Joshuwa 15:47 - Baibo Busansulushi Bwa Libuku Ili

⁴⁷ Nkokwaamba ayi Ashidodi alimwi aGasa pantu pomwi amishi ya ngawo, kuswa kuCinyika ca Ijipiti kuya mukweela muLweenge lwa Mediteleniyani.

Joshuwa 15:47 ပူးပေါင်းရင်းမြစ်များ

1 Baami 5:4

Sombi ono Mwaami Lesa, Lesa wangu wampa luumuno koonse kumanyinsa. Nshicite balwani alimwi taaku babwenekete ayi inga bandwana.

2 Baami 18:8

Wakakoma bene Filisiti akunyonyoola mandabalaabo oonse, kuswa kumishi iniini kushikila kumandabala anene kubikaawo aGasa amisena ishingukulukite.

2 Makani 26:6

Mpeeke Usiya wakaya mukulwana bene Filisiti. Wakapwaya lilinga lya ndabala ya Gati, Jabune alimwi alya Ashidodi. Lyalo wakayakulula mandabala amwi kufwaafwi andabala ya Ashidodi akumisena imwi ya muFilisitiya.

Kulonga 23:31

Cishi canu cilaakutalikila kuLweenge Lusalala kushikila kuLweenge lwa Mediteleniyani, akuswa kuluyanga kushikila akuMulonga wa Yufuletisi. Ndaakumupa nkusu shakukoma beshi bakanooli mucishi ico, aboobo mulaakubatanda kunembo lyanu.

Jelemiya 47:1

Mwaami Lesa wakaŋambila nebo neJelemiya maswi aya pabene Filisiti, Falawo kaatana kulwana bene Gasa.

Jelemiya 47:5

Bene Gasa balaakukulula misusu mumitwi yabo mukulila cabuumba. Bene Ashikeloni balaakuumunabo tontolo. Mwebo nomwakacaala muliwesa, citooba ciindi cilaamfu buyani kamulinengoola?

Sefaniya 2:4

Ndabala ya Gasa balaakwiishiya, ayalo ndabala ya Ashikeloni ilaakuba matongo. Lisuba lyakushika pakati ka mutwi bene Ashidodi balaakutandaanishikwa ayalo ndabala ya Ekiloni ilaakumwayululwa.

Milimo ya Batumwi 8:26

Ono munjelo wa Mwaami Lesa wakaambila Filipo ayi, “Nyamuka uye kumalenge, munshila iswa kuJelusalemu kuya kuGasa.” (Nshila iyi tabeendiimo bantu shinoonshiku.)

Dutolonomi 2:23

Cishi ca muya loombe lwa Mediteleniyani cakalinga cekalwa abene Kileti. Bakanyonyoola bene Afimu, akwikalaamo mbabo mucishi cabo kuya kumalenge kushika akundabala inene ya Gasa.

Joshuwa 11:22

Taaku mwine Anaki nabi womwi wakacaala kaayoya mucishi coonse ca Isilaeli. Mwakacaalabo bakamwikamwi muGasa, Gati alimwi amuAshidodi.

Joshuwa 13:3

ico ciswa kuMulonga wa Shiwo kwicwe lya cishi ca Ijipiti, kuya mukushika akuEkiloni kulubasu lwakumatwa, coonse cakalinga ca bene Kenani, cishi ca bamaami bosanwe ba bene Filisiti, nkokwaamba ayi Gasa, Ashidodi, Ashikeloni, Gati alimwi aEkiloni pantu pomwi aceeco ca bene Afi

Joshuwa 15:4

Kuswa kooko yakaya mukwiinda kuAsimoni akwinjila mukalonga panyinsa ya Ijipiti akuya mukweela kuLweenge lwa Mediteleniyani. Iyi njenyinsa ya bene Juda yakalinga kulubasu lwakumalenge.

Joshuwa 15:46

Mwakalinga amandabala amwi oonse akalinga pafwaafwi aAshidodi, kutalikila kuEkiloni kuya mukweela kuLweenge lwa Mediteleniyani.

Joshuwa 15:48

Mucishi ca tulundu amwalo mwakalinga Shamiya, Jateya, Soko,