Joshuwa 23:16 - Baibo Busansulushi Bwa Libuku Ili

¹⁶ Na mukabule kulama cipangano ca Mwaami Lesa ico Mwaami Lesa mwiine ncaakamwaambila ayi mulame, akutalika kusebensela balesa bamwi akubalambila, Mwaami Lesa ulaakukalala akumupa mulandu, cakwaamba ayi mulaakumanamobo lyeeli mucishi cibotu cino ncaakamupa.”

Joshuwa 23:16 ပူးပေါင်းရင်းမြစ်များ

1 Baami 14:15

Mwaami Lesa ulaakupensha bantu bene Isilaeli alimwi balaakunootutuma anga nditete lili mukalonga. Ulaakukusha bene Isilaeli mucishi ici cibotu ico ncaakapa bamashali babo bakulukulu, alimwi ulaakubapalanganya kwiindilila Mulonga wa Yufuletisi. Ulaakucita boobo mukwiinga bakasonkomona bukali bwakwe kwiinda mukupanga shikoshanyo sha lesa mwanakashi Ashela.

1 Baami 9:6

Sombi na webo nabi bamulunyungu bako bakacileeke kunyumfwila ee, kucileka kukonkela milawo amilasho njindakakupa nabi kutalika kulambila balesa bamwi,

1 Baami 9:7

lyalo bene Isilaeli ndaakubatanda mucishi ncendakabapa. Ndaakufutatila Ŋanda iyo njendasalasha kwaamba ayi noolambililwaamo. Bantu kuli koonse balaakuseka bene Isilaeli akubabona ayi taaku mbobabete.

2 Baami 17:7

Ndabala ya Samaliya yakakomwa mukwiinga bene Isilaeli bakabisha kuMwaami Lesa, Lesa wabo uyo wakabafuna kumwaami wa bene Ijipiti akubakusha mubusha. Bakalinga kulambila balesa bamwi,

2 Baami 24:20

Mwaami Lesa wakakalala abuumbi pabene Jelusalemu apabene Juda cakwaamba ayi wakabakusha pameenso akwe. Ono mwaami Sedekiya wakabukila mwaami wa bene Babiloni.

Isaya 24:5

Ceebo bantu bacilengesha kutanoosalalite kwiinda mukupwaya milawo yakwe Lesa. Ee, bakapwaya cipangano ico ncaakapanga ambabo kwaamba ayi cikanooliikobo kwalyoonse alyoonse.

Jelemiya 32:23

Sombi balo ndibakesa mucishi ico akucibwesa ayi ncabo, tabakwe kukonkela milawo yanu nabi kwikala kweelana akwiisha kwanu. Taaku nabi comwi ncebakacitaawo pasheesho nshemwaakabaambila ayi banoocita. Paceebo ceeco, mwakaleta mapensho a mushobo uyu pakati kabo.

Jelemiya 32:24

“Bene Babiloni bapanga shitunta shakutantilaawo pakulwana kushingulusha ndabala inene ayi beekoome. Ono kwiinda munkondo, nsala amwaalu, ndabala inene iyi ilaakwaabwa mumaansaabo. Nkokwaamba ayi makani oonse ngomwakaamba nobaLesa ngalushinisho.

Shakubelenga 33:56

Ono na mukaalilwe kubatandaamo, ndaakumunyonyoola bweenka mbondakabamba kubacita.’ ”

Dutolonomi 17:3

Nkokwaamba ayi wakalambila akusebensela balesa bamwi, lisuba, mweenshi nabi nyenyeenshi, ico citeendelani amulawo wa Mwaami Lesa.

Dutolonomi 28:15

“Sombi na mukabule kunyumfwila Mwaami Lesa, Lesa wanu alimwi akutakonkela kabotu milawo amilasho yakwe yoonse iyo njentoomupa sunu, mashingo aya oonse alaakwisa pali ndimwe.

Dutolonomi 6:15

Na mukalambile balesa bamwi, bukali bwa Mwaami Lesa bulaakwisa pali ndimwe mbuli mulilo akumunyonyoola noonse cakumaninina mukwiinga Mwaami Lesa, Lesa wanu uyo ngomuli akwe ngushibusuba kubaabo balambila balesa bamwi.

Boomboloshi 2:14

Aboobo Mwaami Lesa wakabaaba mumaansa a beshikusaala, abo bakasaala shintu shabo, akubalwani babo abo bakalinga kubashingulukite cakwaamba ayi bakaalilwa kulifuna.

Boomboloshi 2:20

Mpeeke Mwaami Lesa wakakalalila bene Isilaeli akwaamba ayi, “Bantu aba bakaka kukonkela cipangano ncendakapa bamashali babo bakulukulu mukutanyumfwila.

1 Samwelo 12:25

Sombi na mwatolelela kucita shibiibi, nkokwaamba ayi mwebo amwaami wanu mulaakunyonyoolwa.”