Joshuwa 17:6 - Baibo Busansulushi Bwa Libuku Ili

⁶ Mukwiinga baana banakashi bamumukowa wakwe Manase bakapekwa cishi cinebo kweelana abwakapekwa baana basankwa, cishi ca Gilyadi cakapekwa kubamulunyungu lwakwe Manase bamwi.

Joshuwa 17:6 ပူးပေါင်းရင်းမြစ်များ

Joshuwa 13:29

Mpeeke Mose wakapa musa wa mukowa wakwe Manase cishi cimwi kweelana ashipani shabo ayi ncinebo.

Joshuwa 13:30

Cishi cabo cakalinga kutalikila kuMaanaimu kubikaawo acishi coonse ca Bashani, buleelo boonse bwa mwaami Ogi wa kuBashani pantu pomwi amishi yoonse ili makumi osanwe awomwi ya kuJeya muBashani.

Joshuwa 13:31

Mucishi cabo mwakalinga amusa wa Gilyadi pantu pomwi aAshitaloti alimwi aEdileyi, ayo akalinga ngomandabala anene a mwaami Ogi wa kuBashani. Cishi coonse ici cakapekwa kumusa wa bamulunyungu lwakwe Makiya mwanaakwe Manase.

Joshuwa 17:5

Nceceeco Manase ncaakapetwa shipansha likumi sha cishi kwiilika paGilyadi alimwi aBashani kwicwe lya Mulonga wa Joodani.

Joshuwa 17:7

Anu cishi cakwe Manase cakalinga kutalikila kuAsha kuya kuMikimetati kwicwe lya Shekemu. Kuswa kooko nyinsa yakaya kulubasu lwakumalenge kushika akushinguluka bantu ba kuEni Tapuwa.

Joshuwa 22:7

Mose wakapa musa umwi wa mukowa wakwe Manase cishi muBashani, awalo umwi Joshuwa wakaupa cishi kumbo lya Joodani pantu pomwi abamakwababo bamwi bene Isilaeli. Joshuwa ndyaakamana kubaambila ayi baye kumishaabo, wakabapa coolwe akwaamba ayi,