Joshuwa 2:1 - Baibo Busansulushi Bwa Libuku Ili

¹ Mpomunyaawo Joshuwa wakatuma beshikusensa bobilo cabushishi kuswa kuShitimu ayi baye bakasense cishi ca Kenani, bunene bunene ndabala inene ya Jeliko. Ndibakashika mundabala iyo, bakaya mukwikala muŋanda ya mwanakashi mufuule wiitwa ayi Laabu.

Joshuwa 2:1 ပူးပေါင်းရင်းမြစ်များ

Matalikilo 42:16

Womwi pakati kanu ulyeelete kuya mukumuleta. Nobamwi mutoolamwa kuno abeshikulindilila kushikila nkeshibe lushinisho lwa makani ngomutokwaamba. Kwabula kuba boobo, bweenka mbocili lushinisho ayi mwaami ngumuumi, ncakwiila muli basenseshi.”

Matalikilo 42:9

Mpeeke wakeebaluka shiloto nshaakalota pali mbabo akwaamba ayi, “Muli basenseshi mwebo, mwesa mukubonabo cishi cesu mpocitashupite kwinjilila.”

Mika 6:5

Nobantu bangu, amwiibaluke Balaki mwaami wa bene Moabu ncaakapinga kucita kuli ndimwe. Amwiibaluke Balaamu mwanaakwe Beyo mbwaakakumbula. Amwiibaluke cakacitika mbomwakeenda kuswa kuShitimu kuya kuGilugala kwaamba ayi mwishibe milimo yangu ya bululami yakumupulusha.”

Shakubelenga 13:1

Mpomunyaawo Mwaami Lesa wakaambila Mose ayi,

Shakubelenga 13:2

“Kuswa mumikowa ili likumi ayobilo, usalemo mutanjilili womwi akubatuma ayi basense cishi ca Kenani, ico ncentoopa bene Isilaeli.”

Shakubelenga 25:1

Ono bene Isilaeli ndibakalinga kuShitimu, basankwa bakatalika kukumana abanakashi bene Moabu abo bakalingaako.

Shakubelenga 33:49

Momunya umo muliwesa lya Moabu, bakayakila mweela Joodani kuswa kuBeti Jeshimoti kweela kuAbelo Shitimu.

Mateyo 1:5

Salumoni wakashala Bowasi muli Laabu, Bowasi wakashala Obedi muli Lute, alakwe Obedi wakashala Jese.

Mateyo 10:16

“Amubone, ntoomutuma anga nimbelele pakati kabaumpe, aboobo amucenjelele anga ninsoka akulibombya anga nimpolobe.

Bene Efeso 5:5

Mulyeelete kwishiba cancinencine ayi taakuuwo mufuule, uyo ucita shitaluleme, nabi shikukumbwa camunyono shintu sha bamwi (mukwiinga lunkumbwa lwa munyono lulaba ngolesa wabo) weshi akatambuleko Bweene bwakwe Klistu alimwi aLesa.

Bene Ebulu 11:31

Ndushomo lwakalengesha ayi mwanakashi mufuule Laabu atacaikwi pantu pomwi abaabo batakwe kunyumfwila Lesa mukwiinga wakatambula kabotu beshikusensa bene Isilaeli.

Jemusi 2:25

Mbweeke ubo Laabu mufuule ulya, wakalulamikwa pameenso akwe Lesa ceebo ca micito yakwe ndyaakatambula beshikusensa bene Isilaeli, akubacafwa ayi baloboke mukubeensha nshila imwi.

Joshuwa 1:18

Uyo woonse eshi akabule kunyumfwila maswi ako nabi kukonkela milasho yako, ulyeelete kucaikwa. Sombi ulyeelete kuyuma akulishoma!”

Joshuwa 2:2

Ono mwaami wa kuJeliko wakanyumfwa ayi basankwa bamwi bene Isilaeli besa mashiku ayo mukusensa cishi.

Joshuwa 21:31

Elikati alimwi aya Lewobu pantu pomwi amafulo a ngawo. Mandabala anene ayo akalinga one.

Joshuwa 3:1

Ndibwakaca macuunsacuunsa, Joshuwa alimwi abene Isilaeli boonse bakaswa kuShitimu uko nkobakalinga akuya mukuyaka misumba kuMulonga wa Joodani pakunoolindila kuusubuka.

Joshuwa 5:10

Ingayi macolesha pabushiku bwalikumi ashone mumweenshi uyo kabacili mumisumba kuGilugala kushinyika sha ndabala ya Jeliko, bakasekelela bushiku bwa Pasika bwakwiibaluka kusotokela.

Boomboloshi 1:23

Mpomunyaawo bakatuma basenseshi kuBetelo. Kalekale ndabala iyo yakalinga kwiitwa ayi Lusi.

Boomboloshi 18:14

Mpomunyaawo basankwa bosanwe abo bakalinga mukusensa cishi ca Laishi bakaambila babyaabo ayi, “Sa mulishi kwaamba ayi muŋanda imwi pamaanda aya muli efodi, shibumbwabumbwa shimwi acibumbwabumbwa cakubesa cakananikwa silifa? Ono muleshiba cakucita.”

Boomboloshi 18:17

Paciindi ico balo beshikusensa bosanwe balya bakenjila akubwesa cibumbwabumbwa cakubesa cakananikwa silifa, shibumbwabumbwa shimwi alimwi aefodi. Muciindi ico mupailishi wakalinga kwiimfwi kumwinjililo abashilumamba bali 600 abo bakalinga kupakete shakulwanisha.

Boomboloshi 18:2

Mpomunyaawo bene Dani bakatuma basankwa bosanwe bashiite myoyo kuswa kuSola aEshitaoli kwaamba ayi bakasense cishi akubona mbuli mbocibete. Bantu abo bakabaambila ayi, “Kamuya mukasense cishi cilya.” Ono ndibakashika kucishi ca tulundu ca Efuleemu bakapolela kuŋanda yakwe Mika akoonaako bushiku bomwi.