Joshuwa 24:23 - Baibo Busansulushi Bwa Libuku Ili

²³ Mpeeke Joshuwa wakaamba ayi, “Ono anu amusowe balesa beensu bali pakati kanu, akupa myoyo yanu kuMwaami Lesa, Lesa wa bene Isilaeli.”

Joshuwa 24:23 ပူးပေါင်းရင်းမြစ်များ

1 Baami 8:57

Mwaami Lesa, Lesa wesu aabe aswebo bweenka mbwaakalinga abamashali besu bakulukulu. Atatushiyi cisuukila nabi kutusuula.

1 Baami 8:58

Aatulengeshe kuba bantu banyumfwila nguwe lyoonse kwaamba ayi tunookala mbuli mbwaasuni akukonkela milawo amilasho yoonse njaakapa bashali besu bakulukulu.

Kulumbaisha 119:36

Amwiishe moyo wangu kusuna kwiisha kwanu. Ee, amunjiishe kusuna kwiisha kwanu kuteshi bubile.

Kulumbaisha 141:4

Mutalekeli moyo wangu kusuna shibiibi. Mutandekeleshi ayi ncite shibiibi pantu pomwi abamucita shibi. Ee, kutandekelesha ayi ndye shilyo shabo shapakusekelela kwabo.

Kulumbaisha 81:10

Ndime Mwaami Lesa, Lesa wanu nendakamukusha mucishi ca Ijipiti. Amulakame nebo ndaakumulisha.

Kulonga 20:23

Tamweelete kulipangila balesa ba silifa nabi golodi twakunoolambila pantu pomwi anebo.

Tushimpi 2:2

Koteya matwi kushintu sha busongo akubika moyo wako mukushinyumfwisha.

Osiya 14:8

Bene Isilaeli teshi bakanoocibete lubasu kushibumbwabumbwa. Ndaakukumbula mipailo yabo akunoobalama. Nebo ndi anga ncisamu ca mapaini ico citaloshi matewu. Shoolwe shabo shoonse shilaswa kuli ndime.”

Joshuwa 24:14

Lyalo Joshuwa wakatolelela ayi, “Anu ono kamulemeka Mwaami Lesa akumusebensela cakushomeka munshila shoonse. Amusowe balesa bakalinga kulambila bamashali banu bakulukulu muMesopotamya amuIjipiti. Lyalo musebenselebo Mwaami Lesa.