Joshuwa 18:16 - Baibo Busansulushi Bwa Libuku Ili

¹⁶ Yakakunkuluka kuya munshaakalundu kalangene aCinyika ca Inomu, kumatwa lya Cinyika ca Lefaimu. Lyalo yakatolelela kuya muCinyika ca Inomu kwiinda kunkunamo ya ndabala inene ya bene Jebusi tibili akuEni Logeli.

Joshuwa 18:16 ပူးပေါင်းရင်းမြစ်များ

2 Samwelo 17:17

Jonasani alimwi aAyimaasi bakalinga kwikala kuEni Logelo. Ono mulindu musebenshi wakalinga kweelete kuya mukubalwiita kwaamba ayi baye mukulwiita Defedi, mukwiinga balo bakalinga kuloonda kubonwa kabanjila mundabala inene ya Jelusalemu.

2 Samwelo 5:18

Bene Filisiti bakashika kuCinyika ca Lafaimu akucipaatabo coonse.

1 Baami 1:9

Bushiku bumwi Adonija wakabenga mulambu wa mbelele abacende alimwi aboombe beenite kuLibwe lya Nsoka pafwaafwi akantupu ka Eni Logelo. Wakatamba baana basankwa bamwi ba mwaami Defedi pantu pomwi abacinenenene bakwe Defedi ba muJuda kukusekelela uko.

2 Baami 23:10

Mwaami Josiya wakanyonyoola musena wakulambililaako wa kuTofeti muCinyika ca Inomu kwaamba ayi taaku muntu weenga wabenga mwanaakwe musankwa nabi mwanakashi ayi ngumulambu wakutenta kuli Moleki.

1 Makani 14:9

Bene Filisiti bakashika kuCinyika ca Lafaimu akutalika kucisaala.

2 Makani 28:3

Wakalinga kutenta tununkila kabotu muCinyika ca Inomu alimwi wakalinga kubenga abana bakwe ayi njimilambu yakutenta kushibumbwabumbwa. Wakalinga kucita boobo mukukonkela kwishibila kulensha bunya kwa baabo Mwaami Lesa mbwaakatanda mucishi cabo.

2 Makani 33:6

Wakabenga bana bakwe basankwa ayi njimilambu yakutenta muCinyika ca Inomu. Wakalinga kusonda, kucita buloshi alimwi wakalinga kucebusha akwiipusha kubeshikwaamba abafu. Paceebo ceeco wakabisha abuumbi kuMwaami Lesa akusonkomona bukali bwakwe.

Isaya 30:33

Musena wakutentelaako shintu wakabambwabo kale kale. Uko kweenka nkweshi kukabe mulilo wakutentelaamo mwaami wa bene Asilya. Cilindi ca mulilo uyo cakalongola alimwi ncinene. Cilindi ico cilicite nkuni shiinji abuumbi. Ono kuyoya kwa Mwaami Lesa, uko kuli anga ngumulilo wa salufa, nkweshi kukakumike mulilo pankuni isho.

Jelemiya 19:11

akubaambila ayi nebo neMwaami Lesa Shinkusu shoonse ndaamba ayi, ‘Ndaakupwayoola mushobo uyu andabala iyi bweenka bwapwayooka nongo iyi cakutakonsha kununganishikwa. Bafu balaakufukilwa kuTofeti kushikila kukabule amusena wakufukilaako.

Jelemiya 19:2

Lyalo muye kuCinyika ca Inomu kufwaafwi aMwinjililo wa Shikaye. Uko ukaambilishe maswi ngweshi nkulwiite.

Jelemiya 19:6

Aboobo amucenjele, nshiku shilaakushikila bantu ndyeshi bakacileeke kwiita musena uno ayi Tofeti nabi Cinyika ca Inomu, sombi balaakunoociita ayi Cinyika ca Kucailamo.

Jelemiya 32:35

Bakayakila Baali shipaililo muCinyika ca Inomu pakunootentela lesa Moleki bana babo basankwa abanakashi. Ico ncintu nceentakwe kubaambila nabi kuciyeeyaawo kwaamba ayi inga bacita cintu cilensha bunya ca mushobo uyo akulengesha bene Juda kubisha.”

Joshuwa 15:63

Sombi bene Juda tabakwe kutanda bene Jebusi abo bakalinga kwikala muJelusalemu. Aboobo kushikila asunu, bene Jebusi bacikala nkomunya uko pantu pomwi abene Juda.

Joshuwa 18:28

Sela, Aelefu, ndabala inene ya bene Jebusi nabi ayi Jelusalemu, Gibiya alimwi aKilyati. Nkokwaamba ayi mandabala anene pantu pomwi akalinga likumi aone kubikaawo amishi yakalinga kushingulukite mandabala ayo. Anu ici ncecishi cakapekwa kumukowa wakwe Benjameni ayi ncinebo.

Boomboloshi 1:21

Sombi bene Benjameni balo tabakwe kutandaanya bene Jebusi bakalinga kwikala muJelusalemu. Aboobo kushikila asunu bene Jebusi balekala abene Benjameni.

Boomboloshi 1:8

Mpeeke bene Juda bakalwana ndabala ya Jelusalemu. Bakacaya bantu bakalinga kwikalaamo akwiitenta.

Boomboloshi 19:10

Sombi bushiku ubo musankwa uyo taakwe kusumina koona. Wakanyamuka akulanga kuJebusi, nkokwaamba ayi Jelusalemu. Wakalinga kucite mbongolo shobilo shicite shakwikalaawo. Kasuwa wakwe wakalingaakwe.