Joshuwa 24:11 - Baibo Busansulushi Bwa Libuku Ili

¹¹ “ ‘Mpeeke mwakasubuka Mulonga wa Joodani akushika kuJeliko. Bene Jeliko bakamulwana, mbweeke bwakacita bene Amoli, bene Pelisi, bene Kenani, bene Iti, bene Gegashi, bene Ifi alimwi abene Jebusi. Nakubi boobo ndakabaaba mumaansaanu ayi mubakoome.

Joshuwa 24:11 ပူးပေါင်းရင်းမြစ်များ

Matalikilo 15:19

kubikaako acishi ca bene Keni, bene Kenisi, bene Kadimoni,

Kulumbaisha 105:44

Wakabapa shishi sha baswamashi, bakabwesa buboni bwakaswa munkasaalo ya bamwi.

Kulumbaisha 114:3

Lweenge Lusalala ndilwakababona lwakayuma. Awalo Mulonga wa Joodani wakaboola pesule.

Kulumbaisha 114:5

Webo olweenge, ceebonshi wakayuma? Awebo Joodani wakaboolelanshi pesule?

Kulonga 13:5

Mwaami Lesa wakashomesha bamashali banu bakulukulu cakulumbila kumupa cishi ca bene Kenani, bene Iti, bene Amoli, bene Ifi alimwi aca bene Jebusi. Pakumushisha mucishi ico muli bubile abulongo bubotu, mulyeelete kusekelela lyoonse mumweenshi wakutaanguna mumyaaka yoonse.

Kulonga 23:23

Mpomunyaawo munjelo wangu ulaakutanjila kunembo lyanu akumushisha mucishi ca bene Amoli, bene Iti, bene Pelisi, bene Kenani, bene Ifi alimwi abene Jebusi. Boonse abo ndaakubanyonyoola.

Kulonga 23:28

Lyalo ndaakulengesha balwani banu kupilingana kuboowa. Ndaakutanda bene Ifi, bene Kenani alimwi abene Iti kunembo lyanu.

Kulonga 23:31

Cishi canu cilaakutalikila kuLweenge Lusalala kushikila kuLweenge lwa Mediteleniyani, akuswa kuluyanga kushikila akuMulonga wa Yufuletisi. Ndaakumupa nkusu shakukoma beshi bakanooli mucishi ico, aboobo mulaakubatanda kunembo lyanu.

Kulonga 3:17

Ndayeeya kwaamba ayi nkabakushe muIjipiti, umo mobatoopenshekwa abuumbi, alimwi akubatola kucishi kuli bubile abulongo bubotu. Mucishi umo momuli bene Kenani, bene Iti, bene Amoli, bene Pelisi, bene Ifi alimwi abene Jebusi.

Kulonga 3:8

Aboobo ndesa mukubafuna mumaansa a bene Ijipiti akubakusha mucishi ca Ijipiti, kubatola mucishi cibotu cinene. Mucishi ico muli bubile abulongo bubotu, umo mwikala bene Kenani, bene Iti, bene Amoli, bene Pelisi alimwi abene Jebusi.

Kulonga 33:2

Ndaakutuma munjelo ayi akamutanjilile, alimwi mucishi ico ndaakutandamo bene Kenani, bene Amoli, bene Iti, bene Pelisi, bene Ifi alimwi abene Jebusi.

Milimo ya Batumwi 13:19

Wakanyonyoola mishobo ili yosanwe ayobilo ya mucishi ca Kenani akupa cishi ico kubene Isilaeli.

Milimo ya Batumwi 7:45

Kuswawaawo, bamashali besu bakulukulu bakashiilwa Tente kuswa kubamashali babo. Mpeeke bakalinga kwiinyamuna ndibakalinga aJoshiwa, pakubwesa cishi ico Lesa ncaakatandamo mishobo imwi kunembo lyabo. Bakekala aTente iyo kushikila amunshiku shakwe Defedi

Dutolonomi 7:1

“Ono Mwaami Lesa, Lesa wanu ulaakumutola mucishi ico nceshi mukabwese alimwi ulaakutandaanya mishobo yosanwe ayobilo icite nkusu kwiinda ndimwe iliimo, nkokwaamba ayi bene Iti, bene Gegashi, bene Amoli, bene Kenani, bene Pelisi, bene Ifi alimwi abene Jebusi.

Joshuwa 3:10

Ono ndyeshi mwishibe ayi Lesa muumi uli amwebo, alimwi ayi ncakwiila utootanda bene Kenani, bene Iti, bene Ifi, bene Pelisi, bene Gegashi, bene Amoli alimwi abene Jebusi kunembo lyanu.

Joshuwa 4:1

Ono mushobo woonse ndiwakamana kusubuka Mulonga wa Joodani, Mwaami Lesa wakaambila Joshuwa ayi,

Joshuwa 4:19

Ono pabushiku bwalikumi mumweenshi utaanshi, bantu ndibakasubuka Mulonga wa Joodani, bakaya mukuyaka misumba kuGilugala, pafwaafwi andabala ya Jeliko.

Joshuwa 4:23

Mukanoobasansulwita ayi Mwaami Lesa, Lesa wanu wakayumya Mulonga wa Joodani kunembo lyanu kushikila mwasubuka. Wakacita bweenka mbwaakayumya Lweenge Lusalala ayi tusubuke.

Joshuwa 9:2

Lyalo boonse bakacatana pantu pomwi kwaamba ayi balwane Joshuwa alimwi abene Isilaeli bamwi boonse.