Joshuwa 18:12 - Baibo Busansulushi Bwa Libuku Ili

¹² Kulubasu lwakumatwa, nyinsa yabo yakatalikila kuMulonga wa Joodani, kuya kunkunamo ya Jeliko kulubasu lwakumatwa, njeeyo kumbo kucishi ca tulundu kuya mukushika muluyanga lwa Beti Afeni.

Joshuwa 18:12 ပူးပေါင်းရင်းမြစ်များ

Osiya 10:5

Bantu bekala mundabala ya Samaliya baliloondete, alimwi balaakulila ceebo ca cibumbwabumbwa ca mucende mwaana kuBetelo. Bantu balaakulila pantu pomwi abapailishi abo basebensela cibumbwabumbwa ico. Balaakulila caakufuulwa bulemu bwa ncico bwa golodi.

Osiya 4:15

“Nakubi kwaamba ayi bene Isilaeli tabashomeki kuli ndime, bene Juda balo batakaciti mulandu wa mushobo uyo. Tabeelete kuya mukulambilila kuGilugala nabi kuBeti Afeni alimwi tamweelete kushomesha cakulumbila uko ayi, ‘Kweelana ambocibete lushinisho ayi Mwaami Lesa ngumuumi!’

Osiya 5:8

“Amulishe lupeenga lwa nkondo muGibiya. Ee, amulishe lupeenga lwa lwiica muLama Amucenjeshe bene Beti Afeni bacite ciyobeyobe ca nkondo. Amutanjile kunembo nobene Benjameni, tuye kunkondo.

Joshuwa 16:1

Ono cishi cakapekwa bamulunyungu lwakwe Josefu cakalinga kutalikila kuMulonga wa Joodani pafwaafwi aJeliko, kwicwe lya tuntupu twa muJeliko, akuya mukwiinda muluyanga alimwi akushika kucishi ca tulundu ca Betelo.

Joshuwa 18:11

Mukowa wakwe Benjameni ngowakataanguna kupekwa cishi cinebo, kweelana ashipani shabo kwiinda mukuuma cisolo. Bakapekwa cishi cakalinga pakati ka mukowa wakwe Juda awakwe Josefu.

Joshuwa 2:1

Mpomunyaawo Joshuwa wakatuma beshikusensa bobilo cabushishi kuswa kuShitimu ayi baye bakasense cishi ca Kenani, bunene bunene ndabala inene ya Jeliko. Ndibakashika mundabala iyo, bakaya mukwikala muŋanda ya mwanakashi mufuule wiitwa ayi Laabu.

Joshuwa 3:16

maanshi ayo akeemikana kukunka. Lyalo akalundanabo kulaale mundabala iitwa ayi Adamu, iyo ibambene aSaletani. Maanshi akacileka kukunka kuLweenge lwa Mwiinyo. Paceebo ceeci bantu bakasubuka pafwaafwi andabala ya Jeliko.

Joshuwa 6:1

Minjililo ya kundabala inene ya Jeliko yakalinga kucalwa cankusu kwaamba ayi bene Isilaeli babule kwakwinjilila. Aboobo taaku wakalinga kwinjila nabi kuswa.

Joshuwa 7:2

Ono Joshuwa wakatuma basankwa bamwi kuswa muJeliko kuya kuAi, ndabala inene ili kwicwe lya Betelo pafwaafwi aBeti Afeni, ayi bakasense musena uyo. Aboobo basankwa abo bakaya mukusensa ndabala ya Ai.

Joshuwa 8:15

Mpeeke Joshuwa abashilumamba bene Isilaeli abo mbwaakalingaabo bakacita anga baloonda akucicila muluyanga.

1 Samwelo 13:5

Bene Filisiti bakalibungabunga ayi balwane bene Isilaeli. Bakalinga kucite shikoci sha nkondo shili shuulu makumi otatwe, beshikulwanina pamaaki bali shuulu shosanwe acomwi alimwi abashilumamba bamwi baanji anga ngumuseese wa muloombe lwa lweenge. Bakaya kuMikimashi kwicwe lya Beti Afeni akuyaka misumba yabo uko.