Joshuwa 17:14 - Baibo Busansulushi Bwa Libuku Ili

¹⁴ Kuswawaawo bamulunyungu lwakwe Josefu bakaambila Joshuwa ayi, “Ceebonshi mwatupabo cipansha comwi ca cishi ayi ncinesu? Swebo tuli baanji abuumbi mukwiinga Mwaami Lesa wakatupa coolwe.”

Joshuwa 17:14 ပူးပေါင်းရင်းမြစ်များ

Matalikilo 48:19

Sombi baishi bakakaka akwaamba ayi, “Ndishi omwanaangu, ndishi. Alakwe ulaakuba mushobo alimwi alakwe ulaakuba muntu ulemekwa. Nakubi boobo, mwanike wakwe ulaakwiindaawo alimwi bamulunyungu lwakwe balaakuba likoto lya mishobo.”

Matalikilo 48:20

Wakabapa coolwe bushiku ubo akwaamba ayi, “Mumeena anu, bene Isilaeli mweshi bakanoosengela coolwe. Balaakunokwaamba ayi, ‘Lesa aakulengeshe kuba anga nguEfuleemu aManase.’ ” Aboobo Efuleemu wakamubika kunembo kuli Manase.

Matalikilo 48:22

Ono webo, mbooli muntu wiindaawo pabamakwanu mubulemu, ndakupa cishi ncendakanyaya bene Amoli mukusebensesha mupeeni abuta.”

Shakubelenga 13:7

Isaka Igali mwanaakwe Josefu.

Shakubelenga 26:54

Mukowa ucite bantu baanji ulyeelete kupekwa cishi cinene, awalo ucite bantu baniini, ulyeelete kupekwa cishi ciniini. Mukowa uli woonse utambule kweelana abantu balembetwe.

Shakubelenga 36:12

Bakeebwa mushipani sha bamulunyungu lwakwe Manase mwanaakwe Josefu, lyalo cipansha cabo cakalingabo nca mumukowa wa baishiwabo.

Joshuwa 16:4

Anu bamumukowa wakwe Manase alimwi awakwe Efuleemu, bamulunyungu lwakwe Josefu, bakapekwa cishi ici ayi ncinebo, kweelana ashipani shabo.

Joshuwa 17:15

Mpeeke Joshuwa wakabakumbula ayi, “Na mwafula cakwaamba ayi cishi ca tulundu ca bene Efuleemu caceya, anu amuye musokole luundu luli mucishi ca bene Pelisi alimwi aca bene Lefaimu.”