Joshuwa 24:25 - Baibo Busansulushi Bwa Libuku Ili

²⁵ Munshila iyo Joshuwa wakapanga cipangano kubantu abo pabushiku ubo alimwi kuShekemu kweenka uko wakabapa milawo amilasho yakukonkela.

Joshuwa 24:25 ပူးပေါင်းရင်းမြစ်များ

Matalikilo 35:4

Aboobo bakapa Jakobo balesa beensu boonse amasikiyo ngobakalinga kufwete. Mpeeke lakwe wakashifukila muunshi lya mubanga pafwaafwi andabala ya Shekemu.

2 Baami 11:17

Jeoiyada mupailishi wakalengesha ayi Mwaami Joashi abantu boonse bapange cipangano aMwaami Lesa kwaamba ayi babe ba Mwaami Lesa. Wakelengesha alimwi ayi mwaami Joashi abantu bapange cipangano.

2 Makani 15:12

Bakapanga cipangano ico ncebakasuminishanya kwaamba ayi banoolambila Mwaami Lesa, Lesa wa bamashali babo bakulukulu camoyo woonse abuumi bwabo boonse.

2 Makani 15:15

Bene Juda boonse bakalinga kukondetwe mukwiinga bakapanga cipangano amyoyo yabo yoonse. Bakalambila Mwaami Lesa cakusangalala alimwi alakwe wakabatambula akubapa luumuno kumbasu shoonse.

2 Makani 23:16

Kuswawaawo Jeoiyada mupailishi wakaambila mwaami Joashi kwaamba ayi bantu boonse bacatane mukupanga cipangano kwaamba ayi babe bantu ba Mwaami Lesa.

2 Makani 29:10

“Ono bulya ndayeeya kupanga cipangano aMwaami Lesa, Lesa wa bene Isilaeli kwaamba ayi bukali bwakwe buyoosha bumane pali ndiswe.

Neyemiya 9:38

“Ono ceebo ca sheeshi, tutoopanga cipangano ceelete kukonkelwa cakushomeka. Tutoocilemba abalo bamatanjilili besu, bene Lefi abapailishi batoobikawo kalamatila wa twishibilo twabo.”

Kulonga 15:25

Lakwe Mose wakapaila abuumbi kuMwaami Lesa, mpeeke Mwaami Lesa wakamubonesha kasamu, lyalo Mose wakakawaala mumaanshi mpomunyaawo maanshi akaba kabotu. Apo Mwaami Lesa wakabapa mulawo amulasho alimwi apo peenka wakabeelesha.

Kulonga 24:3

Lyalo Mose wakaya mukulwiita bantu boonse milawo amilasho yoonse ya Mwaami Lesa. Bantu boonse bakakumbula pantu pomwi ayi, “Tulaakucita shoonse shaamba Mwaami Lesa.”

Dutolonomi 29:1

Maswi aya nga mucipangano ca Mwaami Lesa ico ncaakaambila Mose ayi apange abene Isilaeli mucishi ca Moabu. Uku nkwiilikoobo pacipangano cakwe ambabo paKalundu ka Sinayi.

Joshuwa 24:1

Mpeeke Joshuwa wakabunganya mikowa yoonse ya bene Isilaeli kuShekemu. Wakeeta bamaloba, bamatanjilili, boomboloshi alimwi abacinenenene ba muIsilaeli. Lyalo bakesa beemikana kunembo lyakwe Lesa.

Joshuwa 24:26

Milawo iyo Joshuwa wakeelemba muLibuku lya Milawo yakwe Lesa. Mpeeke wakabwesa libwe linene akuliimika munshaacisamu ca mubanga pafwaafwi amusena usalalite wa Mwaami Lesa.