Joshuwa 15:7 - Baibo Busansulushi Bwa Libuku Ili

⁷ Lyalo kuswa kuCinyika ca Mapensho nyinsa yakeenda kuDebe. Mpeeke yakapetukila kundabala ya Gilugala kulubasu lwakumatwa, iyo ibambene amwinjililo wa Adumimu kumalenge a cinyika ici. Yakatolelela kuya kutuntupu twa Eni Shemeshi akucinka muEni Logeli.

Joshuwa 15:7 ပူးပေါင်းရင်းမြစ်များ

2 Samwelo 17:17

Jonasani alimwi aAyimaasi bakalinga kwikala kuEni Logelo. Ono mulindu musebenshi wakalinga kweelete kuya mukubalwiita kwaamba ayi baye mukulwiita Defedi, mukwiinga balo bakalinga kuloonda kubonwa kabanjila mundabala inene ya Jelusalemu.

1 Baami 1:9

Bushiku bumwi Adonija wakabenga mulambu wa mbelele abacende alimwi aboombe beenite kuLibwe lya Nsoka pafwaafwi akantupu ka Eni Logelo. Wakatamba baana basankwa bamwi ba mwaami Defedi pantu pomwi abacinenenene bakwe Defedi ba muJuda kukusekelela uko.

Isaya 65:10

Cinyika ca Shaloni cilaakuba mafulo a mbelele, acalo cinyika ca Akoli cilaakuba mulela wa ŋombe, ee, kuba misena ya shifubwa sha bantu bangu abo banambila.

Osiya 2:5

Banyinawanu tebakalinga kushomeka alimwi bakalinga kuliletela musebaanyo. Balo bakaamba ayi, ‘Ntooya kubasunikwi bangu, abo beshi bakampe shakulya, shakunwa, shakufwala sha booya bwa mbelele, nsalu shiteshimite, mafuta a olifi alimwi awaini.’

Joshuwa 10:43

Kuswawaawo Joshuwa alimwi abashilumamba bakwe boonse bakaboolela kumisumba yabo kuGilugala.

Joshuwa 15:15

Kuswawaawo wakaya mukukoma bantu bakalinga kwikala mundabala ya Debe iyo yakalinga kwiitwa ayi Kilyati Sefa kalekale.

Joshuwa 15:6

akuya kuBeti Ogila akutolelela kumatwa lya Beti Alaba tibili akulibwe lyakwe Bowani mwanaakwe Lubeni.

Joshuwa 18:17

Lyalo yakapetukila kumatwa akuya kuEni Shemeshi, njeeyo kundabala ya Geliloti iyo ibambene amwinjililo wa Adumimu kuya kuLibwe lyakwe Bowani mwanaakwe Lubeni.

Joshuwa 4:19

Ono pabushiku bwalikumi mumweenshi utaanshi, bantu ndibakasubuka Mulonga wa Joodani, bakaya mukuyaka misumba kuGilugala, pafwaafwi andabala ya Jeliko.

Joshuwa 7:24

Lyalo Joshuwa alimwi abene Isilaeli boonse bakacata Akani mwanaakwe Sela, akubwesa silifa, cakufwala ca peculu, cipimpita ca golodi, bana bakwe basankwa abanakashi, ŋombe shakwe, mbongolo, mbelele, tente yakwe alimwi ashintu shimwi shoonse nshaakalinga kucite. Mpeeke bakatola Akani abamuŋanda yakwe alimwi ashintu isho shoonse kuCinyika ca Akoli.

Joshuwa 7:26

Ingayi pali Akani, bakalundikawo mabwe aanji abuumbi, ayo aciliiwo abobulya. Nceceeco musena uyu ncewiitilwa ayi Cinyika ca Akoli nkokwaamba ayi Cinyika ca Mapensho. Kuswawaawo bukali bwa Mwaami Lesa bwakamana.