Joshuwa 22:5 - Baibo Busansulushi Bwa Libuku Ili

⁵ Ono mulyeelete kulama milawo amilasho yakamupa Mose, musebenshi wa Mwaami Lesa, wakwaamba ayi, ‘Musune Mwaami Lesa, Lesa wanu, mucite kuyanda kwakwe, mukonkele milawo yakwe, mushomeke alimwi mumusebensele camoyo woonse alimwi abuumi bwanu boonse.’ ”

Joshuwa 22:5 ပူးပေါင်းရင်းမြစ်များ

Kulumbaisha 106:3

Balicite coolwe bakonkela milawo ya Mwaami Lesa, abo bacita shiluleme lyoonse.

Kulumbaisha 78:7

Aboobo balaakucinka manungo muli Lesa, alimwi teshi bakalubeeko milimo yakwe, sombi balaakukonkela milawo yakwe.

Kulonga 15:26

Wakabaambila ayi, “Na munoonyumfwila amoyo woonse kwiinda mukucita nsheensuni alimwi akukonkela milawo amilasho yangu yoonse, teshi nkamuletelewo malwashi mbuli aayo ngondakaletela bene Ijipiti. Nebo ndime Mwaami Lesa uyo umushilika.”

Kulonga 20:6

Sombi ndabonesha lusuno lwangu kushuulu ashuulu sha baabo bansuni akukonkela milawo yangu.

Kulonga 23:13

“Kamukonkela shintu shoonse nebo neMwaami Lesa nshendamulwiita. Mutapaili balesa bamwi, tamweelete kubanda nabibo meena abo.

Kulonga 23:25

Na munoonambila neMwaami Lesa, Lesa wanu, ndaakumupa coolwe ca shakulya aca maanshi alimwi ndaakukusha malwashi oonse pali ndimwe.

Tushimpi 4:23

Bunene bunene, ulame moyo wako ceebo nkokantupu ka buumi bwako.

Isaya 55:2

Ceebonshi mulasebensesha maali pashintu shiteshi cakulya? Ceebonshi mulasebensela cintu ceenga tacimukutishiiwo? Amukutike, ee, amukutike kuli ndime mulye shibotu. Ncakwiila amukutike mulisangalashe ashakulya shibotu.

Jelemiya 12:16

Na bakeshibe kabotu nshila sha bantu bangu akushomesha cakulumbila muliina lyangu ayi, ‘Bweenka mbocibete lushinisho ayi Mwaami Lesa ngumuumi,’ ee, bweenka mbobakalinga beeisha bantu bangu kushomesha cakulumbila muliina lyakwe Baali, ingayi balaakwikala pantu pomwi abantu bangu.

Mateyo 22:37

Jesu wakamukumbula ayi, “ ‘Suna Mwaami Lesa wako amoyo wako woonse, abuumi bwako boonse, amiyeeyo yako yoonse.’

Mateyo 4:10

Lyalo Jesu wakamwaambila ayi, “Swaawo apa Satana! Ceebo kulilembetwe ayi, ‘Ulyeelete kulambila Mwaami Lesa, Lesa wako alimwi akusebenselabo nguwe.’ ”

Mateyo 6:24

“Taaku muntu weenga wasebensela baami bobilo, mukwiinga ulapata womwi akusuna umwi, nabi kunyumfwila womwi akusuula umwi. Nkokwaamba ayi tamukoonshi kusebensela Lesa abuboni.

Luka 1:74

ulaakutupulusha kuswa kubalwani kwaamba ayi tumusebensele cakubula boowa

Joni 12:26

Uyo woonse utooyanda kusebensela ndime, ulyeelete kunkonkela kwaamba ayi nkweenga kaambete, alakwe musebenshi wangu akanooliiko. Abalo baTa balaakupa bulemu muntu woonse usebensela ndime.

Joni 14:15

“Na mulinsuni, munanoolama milawo yangu.

Milimo ya Batumwi 11:23

Ono ndyaakashika akubona Lesa mbwaakapa coolwe bantu abo, wakakondwa. Wakabayuminisha ayi batolelele kushoma muMwaami Jesu amyoyo yabo yoonse.

Milimo ya Batumwi 27:23

Mukwiinga mashiku Lesa uyo unyeendelesha alimwi ngoonambila, watuma munjelo wakwe kuli ndime.

Bene Loma 1:9

Lesa uyo ngoonsebensela amoyo woonse kwiinda mukushimikila Makani Abotu aamba shaMwanaakwe, ngukamboni wangu ayi ico ncentokwaamba ncalushinisho. Ulishi alimwi kwaamba ayi ndamuyeeya lyoonse

Bene Loma 12:9

Mulyeelete kuba alusuno lwalushinisho. Amupate bubi akusunisha kucita shintu shibotu.

Bene Loma 8:28

Tulishi kwaamba ayi Lesa shintu shoonse ulasheensha kabotu kubaabo bamusuni, nkokwaamba ayi abo bantu mbwaakeeta kweelana akubamba kwakwe.

Dutolonomi 10:20

Kamunyumfwila Mwaami Lesa, Lesa wanu alimwi kamulambilabo nguwe eenka. Kamushomeka akushomesha cakulumbila muliina lyakwebo.

Dutolonomi 11:1

“Amusune Mwaami Lesa, Lesa wanu alimwi kamukonkela milawo amilasho yakwe yoonse.

Dutolonomi 11:13

“Ono aboobo amukonkele milawo njendamupa sunu. Amusune Mwaami Lesa, Lesa wanu akumusebensela amyoyo yanu yoonse alimwi abuumi bwanu boonse.

Dutolonomi 11:22

“Amukonkele cakushomeka milawo yoonse njendamupa. Amusune Mwaami Lesa, Lesa wanu, amucite shoonse nshaamba, alimwi kamushomeka kuli nguwe.

Dutolonomi 13:4

Amukonkele Mwaami Lesa, Lesa wanu eenka akumulemeka, mumunyumfwile akulama milawo yakwe. Kamumulambila akushomeka kuli nguwe.

Dutolonomi 4:29

Ono uko mulaakunoolangoola Mwaami Lesa, Lesa wanu, lyalo na mukanoomulangoola amoyo woonse alimwi abuumi bwanu boonse, mulaakumucana.

Dutolonomi 4:4

Sombi mwebo nobamwi nomwakalinga kushomeka kuMwaami Lesa, Lesa wanu mucili boomi asunu.

Dutolonomi 4:6

Amukeekonkele cakushomeka. Ico cilaakutondesha mishobo imwi busongo mbomucite akunyumfwishisha kwa shintu shoonse. Na bakanyumfwe milawo iyi, balaakwaamba ayi, ‘Mushobo uyu ngunene ulicite busongo bunene akunyumfwishisha kwa shintu shoonse!’

Dutolonomi 4:9

Amucenjele! Amushinishe ayi teshi mukaluube kulilabo kamucili boomi, isho nshemwakabona ameenso anu nobeene. Mukaambileeko bana banu abashikulu banu

Dutolonomi 5:10

Sombi ndabonesha lusuno lwangu kushuulu ashuulu sha baabo bansuni akukonkela milawo yangu.

Dutolonomi 6:17

Mulyeelete kushinisha kwaamba ayi mulaakunookonkela milawo amilasho yoonse njaamupa.

Bene Ebulu 12:15

Amucenjele kwaamba ayi kutabi muntu nabi womwi weshi aswe kuluse lwakwe Lesa, nabi abe anga nimbuto shamilunda isho shicita na shakula, shabisha shimwi shoonse.

Jemusi 1:12

Ulicite coolwe uyo utolelela kushoma na weeleshekwa mukwiinga na wakoma masunko, ulaakutambula mushini wa buumi butamaani uyo Lesa ngwaakashomesha baabo bamusuni.

Jemusi 2:5

Amukutike nobamakwesu basunikwi, Lesa wakasala baboneka ayi mbakandu mucishi ca panshi ayi bakabe babile mulushomo akwinjila muBweene bwakwe Lesa ubo mbwaakashomesha baabo bamusuni.

Joshuwa 23:8

Sombi mulyeelete kushomeka kuMwaami Lesa, Lesa wanu bweenka mbomwakalinga kwisule kushika asunu.

Ciyubululo 15:3

Bakalinga kwiimba lwiimbo lwakwe Mose musebenshi wakwe Lesa alimwi alwiimbo lwa Mwanaambelele ayi, “NoBaami baLesa Beshinkusu shoonse, micito yanu njinene alimwi ilakankamika abuumbi! NoBaami baLesa ba mishobo yoonse ya bantu, nshila shanu shililuleme alimwi nshalushinisho!

1 Samwelo 12:20

Lyalo Samwelo wakabaambila ayi, “Mutaloondi, nakubi kwaamba ayi mwakacita cibiibi ca mushobo uyo, mutafutatili Mwaami Lesa, sombi kamumusebenselabo camoyo woonse.

1 Samwelo 12:24

Ono kamunyumfwila Mwaami Lesa akumusebensela cakushomeka alimwi acamoyo woonse. Amwiibaluke shintu shikankamanisha isho nshaakamucitila.

1 Samwelo 7:3

Mpeeke Samwelo wakaambila bantu ayi, “Na musandukile kuMwaami Lesa amyoyo yoonse, mutoosowa balesa beensu ashikoshanyo shakwe Ashitaloti lesa mwanakashi. Amulyaabe cakumaninina kuMwaami Lesa akulambilabo nguwe eenka. Lyalo ulaakumufuna kuswa munkusu sha bene Filisiti.”