Joshuwa 16:10 - Baibo Busansulushi Bwa Libuku Ili

¹⁰ Sombi bene Efuleemu tabakwe kutanda bene Kenani abo bakalinga kwikala muGesa. Kushikila asunu bene Kenani balekala abene Efuleemu, sombi balasebenseshekwa anga mbasha.

Joshuwa 16:10 ပူးပေါင်းရင်းမြစ်များ

1 Baami 9:15

Mwaami Solomoni wakasebensesha bantu bacibalu kuyaka Ŋanda yakwe Lesa alimwi aŋanda ya bwaami, kuleta bulongo bwa kweelanishisha kwicwe lya ndabala inene, alimwi akuyaka lubumbu lwa ndabala iyo ya Jelusalemu. Wakabasebensesha akukuyaka ndabala inene ya Asoli, Megido aya Gesa.

1 Baami 9:16

Kalekale mwaami wa kuIjipiti wakalwana bantu ba muGesa akubakoma. Wakacaya bene Kenani boonse bakalinga kwikalaamo akutenta ndabala iyo. Kuswawaawo wakapa ndabala iyo kumwanaakwe mwanakashi ndyaakeebwa kumwaami Solomoni.

2 Makani 8:8

Ee, bamulunyungu lwabo bakalinga kucili mucishi cabo abo bene Isilaeli mbobatakwe kunyonyoola, Solomoni wabacata cibalu. Ncakwiila bacili bacibalu asunu.

Joshuwa 10:33

Paciindi ici Olamu mwaami wa kuGesa wakalinga wesa mukucafwa Lakishi, sombi Joshuwa wakamukoma pantu pomwi abashilumamba bakwe, cakutashiyaawo nabi womwi.

Joshuwa 15:63

Sombi bene Juda tabakwe kutanda bene Jebusi abo bakalinga kwikala muJelusalemu. Aboobo kushikila asunu, bene Jebusi bacikala nkomunya uko pantu pomwi abene Juda.

Joshuwa 16:9

Ono mwakalinga mandabala akalinga mumanyinsa a bene Manase, sombi akabikwa palubasu ayi ngabene Efuleemu, kubikaawo amishi njebakapatula mweenka mubene Manase akubapa.

Joshuwa 17:12

Nacibi boobo bene Manase bakaalilwa kubwesa mandabala anene aya, aboobo bene Kenani bakatolelela kwikalaamo.

Joshuwa 17:13

Sombi bene Isilaeli ndibakaba bunene ankusu, bakacikonsha kusebensesha bene Kenani cabusha, nakubi kwaamba ayi bakaalilwa kubatandaamo boonse.

Boomboloshi 1:29

Abalo bamumukowa wakwe Efuleemu tabakwe kutanda bene Kenani ba kuGesa. Aboobo bene Kenani abo bakatolelela kwikala ambabo.