Joshuwa 22:22 - Baibo Busansulushi Bwa Libuku Ili

²² “Shinkusu shoonse Ulya nguLesa alimwi nguMwaami Lesa! Shinkusu shoonse Ulya nguLesa alimwi nguMwaami Lesa! Ulishi ncetwacitila bobulya, abalo bene Isilaeli bamwi boonse abeshibe! Na ncakwiila twacita ceeci mubwaashu nabi mukutanyumfwila Mwaami Lesa, sunu lyeenka mutumaneewo.

Joshuwa 22:22 ပူးပေါင်းရင်းမြစ်များ

1 Baami 8:39

amukutike mipailo yabo. Amubakutike kwiculu uko nkomwikala, mubalekelele alimwi akubacafwa. Mwebo nweenka ndimwe mwishi miyeeyo ya bantu. Amucitile muntu womwi awomwi mbuli mbwaaelete

Jobo 10:7

Mulishi kwaamba ayi nshicite mulandu alimwi taaku ukonsha kumfuna kuswa mumaansaanu.

Jobo 23:10

Sombi lakwe ulishi mboonyenda, Aakumana kunsunka, ulaakucana ayi ndisalalite anga ngugolodi wiine wiine.

Jobo 31:22

ingayi lyaansa lyangu alisutuke, ee, lisutukilebo mwiine molinunganina amubili.

Kulumbaisha 136:2

Amulumbe Lesa wa balesa boonse, ee, mukwiinga lusuno lwakwe ndwamuyayaya.

Kulumbaisha 37:6

Ncakwiila ulaakulengesha bululami bwako kuboneka patuba, bulaakubonekesha bweenka mbuli lisuba mbolibala.

Kulumbaisha 40:9

Kulikoto lya bantu ndaambilisha shabululami bwanu, nshuumunibo sobwe, amwebo mbomwishi noBaami baLesa.

Kulumbaisha 44:21

naakwiinga mwebo mwakeshiba mukwiinga mwebo mulishi miyeeyo yesu yabushishi.

Kulumbaisha 44:22

Ceebo ca ndimwe tulacaikwa bushiku abushiku, ee, nceebo ca ndimwe ncetutoocitilwa anga nimbelele shakucaya.

Kulumbaisha 50:1

Lesa Shinkusu shoonse, Mwaami Lesa utokwiita cishi coonse. Utokwiita bantu kuswa kooko lisuba nkoliswita kuya mukushika ankolipilila.

Kulumbaisha 82:1

Lesa ngooendelesha nkuta yakwe ya kwiculu. Ngowoombolosha akutimbula makani pakati ka balesa ayi,

Kulumbaisha 95:3

Mukwiinga Mwaami Lesa ngoLesa wiindaawo, alimwi nguMwaami wiinda pabalesa boonse.

Kulumbaisha 97:7

Abo boonse balambila shibumbwabumbwa balalenshekwa nsoni, ee, abo boonse balyuuma mucaamba ceebo ca shibumbwabumbwa. Abalo balesa balafukama kunembo lya Mwaami Lesa mukumulambila.

Kulonga 18:11

Ono ndeshiiba ayi Mwaami Lesa ulicite nkusu kwiinda pabalesa boonse, mukwiinga wakacita boobo ciindi bene Ijipiti ndibakalinga kubona bene Isilaeli ayi taaku mbobabete.”

Jelemiya 12:3

Sombi noBaami baLesa nebo mulinshi, mulambona alimwi akweelesha miyeeyo yangu pali ndimwe. Basankwa abo babiibi, amubakwelaanye anga nimbelele itooya mukucaikwa! Mubabiike lubasu kushikila bushiku mbweshi bakacaikwe!

Jelemiya 17:10

Nebo neMwaami Lesa ndalanga mumoyo wa muntu akweelesha miyeeyo yakwe kwaamba ayi nambule muntu kweelana amicito yakwe, ee, abweelete milimo yakwe.”

Danyelo 11:36

“Mwaami wa bene Silya ulaakucita cili coonse ncaasuni. Ulaakulisumpula akulipa bulemu kwiinda pabalesa boonse alimwi ulaakucobola aLesa Wiindaawo pabalesa boonse. Ulaakucita boobo kushikila ciindi ca bukali bakwe Lesa cikeende mukwiinga Lesa ulaakucita ceenka ico ncaakayeeya.

Danyelo 2:47

Kuswawaawo mwaami Nebukadinesa wakaambila Danyelo ayi, “Ndushinisho Lesa wako nguLesa wa balesa, nguMwaami wa bamaami alimwi nguLesa uyubulula shishisitwe. Ndaamba boobo ceebo wacikonsha kunjubulwita shishisitwe ishi.”

Mika 7:9

Ceebo cakwaamba ayi twakabishisha Mwaami Lesa, tulyeelete kunyumfwa bukali bwakwe paciindi cino. Sombi ulaakwisa mukutufuna akutucitila ciluleme mushintu nshetwakabishilwa. Lyalo ulaakutuboosha mumumuni. Ncakwiila lupulusho lwakwe tulaakulubona ameenso esu.

Malaki 3:18

Paciindi ico bantu alimwi balaakubona bupusano buli pakati ka bantu baluleme abataluleme, bansebensela alimwi abatansebenseli.”

Joni 21:17

Jesu wakeepusha lyatatu ayi, “Simoni omwanaakwe Joni, sa ulinsuni?” Mpomunyaawo Pita wakoongumana mukwiinga Jesu wakamwiipusha lyatatu ayi, “Sa ulinsuni?” Lyalo wakaamba ayi, “Nkambo, mwebo mulishi shintu shoonse nkokwaamba ayi mulishi ayi ndimusuni!” Jesu wakamwaambila alimwi ayi, “Kosanina mbelele shangu.

Milimo ya Batumwi 1:24

Kuswawaawo bakapaila ayi, “Nkambo, mwebo nomwishi myoyo ya bantu boonse. Amutuboneshe wooyo ngomwasala pabantu bobilo aba

Milimo ya Batumwi 25:11

Ono na kuli ncendakacita citasuminishikwi muMilawo, nceenga calengesha ayi mpingulwe kucaikwa, nshintookaka kucaikwa. Sombi na ishi nshebatokwaamba ayi ndakacita teshi shalushinisho, taaku muntu weenga wantola mumaansaabo. Ntoosenga ayi Sisa muleli munene wa kuLoma akoomboloshe mulandu wangu.”

2 Bene Kolinto 11:11

Sa ntokwaamba boobo ceebo cakutamusuna? Sobwe, Lesa ulishi kwaamba ayi ndimusuni!

2 Bene Kolinto 11:31

Lesa alimwi Ishi Mwaami wesu Jesu, uyo weelete kulumbaishikwa lyoonse alyoonse, ulishi ayi nshintoobeca.

2 Bene Kolinto 5:11

Ono tulishi ayi Mwaami ulyeelete kulemekwa, aboobo tuleelesha kunyengelela bantu. Lesa ulishi shoonse shapali ndiswe alimwi ndashoma kwaamba ayi amwebo mulinshi mumyoyo yanu.

Dutolonomi 10:17

Mwaami Lesa, Lesa wanu nguLesa wa balesa, Mwaami wa baami, uleendaawo alimwi ngushinkusu, weelete kuloondwa. Taasalululi alimwi taatambuli makulo.

1 Timoti 6:16

Lakwe eenkabo ngootafwi alimwi ngookala mumumuni utashikwa pafwaafwi. Taaku wakamubonawo kale alimwi taaku ukonsha kumubona. Bulemu abweendeleshi butamaani bube kuli nguwe lyoonse alyoonse. Ameni.

Bene Ebulu 4:13

Taaku cintu nabi comwi cishisitwe pameenso akwe Lesa, sombi shoonse shilengwa ulashibona bweenka mbuli mboshibete alimwi nkuli nguwe nkotweelete kusansulwita shoonse nshetwakacita.

Joshuwa 22:21

Mpeeke ba mumukowa wakwe Lubeni, Gadi alimwi amusa wa mukowa wakwe Manase wa kwicwe bakakumbula bamatanjilili ba mikowa ya bene Isilaeli yakacaala kumbo ayi,

Ciyubululo 19:16

Apalo pacisani cakwe apalibelo, pakalinga kulembetwe liina lyakwaamba ayi, “Mwaami wa bamaami, Mweendeleshi wa beendeleshi.”

Ciyubululo 2:23

alimwi ndaakucaya bana bakwe boonse. Lyalo shoonde shoonse shilaakwishiba ayi ndimeenshi shili mumyoyo alimwi amiyeeyo ya bantu boonse. Ndaakupa muntu woonse mulikoto lyanu kweelana amilimo yakwe.

1 Samwelo 15:23

Bwaashu bulibo anga ncibiibi cakusonda, akwalo kulisumpula kuli anga mbubi bwakulambila shibumbwabumbwa. Ono mukwiinga wakakaka liswi lya Mwaami Lesa, alakwe wakaka ndiwe kunoocili mwaami.”

1 Samwelo 2:3

Anu cileke kutumbama. Ee, maswi akulisumpula aamane. Ceebo Mwaami Lesa, nguLesa ushi shoonse, ngowoombolosha shoonse shicita bantu.