Joshuwa 23:7 - Baibo Busansulushi Bwa Libuku Ili

⁷ kwaamba ayi mutakonkeli shicita mishobo imwi iyo njemucili ayo. Tamweelete kwaamba meena a balesa babo, kwaasebensesha pakushomesha cakulumbila, kubalambila nabi kubafukamina.

Joshuwa 23:7 ပူးပေါင်းရင်းမြစ်များ

2 Baami 17:12

Munshila iyo tabakwe kunyumfwila mulasho wa Mwaami Lesa wakwaamba ayi, “Tamweelete kulambila shibumbwabumbwa.”

2 Baami 5:18

Mwaami Lesa anoondekelela na ndashindikila baami bangu kuŋanda yakwe Limoni, lesa wa bene Silya mukumulambila. Ncakwiila Mwaami Lesa ulaakundekelela!”

2 Makani 7:19

Sombi na webo nabi bamulunyungu lwako bakacileeke kunyumfwila, ee, kucileka kukonkela milawo amilasho njindakakupa nabi kutalika kulambila balesa bamwi,

Kulumbaisha 16:4

Ono abo baya bulambila balesa bamwi, balalifushishabo mapensho beene. Nebo nshikoonshi kubengaabo mulambu wa bulowa, alimwi nshikoonshi kulambila balesa babo.

Kulonga 20:5

Utafukamini cibumbwabumbwa cili coonse nabi kucilambila, mukwiinga nebo neMwaami Lesa, Lesa wanu, ndi shibusuba. Ndapa mulandu bantu abo bampatite, alimwi akubamulunyungu lwabo kushikila akulishalane lyatatu alyane.

Kulonga 23:13

“Kamukonkela shintu shoonse nebo neMwaami Lesa nshendamulwiita. Mutapaili balesa bamwi, tamweelete kubanda nabibo meena abo.

Kulonga 23:33

Alimwi mutakasuminishi bantu abo kwikala mucishi canu. Na mukabasuminishe, balaakulengesha ayi mukambishishe. Kulambila balesa babo, kulaakuba koose keshi kakamuletele lufu.”

Tushimpi 4:14

Utakeeleshi kukonkela bucita bantu babiibi alimwi kuteenda munshila sha bamucita shibi.

Jelemiya 12:16

Na bakeshibe kabotu nshila sha bantu bangu akushomesha cakulumbila muliina lyangu ayi, ‘Bweenka mbocibete lushinisho ayi Mwaami Lesa ngumuumi,’ ee, bweenka mbobakalinga beeisha bantu bangu kushomesha cakulumbila muliina lyakwe Baali, ingayi balaakwikala pantu pomwi abantu bangu.

Jelemiya 5:7

Ono Mwaami Lesa weepusha ayi, “Ino inga ndalekelela buyani shibiibi shanu? Bana banu bakansuula akutalika kulambila balesa bateshi bancinencine. Ndakalinga kubapa shoonse nshebakalinga kusuni, sombi bakatolelela kucita bufuule akusowa ciindi cabo mumaanda a bafuule.

Osiya 2:17

Ndaakukusha liina lya Baali mumilomo yabo. Teshi bakasebenseshewo tubili meena abo pakupaila.

Sefaniya 1:5

Ndaakunyonyoola baabo batanta pashiluli akulambila mimuni ya mwiculu. Ndaakunyonyoola abaabo balambila akushomesha kunyumfwila ndime neMwaami Lesa, sombi pesule balumbila muliina lyakwe Moleki lesa wakubeca.

Shakubelenga 32:38

Nebo, Baali Meyoni (mandabala aya bakaapa meena amwi) alimwi aSibima. Anu mandabala oonse ngobakayaka alimwi, bakaapa meena amwi.

Shakubelenga 33:55

Sombi na mukabule kutanda bantu bali mucishi ico, abo mbweshi bakacaale balaakumupensha anga ntupampaansha mumeenso nabi anga njimyuumfwa ili mumbafu shanu alimwi balaakumulwana.

1 Bene Kolinto 15:33

Mutabecekwi, “Shiweenda aumineme, awebo inga waminama.”

Bene Efeso 5:11

Mutabiko lubasu kushintu shitacite ncito sha mumunshinshe isho shicita bantu bamwi. Sombi mwebo mulyeelete kushileta kumumuni.

Dutolonomi 10:20

Kamunyumfwila Mwaami Lesa, Lesa wanu alimwi kamulambilabo nguwe eenka. Kamushomeka akushomesha cakulumbila muliina lyakwebo.

Dutolonomi 6:13

Mukanoolemeka Mwaami Lesa, Lesa wanu. Mukanoolambilabo nguwe eenka akunooshomesha shintu cakulumbila muliina lyakwe.

Dutolonomi 6:14

Mutalambili balesa bamwi, abo ba bantu bamushingulukite kuno.

Joshuwa 23:12

Ono na mukamwaashukile akweendelana amishobo imwi iyo icili pakati kanu, alimwi na mukatalike kweeba akweebeshana pakati kanu ambabo,

Joshuwa 23:8

Sombi mulyeelete kushomeka kuMwaami Lesa, Lesa wanu bweenka mbomwakalinga kwisule kushika asunu.