundu tulasunguluka anga mbukato kunembo lya Mwaami Lesa, ee, kunembo lya Muleli wa cishi coonse ca panshi.

Isaya 3:12

Banike mbobatoolyatilila bantu bangu, banakashi mbobatoobalela. Nobantu bangu, bamatanjilili banu bamulubya. Ncakwiila bamupambusha munshila iluleme.

Isaya 54:5

Mukwiinga uyo wakakulenga ulaakuba anga ngoibayo. Ee, Mwaami Lesa Shinkusu shoonse Usalalite wa bene Isilaeli alimwi Mupulushi wako. Lakwe ngoLesa wa cishi ca panshi coonse.

Jelemiya 10:7

Anu ngani uteelete kumulemeka, mwebo noBaami ba mishobo yoonse? Ndushinisho bulemu bulyeelete ndimwe. Pabasongo boonse bamumishobo amumalelo abo oonse, taaku ngomweelenaakwe.

Mika 4:13

Mwaami Lesa waamba ayi, “Nobene Siyoni, amunyamuke akutalika kunyonyoola balwani banu! Ndaakumulengesha kuba ankusu anga ngumucende ucite meeca anshimbi ashoondo sha bulonse. Mulaakupwayoola mishobo ya bantu iinji. Bubile boonse mbobakasaala munkondo, mulaakububenga mumaansaangu, ee, mumaansaangu nebo neMwaami Lesa wa cishi ca panshi coonse.”

Sefaniya 2:11

Mwaami Lesa ulaakubaloondesha ndyeshi akanyonyoole balesa boonse ba mucishi ca panshi. Bantu bamumishobo yoonse balaakumulambila, mushobo womwi awomwi mucishi ca nguwo.

Sekaliya 14:9

Lyalo Mwaami Lesa ulaakuba mwaami wa cishi coonse ca panshi. Pabushiku ubo kulaakuba Mwaami Lesa womwibo ndondoli. Nkokwaamba ayi bantu boonse balaakulambilabo liina lyakwe lyeenka.

Sekaliya 4:14

Mpeeke wakaamba ayi, “Aba mbobantu bobilo abo Mwaami Lesa wa cishi ca panshi coonse mbwaakasala akunanika mafuta ayi bakanoomusebensela.”

Sekaliya 6:5

Alakwe wakankumbula ayi, “Uyu njimyuuwo yone yaswa kunembo lya Mwaami Lesa wa cishi coonse ca panshi.”

Dutolonomi 9:3

Ono sunu nobeene mutoobona Mwaami Lesa, Lesa wanu utoomutanjilila abukali buli anga ngumulilo utoobilima. Unanooya cibakoma kunembo lyanu mwaakunooya, kwaamba ayi mukabatandeemo akubanyonyoola cakufwambaana mbuli mbwaakashomesha.

Joshuwa 3:13

Na bapailishi beshikunyamuna Libokoshi lya Cipangano ca Mwaami Lesa wa cishi ca panshi coonse balyate muMulonga wa Joodani, maanshi atoocileka kukunka. Mpeeke atoosa bukunka atoolundanabo lubasu lomwi.”