Joshuwa 21:11 - Baibo Busansulushi Bwa Libuku Ili

¹¹ Bakabapa ndabala inene ya Kilyati Aaba ili mucishi ca tulundu ca Juda, iyo iitwa ayi Ebuloni bulya pantu pomwi amafulo akalinga kwiishingulukite. Aaba wakalinga ishi Anaki.

Joshuwa 21:11 ပူးပေါင်းရင်းမြစ်များ

Matalikilo 23:2

Wakafwita muEbuloni mucishi ca Kenani, lyalo Abulaamu wakaya mukumulila abuumbi.

Matalikilo 35:27

Mpeeke Jakobo wakaya kuli baishi baIsaki kuMamule, pafwaafwi aEbuloni, uko Abulaamu aIsaki nkobakekala.

2 Samwelo 15:7

Ono ndipakeenda myaaka yone, Abusalomu wakalwiita mwaami ayi, “Amunsuminishe nje kuEbuloni nkacite kweelana ambondakashomesha cakulumbila kuMwaami Lesa.

1 Makani 6:55

Bakapekwa ndabala ya Ebuloni mucishi ca Juda pantu pomwi amafulo akalinga kushingulukite.

Luka 1:39

Ndipakeenda nshiku shiniinibo, Maliya wakanyamuka lweendo cakufwambaana kuya mundabala yakalinga mutulundu mucishi ca Judeya.

Joshuwa 14:15

Kalekale cishi ca Ebuloni cakalinga kwiitwa ayi Kilyati Aaba. Muntu wakalinga kwiitwa ayi Aaba wakalinga muntu ulemekwa abuumbi pakati ka bantu bapolomene beetwa ayi bene Anaki. Kuswawaawo inkondo yakaluba mumeenso a bantu boonse mucishi ico.

Joshuwa 15:54

Umata, Ebuloni alimwi aSioli. Nkokwaamba ayi mandabala anene pantu pomwi akalinga osanwe aone kubikaawo amishi yakalinga kushingulukite mandabala ayo.

Joshuwa 21:10

bamulunyungu lwakwe Aloni, abo bakalinga ba mucipani cakwe Kowati mwine Lefi. Mukowa wabo ngoutaanshi kuwitwa cisolo mukupekwa mandabala.

Joshuwa 21:12

Nakubi boobo myuunda amishi yakalinga kwiishingulukite kabali bakapa kale Kalebu mwanaakwe Jefune ayi njaakwe.

Boomboloshi 1:10

Kuswawaawo bene Juda bakaya mukulwana bene Kenani bakalinga kwikala mundabala ya Ebuloni, iyo kalekale yakalinga kwiitwa ayi Kilyati Aba. Uko bakaya mukukoma bamumukowa wakwe Sheshayi, Ayimani alimwi aTalumayi.

1 Samwelo 30:31

ba muEbuloni, akumisena yoonse iyo Defedi abashilumamba bakwe njibakalinga kweendaanaamo.